សូមទូរស័ព្ទទៅកាន់លេខ (៨៥៧) ២៣២-០០៧០ ដើម្បីស្ដាប់វិទ្យុអាស៊ីសេរី ជាភាសាខ្មែរតាមរយៈទូរស័ព្ទ។ ទូរស័ព្ទគ្រប់ប្រភេទនឹងត្រូវបង់ថ្លៃទូរស័ព្ទតាមកម្រិតការហៅចេញទៅបរទេស (Long Distance Call)។
សូមអានព័ត៌មានលម្អិតខាងក្រោមនេះ៖
ក្នុងភាពជាដៃគូជាមួយ AudioNow វិទ្យុអាស៊ីសេរី ផ្ដល់លទ្ធភាពឲ្យអ្នកស្ដាប់ទាំងអស់នៅសហរដ្ឋអាមេរិក ដែលប្រើប្រាស់ទូរស័ព្ទដៃ អាចស្ដាប់ការផ្សព្វផ្សាយព័ត៌មានជាភាសាខ្មែរ។
សូមកត់ចំណាំលក្ខខណ្ឌមួយចំនួនដូចខាងក្រោមនេះ៖
· អ្នកហៅទូរស័ព្ទនឹងត្រូវបង់ប្រាក់ទៅតាមការកំណត់គម្រោងប្រើប្រាស់ទូរស័ព្ទផ្ទាល់ខ្លួន។ បើទោះជាអ្នកប្រើប្រាស់មិនត្រូវបង់ថ្លៃសេវាកម្មបន្ថែមក៏ដោយ នាទីក្នុងគម្រោងសេវាទូរស័ព្ទដៃរបស់លោកអ្នកនឹងត្រូវកាត់យកនៅពេលប្រើសម្រាប់ការហៅចូលដើម្បីស្ដាប់នេះ។ អ្នកប្រើប្រាស់ទូរស័ព្ទណាដែលប្រើប្រាស់លើសនាទីដែលកំណត់ក្នុងទូរស័ព្ទនោះ នឹងត្រូវបង់ថ្លៃបន្ថែមសម្រាប់នាទីដែលបានប្រើប្រាស់លើស។
· ទូរស័ព្ទនេះមិនមែនជាលេខទូរស័ព្ទហៅចូលដោយមិនបង់ថ្លៃឡើយ។ សម្រាប់អ្នកប្រើប្រាស់ទូរស័ព្ទលើតុ និងអ្នកហៅពីបរទេសនឹងត្រូវបង់ថ្លៃសេវាទូរស័ព្ទ។ សម្រាប់អ្នកស្ដាប់ហៅពីក្រៅសហរដ្ឋអាមេរិក ត្រូវបង់ថ្លៃទៅតាមអត្រាបង់ថ្លៃហៅចេញទៅបរទេស។
· ចំពោះលោកអ្នកដែលប្រើកម្មវិធី Skype ទាំងនៅក្រៅនិងក្នុងសហរដ្ឋអាមេរិក អាចស្ដាប់ការផ្សាយរបស់វិទ្យុអាស៊ីសេរីបាន ដោយមិនចាំបាច់បង់ថ្លៃសេវាទូរស័ព្ទក្រៅប្រទេសទេ។
· ចំណាំ៖ បើសិនលោកអ្នកជួបបញ្ហាផ្សេងៗ សូមទាក់ទងផ្ទាល់ទៅ AudioNow តាមរយៈអ៊ីម៉ែល support@audionow.com។