ទីភ្នាក់ងារព័ត៌មាន អាកាប៉េ (AKP) រាយការណ៍ពីថ្ងៃអង្គារ ទី២ កុម្ភៈ ថា វេជ្ជបណ្ឌិត ង្វៀន ហ៊ឺ ខាយ (Nguyen Huu Khai) នាយកក្រុមហ៊ុនខាងលើនេះបានពិនិត្យលើបញ្ហានេះកាលពីថ្ងៃ៣១ ខែមករាកន្លងទៅ ក្នុងពេលជួបជាមួយប្រធានរដ្ឋសភាខ្មែរ លោក ហេង សំរិន នៅក្រុងភ្នំពេញ។
មានព័ត៌មានថា ក្រុមហ៊ុនយៀកណាមជាច្រើនបានបោះទុនវិនិយោគនៅកម្ពុជា ដូចជាខាងផ្នែកទេសចរណ៍ សំណង់ ធនាគារ សុខាភិបាល ឧស្សាហកម្ម កសិឧស្សហកម្ម ។ល។ ហើយដែលកន្លងមកមានចលនាផលិតកម្មលើដីសម្បទានរាប់ម៉ឺនហិកតា ពេលខ្លះមានទំនាស់ជាមួយពលរដ្ឋខ្មែរផងក៏មាន ដូចជាទំនាស់ដីនៅស្រុកសន្ទុក ខេត្តកំពង់ធំ ជាដើម៕