ជាញឹកញយ អ្នកបឹងកក់ ជាពិសេសស្ត្រីមេផ្ទះ បាននាំគ្នាតវ៉ាទៅគ្រប់ស្ថាប័នអាជ្ញាធរក្នុងរាជធានីភ្នំពេញ ដើម្បីស្វែងរកដំណោះស្រាយបញ្ចប់ជម្លោះដីធ្លីដ៏រ៉ាំរ៉ៃ ក្នុងតំបន់កណ្ដាលក្រុងមួយនេះ។ ពួកគេតវ៉ាសុំអោយអាជ្ញាធរកំណត់ព្រំដី បែងចែកអោយដាច់ស្រឡះរវាងដីរបស់ក្រុមហ៊ុនស៊ូកាគូ (Shukaku) និងដីទំហំ ១២,៤៤ហិកតារ ដែលលោកនាយករដ្ឋមន្ត្រី ហ៊ុន សែន បានសម្រេចប្រគល់អោយអ្នកភូមិ ក្នុងគម្រោងអភិវឌ្ឍន៍នៅនឹងកន្លែង។
ស្របគ្នានេះ ក៏មានអតីតអ្នកភូមិជាច្រើនគ្រួសារផ្សេងទៀត បានបោះបង់ចោលការតវ៉ា និងបានបណ្ដោយអោយខ្សែជីវិតរបស់ពួកគេទៅតាមព្រេងវាសនា បន្ទាប់ពីផ្ទះរបស់ពួកគេត្រូវក្រុមហ៊ុនចាក់ខ្សាច់លុបបាត់ស្រមោល។
ក្នុងនាទីស្ត្រីខ្មែរក្នុងសប្ដាហ៍នេះ អ្នកស្រី សុ ជីវី មានសេចក្ដីរាយការណ៍ពីជីវភាពរស់នៅរបស់ស្ត្រីអតីតអ្នកបឹងកក់ ដែលមិនព្រមទទួលយកសំណងជាថ្នូរនឹងការចាកចេញពីតំបន់បឹងកក់ ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។