កម្ពុជា​នាំចេញ​ទំនិញ​ទៅ​ទីផ្សារ​អាមេរិក កើន​ឡើង ២៣% ក្នុង​អំឡុង ៦ខែ ដើម​ឆ្នាំ២០២០

ដោយ ម៉ៅ សុធានី
2020-08-08
អ៊ីម៉ែល
មតិ
Share
បោះពុម្ព
១៧-តុលា-២០១៣៖ រថយន្ត​ដឹក​ទំនិញ និង​កុងតឺន័រ ធ្វើ​ចរាចរណ៍​ក្នុង​រាជធានី​ភ្នំពេញ។
១៧-តុលា-២០១៣៖ រថយន្ត​ដឹក​ទំនិញ និង​កុងតឺន័រ ធ្វើ​ចរាចរណ៍​ក្នុង​រាជធានី​ភ្នំពេញ។
RFA/Den Ayuthyea

​កម្ពុជា នាំចេញ​ទំនិញ​ទៅកាន់​ទីផ្សារ​សហរដ្ឋអាមេរិក កើនឡើង២៣% ក្នុង​អំឡុង​ពេល ៦ខែ ដើម​ឆ្នាំ២០២០ ដែល​មាន​ទំហំ​ទឹក​ប្រាក់ ចំនួន ២,៧៥ពាន់​លាន​ដុល្លារ ហើយ​បើ​ធៀប​ទៅ​នឹង​អំឡុង​ពេល​ដូចគ្នា កាលពី​ឆ្នាំ២០១៩ គឺ​មាន​ទំហំ​ទឹកប្រាក់ ជិត ២,២៤ពាន់​លាន​ដុល្លារ។ នេះ​បើ​តាម​តួលេខ​ពី​ការិយាល័យ​ជំរឿន​របស់​សហរដ្ឋអាមេរិក។

ចំណែក​ទិន្នន័យ​ការិយាល័យ​ពាណិជ្ជកម្ម​របស់​រដ្ឋាភិបាល​អាមេរិក បង្ហាញ​ថា​ទំនិញ​ដែល​នាំចេញ​ពី​កម្ពុជា​ទាំង​នេះ រួម​មាន កាបូបដៃ កាបូប​យួរ និង​វ៉ាលីស គឺ​ត្រូវ​បាន​រាប់បញ្ចូល ក្នុង​ផលិតផល​សំលៀកបំពាក់ ស្បែកជើង ដែល​ទទួល​បាន​ប្រព័ន្ធ​អនុគ្រោះ​ពន្ធ​ពី​រដ្ឋាភិបាល​សហរដ្ឋអាមេរិក (GSP) ចាប់ពី​ខែកក្កដា ឆ្នាំ២០១៦ កន្លង​មក។ ទិន្នន័យ​ដដែល​នេះ ក៏បាន​បង្ហាញ​ថា ការនាំចូល​ទំនិញ​ពី​សហរដ្ឋអាមេរិក មក​កម្ពុជា​វិញ គឺ​មានការ​ធ្លាក់​ចុះ ជាង ៤៥% ពី​ចំនួន ២៦៥លាន​ដុល្លារ មក​ចំនួន ជិត ១៤៥លាន​ដុល្លារ (១៤៤,) បើ​ធៀប​រយៈ​ពេល ៦ខែ​ដូចគ្នា ក្នុង​ឆ្នាំ២០២០ ទៅ​នឹង ឆ្នាំ២០១៩។

ទោះបីជា​ការ​នាំ​ទំនិញ​ពី​កម្ពុជា​ទៅ​ទីផ្សារ​អាមេរិក​កើន​ឡើង ប៉ុន្តែ​ការនាំចេញ​ផលិតផល​ក្នុង​វិស័យ​វាយនភណ្ឌ​កាត់ដេរ​ពី​កម្ពុជា ទៅ​ទីផ្សារ​អន្តរជាតិ​ទាំងមូល ក្នុង​ឆមាស​ទី១ នៃ​ឆ្នាំ២០២០ នេះ បាន​ថយ​ចុះ។ អ្នកនាំពាក្យ​ក្រសួង​ការងារ លោក ហេង សួរ ប្រាប់​សារព័ត៌មាន​ក្នុង​ស្រុក​ឲ្យដឹង​ថា ការ​ថយ​ចុះ​នេះ មាន​ចំនួន​ជាង ៥% (.%) ពី​ចំនួន ៤ពាន់​លាន​ដុល្លារ មក​ត្រឹម ៣,៧៨ពាន់​លាន​ដុល្លារ បើ​ធៀប​អំឡុង​ដូចគ្នា​កាលពី ឆ្នាំ ២០១៩។ លោក​បញ្ជាក់​ផង​ដែរ​ថា មូលហេតុ​ចម្បង​ដែល​នាំឲ្យ​ថយ​ចុះ​នេះ គឺ​ដោយសារ វិបត្តិ​ជំងឺ​កូវីដ១៩។ ស្ថិតិ​ក្រសួង​ការងារ​ឲ្យដឹង​ថា ក្នុង​ឆមាស​ទី១ រោងចក្រ​កាត់ដេរ​សំលៀកបំពាក់ និង​ស្បែកជើង​នៅ​កម្ពុជា​ចំនួន ៤៥០ បាន​ព្យួរ​ការងារ ខណៈ​ដែល ៨៣រោងចក្រ​ផ្សេង​ទៀត​បាន​បិទទ្វារ។ ចំណែក​រោងចក្រ​ចំនួន ១០ បាន​បង្វែរ​ទៅ​ផលិត​ម៉ាស់​វិញ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល