ជំនួយ​សម្រាប់​ការប្រើ ផតខាសធ៍ (Podcast)

ផតខាសធ៍ (Podcast) គឺជា​សំឡេង​ (ជាធម្មតា មាន​ទម្រង់​ជា MP3) ដែល​គេ​ដាក់​ផ្សព្វផ្សាយ​នៅ​លើ​ប្រព័ន្ធអ៊ីនធឺណិត ។

តើ ផតខាសធ៍ (Podcast) ជា​អ្វី?

ផតខាសធ៍ (Podcast) គឺជា​សំឡេង​ (ជាធម្មតា មាន​ទម្រង់​ជា MP3) ដែល​គេ​ដាក់​ផ្សព្វផ្សាយ​នៅ​លើ​ប្រព័ន្ធ​អ៊ីនធឺណិត ។ លោក​អ្នក​អាច​ទាញ​យក​សំឡេង​ ផតខាសធ៍ (Podcast) យក​មក​ទុក​ក្នុង​ម៉ាស៊ីន​កុំព្យូទ័រ​របស់​លោក​អ្នក ដើម្បី​ទុក​ចាក់ស្ដាប់​ដោយ​ប្រើ​កម្មវិធី​កុំព្យូទ័រ​ពិសេស​ដែល​អាច​ចាក់​ផ្សាយ​ ផតខាសធ៍ (Podcast) ឬ ទាញ​យក​សំឡេង ផតខាសធ៍ (Podcast) បញ្ចូល​ក្នុង​ឧបករណ៍​ចាក់​សំឡេង​ផ្ទាល់​ខ្លួន​របស់​លោក​អ្នក (ដូចជា iPod, iriver, Creative Zen Touch,។ល។)។

ការ​ប្រើ​ ផតខាសធ៍ (Podcast) គឺ​ប្រៀប​ដូច​ជា ការ​ស្ដាប់​វិទ្យុ​តាម​សេចក្ដី​ត្រូវ​ការ មាន​ន័យ​ថា លោក​អ្នក​ស្ដាប់​នូវ​អ្វី​ដែល​លោក​អ្នក​ចង់​ស្ដាប់ និង​ស្ដាប់​នៅ​ពេល​ណា​ក៏​បាន ពេល​ដែល​លោក​អ្នក​ចង់​ស្ដាប់ ។

កម្មវិធី​​កុំព្យូទ័រ​របស់​លោក​អ្នក​ ឬ ឧបករណ៍​ចាក់​សំឡេង​​ឌីជីថល របស់​លោក​អ្នក​ នឹង​​ទាញ​យក​សំឡេង​ ផតខាសធ៍ (Podcast) ដោយ​ស្វ័យប្រវត្តិ ដូច្នេះ លោក​អ្នក​នឹង​ទទួល​បាន​សំឡេង ផតខាសធ៍ (Podcast) ដែល​ថ្មីៗ​បំផុត ។

តើ​ខ្ញុំ​ស្ដាប់ ផតខាសធ៍ (Podcast) យ៉ាង​ដូចម្ដេច?

ប្រសិន​បើ​លោក​អ្នក​ចង់​ស្ដាប់​​សំឡេង ផតខាសធ៍ (Podcast) នៅ​ក្នុង​ម៉ាស៊ីន​កុំព្យូទ័រ​របស់​លោក​អ្នក លោក​អ្នក​ចាំ​បាច់​ត្រូវ​ទាញ​យក​​ កម្មវិធី​ទាញ​យក​ផតខាសធ៍ រួច​ហើយ​ដំឡើង​កម្មវិធី​នោះ​នៅក្នុង​កុំព្យូទ័រ​របស់​លោក​អ្នក ។

លោក​អ្នក​អាច​ប្រើ​កម្មវិធី iTunes ចេញ​ចុង​ក្រោយ​គេ​បង្អស់​ របស់​ក្រុមហ៊ុន Apple (ដែល​មាន​កម្មវិធី​ទាញ​យក​ ផតខាសធ៍ (Podcast) ភ្ជាប់​ជាមួយស្រាប់) ឬ​ កម្មវិធី​ផ្សេង​ៗ​ទៀត​ ដូចជា OdeoJuice (ពីមុន​គេហៅ​ថា iPodder) ដើម្បី​គ្រប់គ្រង​ការទាញ​យក​សំឡេង ផតខាសធ៍ (Podcast) របស់​លោក​អ្នក ។

ដើម្បី​ទាញ​យក​សំឡេង ផតខាសធ៍ (Podcast) ដាក់​ក្នុង​កម្មវិធី iTunes 6 ចូរ​ចុច​យក Advanced រួច​ហើយ​ជ្រើស​យក Subscribe to Podcast រួច​ហើយ​​វាយ​អាសយដ្ឋាន [URL] របស់​សំឡេង​ ផតខាសធ៍ (Podcast) ទៅ​ក្នុង​ប្រអប់ ។

ប្រសិន​បើ​លោក​អ្នក​ចង់​ស្ដាប់​ ផតខាសធ៍ (Podcast) មិន​មែន​ក្នុង​ម៉ាស៊ីន​កុំព្យូទ័រ លោក​អ្នក​នឹង​ចាំ​បាច់​ត្រូវ​ផ្ទេរសំឡេង​ ផតខាសធ៍ (Podcast) បញ្ចូល​ទៅ​ក្នុង​ឧបករណ៍​ចាក់​សំឡេងដែល​អាច​យក​តាម​ខ្លួន​បាន ។ ចូរ​មើល​ការណែនាំ​នៅក្នុង​កម្មវិធី​ទាញ​យក​ ផតខាសធ៍ (Podcast) ដើម្បី​ដឹង​ពី​វិធី​ផ្ទេរ​សំឡេង ផតខាសធ៍ (Podcast) ។

តើ​ធ្វើ​ដូចម្ដេច​ដើម្បី​ទាញ​យក​សំឡេង ផតខាសធ៍ (Podcast) របស់​វិទ្យុ អាស៊ីសេរី ?

នៅ​បន្ទាប់ពី​លោក​អ្នក​បាន​ដំឡើង​កម្មវិធី​ទាញ​យក​ សំឡេងផតខាសធ៍ (Podcast) រួចហើយ ចូរ​ចម្លង​យក URL របស់​ ផតខាសធ៍ (Podcast) ដែល​លោក​អ្នក​ត្រូវ​ការ ទៅ​ដាក់​បញ្ចូល​ក្នុង​កម្មវិធី​ទាញ​យក​ ផតខាសធ៍ (Podcast) នោះ (ឧទាហរណ៍ Odeo, iTunes, Juice ឬ​ពីមុន​ហៅ​ថា iPodder) ។

ដើម្បី​មើល​កម្មវិធី​ទាញ​យក​ ផតខាសធ៍ (Podcast) ចូរ​បើក​មើលវ៉ិបសាយថ៍ www.rfa.org/khmer/podcasts ។ នៅលើ​វ៉ិបសាយថ៍​នេះ លោក​អ្នក​ក៏​អាច​រក​មើល​ការណែនាំ​អំពី​របៀប​បង្កើត​ ផតខាសធ៍ (Podcast) ផ្ទាល់​ខ្លួន​បាន​ផងដែរ ។

ប្រសិន​បើ​លោក​អ្នក​មាន​បញ្ហា​អ្វី​ទាក់ទង​នឹង ការប្រើ​ ផតខាសធ៍ (Podcast) សូម​អញ្ជើញ​ទាក់ទង​មក ៖ contact@rfa.org

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Aug 06, 2019 12:00 PM

Vivo ទូរស័ព្ទឆ្លាតវៃ

Anonymous
Dec 01, 2015 06:30 PM

ខ្ញុំមិនដឹងថាហេតុអ្វីបានជាកុំព្យូទ័ររបស់ខ្ញុំមិនអាចស្ដាប់ការផ្សាយផ្ទាល់របស់វិទ្យុអាស៊ីសេរី បើគ្រប់កម្មវិធីផ្សាយផ្ទាល់របស់វិទ្យុផ្សេងៗទៀត វាអាចដំណើរការបានធម្មតា ។