ប័ណ្ណសារព័ត៌មាន
2024-03-19
សហគមន៍ឈើទាលប្រើសនៅខេត្តស្ទឹងត្រែង អះអាងថា ដើមឈើមូលធំៗ នៅព្រៃសហគមន៍ នៅតែមានក្រុមជនល្មើសបន្តលួចកាប់ផ្ដួលជាច្រើនដើម និងកាប់ទន្ទ្រានដីព្រៃធ្វើជាកម្មសិទ្ធិជាច្រើនហិកតារ។ មន្ត្រីសង្គមស៊ីវិលយល់ឃើញថា មានតែការសហការគ្នារវាងសហគមន៍ និងអាជ្ញាធរ ទើបទប់ស្កាត់បទល្មើសទាំងអស់នោះបាន។
2024-03-19
ខ្មែរក្រោម និងព្រះសង្ឃប្រមាណ៥០អង្គ និងនាក់ធ្វើបាតុកម្មនៅខាងមុខស្ថានអគ្គកុងស៊ុលវៀតណាមប្រចាំនៅទីក្រុងសាន់ហ្វ្រាន់ស៊ីសស្កូ (San Francisco) រដ្ឋកាលីហ្វ័រញ៉ា (California) សហរដ្ឋអាមេរិកតវ៉ាទាមទារឱ្យតុលាការវៀតណាម ដោះលែងសកម្មជនសិទ្ធិមនុស្សខ្មែរក្រោមចំនួន៤នាក់។
2024-03-18
ពលរដ្ឋបឹងតាមោក សោកស្ដាយចំពោះមន្ត្រីប្រចាំព្រះខុទ្ទកាល័យព្រះមហាក្សត្រ ដែលមិនចេញមកទទួលញត្តិរបស់ពួកគាត់។ ការលើកឡើងនេះ ក្រោយពីពលរដ្ឋ យុវជន និងព្រះសង្ឃជិត១រយនាក់ នៅរសៀលថ្ងៃទី១៨ មីនា ហែញត្តិទៅថ្វាយអង្គព្រះមហាក្សត្រ ដើម្បីស្នើសុំព្រះអង្គ ធ្វើអន្តរាគមន៍កុំឲ្យអាជ្ញាធរបណ្ដេញពលរដ្ឋបឹងតាមោក ចេញពីលំនៅឋានដោយបង្ខំ។
2024-03-18
កូនស្រីរបស់អតីតនាយករដ្ឋមន្ត្រីថៃ និងជាប្រធានគណបក្សកាន់អំណាច របស់ថៃ គឺអ្នកស្រី ផេថងថាន ស៊ីណាវ៉ាត់ (Paethongtarn Shinawatra) បានមកបំពេញទស្សនកិច្ចនៅកម្ពុជា តាមការអញ្ជើញរបស់ប្រធានគណបក្សកាន់អំណាចនៅកម្ពុជា ដោយបានជួបជាមួយថ្នាក់ដឹកនាំកំពូលៗ នៃរដ្ឋាភិបាលជាច្រើនរូប។
2024-03-18
មន្ត្រីគណបក្សភ្លើងទៀននិយាយថា ការបង្កការលំបាកនៃការផ្លាស់ប្ដូរសមាជិកក្រុមប្រឹក្សាឃុំ-សង្កាត់ ដែលជាអង្គបោះឆ្នោត នឹងធ្វើឱ្យការបោះឆ្នោតអសកល ជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ នៅពេលខាងមុខ នឹងមិនសេរី និងយុត្តិធម៌ឡើយ។ អ្នកឃ្លាំមើលការបោះឆ្នោតថា ក្រសួង និងអាជ្ញាធរពាក់ព័ន្ធ គួរឆ្លើយតបសំណើរបស់បក្សប្រឆាំង។
2024-03-18
ក្នុងពិធីបុណ្យទន្លេលើកទី៨ នៅខេត្តសៀមរាបកាលពីថ្ងៃទី១៦ ខែមីនា លោកនាយករដ្ឋមន្ត្រី ហ៊ុន ម៉ាណែត លើកឡើងថា លោកបានអានពាក្យស្លោកមួយឃ្លារបស់អង្គការសហប្រជាជាតិ ដែលមានន័យថា មិនទុកអ្នកណាម្នាក់ ឬកន្លែងណាមួយចោលនោះទេ «Leave No One and No Place Behind» ។ លោកបញ្ជាក់ថា ការអភិវឌ្ឍរបស់រដ្ឋាភិបាលអាណត្តិចាស់ និងអាណត្តិទី៧នេះ ក្នុងទិសដៅ ដើម្បីប្រជាពលរដ្ឋ។
2024-03-17
កម្មករ និងថ្នាក់ដឹកនាំសហជីពទាំងនោះ មានទាំងស្ត្រី និងបុរស បានក្រាលកន្ទេលតម្រៀបគ្នា ហើយដេកដណ្ដប់ភួយ ហាលទឹកសន្សឹម នៅក្រោមសំយាប ខាងមុខហាងលក់ស្បែកជើងមួយកន្លែង ដែលនៅនឹងមុខរោងចក្រ វ៉ាយ អេន ដាប់បែលយូ។
2024-03-17
រដ្ឋបាលខេត្តព្រះវិហារអះអាងទៀតថា ការស្លាប់របស់ស្ត្រី ហែម ឡី ពុំពាក់ព័ន្ធនឹងករណីអនុវត្តវិធានការច្បាប់របស់កម្លាំងចម្រុះកាលពីថ្ងៃទី០៩ ខែមីនាទេ ពោលគឺស្ត្រីរូបនេះ បានផឹកថ្នាំស្មៅសម្លាប់ខ្លួនដោយផ្ដើមចេញពីវិបត្តិគ្រួសារមានទំនាស់ប្រវាយប្រតប់គ្នា។
2024-03-17
ស្ត្រីសម្លាប់ខ្លួននោះ ឈ្មោះ ហែម ឡី អាយុ៥៩ឆ្នាំ មានកូនចំនួន ៤នាក់ រស់នៅភូមិក្ដាក់ ឃុំត្បែងពីរ ស្រុកគូលែន ខេត្តព្រះវិហារ។ កូនប្រុសរបស់លោកស្រី ហែម ឡី គឺលោក ហ៊ុក ហុន ប្រាប់វិទ្យុអាស៊ីសេរី នៅថ្ងៃទី១៧ ខែមីនាថា ម្ដាយរបស់លោកបានលេបថ្នាំសម្លាប់ស្មៅតាំងពីថ្ងៃទី៩ ខែមីនា ចំថ្ងៃអាជ្ញាធរបានចុះដុតផ្ទះ ឈូសឆាយដំណាំដីចម្ការរបស់គាត់ចំនួន ២ហិកតារ ប៉ុន្តែទើបស្លាប់កាលពីថ្ងៃទី១៦ ខែមីនា បើទោះជាគ្រួសារខិតខំយកគាត់ទៅព្យាបាលនៅមន្ទីរពេទ្យអស់រយៈពេលមួយសប្ដាហ៍រួចហើយក្ដី។
2024-03-16
មកទល់ពេលនេះ ប្រជាពលរដ្ឋមានជម្លោះដីធ្លីមួយចំនួន មិនត្រឹមតែរងអំពើហិង្សា និងបាត់បង់ដីធ្លី ផ្ទះសម្បែងនោះទេ ពួកគាត់ ក៏កំពុងរស់នៅបែកបាក់ក្រុមគ្រួសារផងដែរ។ ពលរដ្ឋមួយចំនួន ឲ្យដឹងថា គ្រួសារខ្លះ គឺអាជ្ញាធរចាប់ឃុំខ្លួនឪពុកម្ដាយដោយបន្សល់ទុកកូនតូចៗនៅក្នុងផ្ទះ ខណៈគ្រួសារខ្លះទៀត គឺអាជ្ញាធរចាប់ប្តី តែដោះលែងប្រពន្ធ ហើយគ្រួសារខ្លះទៀត កំពុងរត់ពួនក្នុងព្រៃ ដោយមានទាំងក្មេងតូចៗផងដែរ ព្រមទាំងខ្វះអាហារបរិភោគគ្រប់គ្រាន់ និងគ្មានកន្លែងស្នាក់នៅត្រឹមត្រូវជាដើម។
2024-03-16
សហព័ន្ធខ្មែរកម្ពុជាក្រោមសាខាទីក្រុងសាន ហូស្សេ (San Jose) រដ្ឋ California នឹងប្រមូលផ្តុំគ្នាធ្វើបាតុកម្ម នៅមុខស្ថានកុងស៊ុលវៀតណាមនៅថ្ងៃចន្ទ ១៨មីនា ខាងមុខ។ បាតុកម្មនេះធ្វើឡើងដើម្បីសម្ដែងមតិទាមទារឲ្យអាជ្ញាធរវៀតណាម ដោះលែងសកម្មសិទ្ធិមនុស្សខ្មែរក្រោម ៤នាក់ដោយឥតល័ក្ខខ័ណ្ឌ។
2024-03-16
ពលករខ្មែរដែលកំពុងធ្វើការនៅប្រទេសថៃលើកឡើងថា ពួកគាត់មិនរំពឹងមន្ត្រីនៅតាមច្រកព្រំដែន នឹងសម្រួលឱ្យពលករ ឆ្លងដែនមកកម្ពុជាក្នុងឱកាសពិធីបុណ្យចូលឆ្នាំខ្មែរ នាខែមេសាខាងមុខ តាមការណែនាំរបស់លោកនាយករដ្ឋមន្ត្រីឡើយ។ មន្ត្រីសង្គមស៊ីវិលថា ការណែនាំរបស់នាយករដ្ឋមន្ត្រីពុំមានប្រសិទ្ធភាពឡើយ ដរាបណាគ្មានការដាក់បទបញ្ជាម៉ឺងម៉ាត់។
2024-03-16
កម្លាំងជំនាញស្នងការដ្ឋាននគរបាលរាជធានីភ្នំពេញ បានឃាត់ខ្លួនបុរសម្នាក់ នៅថ្ងៃទី១៦ ខែមីនា ក្រោយពីបានហែកស្លាកគណបក្សប្រជាជនកម្ពុជា នៅចំណុចផ្លូវ៣៧១ កែងផ្លូវ៩០BT ភូមិត្នោតជ្រុំ៤ សង្កាត់បឹងទំពន់ទី២ ខណ្ឌមានជ័យ។
2024-03-16
គ្រួសារចាត់ទុកការចាប់ខ្លួនមន្ត្រីគណបក្សកម្លាំងជាតិខេត្តកំពង់ចាមលោក គា វិសាល ជាការបំបាក់ស្មារតី និងគំរាមកំហែងលើអ្នកមាននិន្នាការផ្ទុយរដ្ឋាភិបាល។ ពួកគេអំពាវនាវដល់អាជ្ញាធរដោះលែងមន្ត្រីគណបក្សប្រឆាំងរូបនេះឱ្យមានសេរីភាពដោយឥតលក្ខខណ្ឌ ។ ចំណែកអាជ្ញាធរក្រុងភ្នំពេញអះអាងថា ការចាប់ខ្លួននេះជាអនុវត្តច្បាប់ដោយមិនមែនជាការធ្វើទុក្ខបុកម្នេញនោះឡើយ។
2024-03-16
អាជ្ញាធររដ្ឋាភិបាល លោក ហ៊ុន ម៉ាណែត បានចាប់ខ្លួនអនុប្រធានក្រុមការងារបណ្តោះអាសន្នរបស់គណបក្សកម្លាំងជាតិខេត្តកំពង់ចាម និងជាបេក្ខជនក្រុមប្រឹក្សា ខេត្តលេខរៀងទី១ គឺលោក មឺ សេងហ៊ ហៅ គា វិសាល នៅរសៀលនៅថ្ងៃទី១៥ ខែមីនា។