លោក ហ៊ុន ម៉ាណែត ប្រកាសមិនយកពន្ធប្រថាប់ត្រាលើបុរីតម្លៃក្រោម៧ម៉ឺនដុល្លារ
2024.11.27
រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លោក គង់ វិបុល ថ្លែងក្នុងវេទិកាពន្ធដារ ឆ្នាំ២០២៤ កាលពីថ្ងៃទី១៨ ខែកញ្ញា ឆ្នាំ២០២៤។
រូប៖ ហ្វេសប៊ុកអគ្គនាយកដ្ឋានពន្ធដារ
លោកនាយករដ្ឋមន្ត្រី ហ៊ុន ម៉ាណែត ចេញគោលការណ៍ឱ្យអ្នកទិញបុរីអាចរួចពន្ធប្រថាប់ត្រា។ ប្រសិនបើអ្នកទិញបុរីតម្លៃក្រោម៧ម៉ឺនដុល្លារមិនបាច់បង់ពន្ធប្រថាប់ត្រារហូតដល់ដាច់ឆ្នាំ២០២៥ បើទោះជាកិច្ចសន្យាទិញនោះធ្វើមុនឆ្នាំ២០២០ក្ដី។ ចំណែកចំពោះអ្នកមានប្រាក់ទិញផ្ទះច្រើនកន្លែង បើទិញផ្ទះលើកទី១ តម្លៃ២១ម៉ឺនដុល្លារចុះក្រោមក៏មិនបាច់បង់ពន្ធប្រថាប់ត្រាដែរ។
លោកនាយករដ្ឋមន្ត្រី អះអាងថា វិធានការនេះ ដើម្បីជំរុញឱ្យវិស័យអចលនទ្រព្យងើបឡើងវិញ។ លោក ហ៊ុន ម៉ាណែត ថ្លែងដូច្នេះនៅថ្ងៃទី២៦ ខែវិច្ឆិកា។ ទោះយ៉ាងណា កន្លងមកពលរដ្ឋមួយចំនួនរិះគន់ថា បើទោះជាប្រមុខរដ្ឋាភិបាល ប្រកាសអនុគ្រោះឱ្យពលរដ្ឋរួចពន្ធខ្លះក្ដី ប៉ុន្តែការអនុវត្តជាក់ស្ដែង មន្ត្រីពន្ធដារមិនបានអនុវត្តតាមអនុសាស្ត្ររបស់នាយករដ្ឋមន្ត្រីឡើយ។ ដំណោះស្រាយរបស់លោក ហ៊ុន ម៉ាណែត នៅពេលនេះ ខណៈវិស័យអចលនទ្រព្យ កំពុងជួបវិបត្តិ ដោយពលរដ្ឋខ្លះគ្មានប្រាក់បង់ឱ្យម្ចាស់បុរី ចំណែកម្ចាស់បុរីខ្លះលក់ផ្ទះឱ្យពលរដ្ឋតែពេលពលរដ្ឋបង់ប្រាក់រួចក្រុមហ៊ុននោះគ្មានផ្ទះផ្ដល់ឱ្យពលរដ្ឋ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាអឺរ៉ុប ជំរុញឱ្យសើរើប្រព័ន្ធអនុគ្រោះពន្ធ EBA នៅសល់៨០% និងដាក់ទណ្ឌកម្មជាក់លាក់លើរដ្ឋាភិបាលកម្ពុជា
- UNHCR អំពាវនាវដល់កម្ពុជា និងថៃ ឱ្យគោរពតាមច្បាប់ស្ដីពីការមិនចាប់បញ្ជូនជនភៀសខ្លួនត្រឡប់ទៅឱ្យរងទុក្ខបុកម្នេញនៅប្រទេសកំណើត
- លោក ហ៊ុន សែន ស្នើមេដឹកនាំចិនឱ្យផ្ដល់ជំនួយ និងប្រាក់កម្ចីបន្ថែម ក្នុងគ្រាដែលកម្ពុជាអាចប្រឈមនឹងទណ្ឌកម្មសេដ្ឋកិច្ចពីសំណាក់សហភាពអឺរ៉ុប
- ពលរដ្ឋខ្មែរនៅកូរ៉េគ្រោងធ្វើបាតុកម្មជំរុញឱ្យរដ្ឋាភិបាលប្ដឹងទាមទារកោះគជ់ទៅតុលាការអន្តរជាតិ
- លោក ហ៊ុន សែន ប្ដេជ្ញាបន្តប្រកាន់ជំហរគោលនយោបាយចិនតែមួយ និងថា ប្រទេសចិនបានជួយនយោបាយកម្ពុជាឱ្យមានឯករាជ្យ
អត្ថបទពេញនិយម
សេដ្ឋកិច្ច
- អ្នកវិភាគថា កំណើនអ្នកវិនិយោគចិនធ្វើឱ្យរដ្ឋាភិបាលកាន់តែរឹតត្បិតលទ្ធិប្រជាធិបតេយ្យនិងការគោរពសិទ្ធិមនុស្សនៅកម្ពុជា
- ស៊ុន ចាន់ថុល អះអាងថា គម្រោងជីកព្រែកហ្វូណនតេជោ នឹងធ្វើចប់តាមការគ្រោងទុក ឬមុនការគ្រោងទុក
- កម្មករ និងសហជីពបារម្ភថា សហភាពអឺរ៉ុបនឹងដកប្រព័ន្ធអនុគ្រោះពន្ធ EBA ដែលនៅសល់ចំនួន ៨០ភាគរយ
- អាមេរិកដំឡើងពន្ធថ្មីលើការនាំចូលបន្ទះស្រូបពន្លឺព្រះអាទិត្យពីកម្ពុជា ម៉ាឡេស៊ី វៀតណាម និងថៃ