នាវា​ចិន​ចំនួន​៧ បាន​ដឹក​វត្ថុធាតុដើម​ចូល​មក​កំពង់ផែ​ក្រុង​ព្រះសីហនុ ដើម្បី​បំពេញ​ផលិតកម្ម

ដោយ ហេង រស្មី
2020-03-12
អ៊ីម៉ែល
មតិ
Share
បោះពុម្ព
អគ្គលេខាធិការ​នៃ​សមាគម​រោងចក្រ​កាត់ដេរ​នៅ​កម្ពុជា លោក ខេន លូ ផ្ដល់​បទសម្ភាសន៍​ កាល​ពី​ថ្ងៃ​ទី​៩ កញ្ញា ឆ្នាំ​២០១៦។
អគ្គលេខាធិការ​នៃ​សមាគម​រោងចក្រ​កាត់ដេរ​នៅ​កម្ពុជា លោក ខេន លូ ផ្ដល់​បទសម្ភាសន៍​ កាល​ពី​ថ្ងៃ​ទី​៩ កញ្ញា ឆ្នាំ​២០១៦។
RFA

មន្ត្រី​ជាន់ខ្ពស់​អគ្គនាយក​គយ និង​រដ្ឋាករ​កម្ពុជា អះអាង​ថា នាវា​ដឹក​វត្ថុធាតុដើម​ចំនួន ៧ សម្រាប់​ផ្គត់ផ្គង់​ដល់​រោងចក្រ​កាត់ដេរ​ដែល​កំពុង​ប្រឈមមុខ​ខ្វះខាត បាន​មកដល់​កំពង់ផែ​ស្វយ័ត​ក្រុង​ព្រះសីហនុ​​ជា​​បន្តបន្ទាប់។ មន្ត្រី​សហជីព​និយាយ​ថា វត្ថុធាតុដើម​ទាំងនេះ​ពុំ​អាច​បំពេញ​តម្រូវការ​តាម​រោងចក្រ​បានទេ។

អគ្គនាយក​គយ និង​រដ្ឋាករ លោក គុណ ញឹម ប្រាប់​អាស៊ីសេរី​ថា ចាប់​តាំង​ពី​ថ្ងៃ​ទី​៩ រហូតដល់​ថ្ងៃ​ទី​១១ មីនា មាន​នាវា​ដឹក​វត្ថុធាតុដើម​ពី​ប្រទេស​ចិន​ចំនួន​៥ បាន​មកដល់​កំពង់ផែ​ក្រុងព្រះសីហនុ និង​ពីរ​នាវា​ទៀត​បាន​ចូល​ចត​នៅ​ក្នុង​ទីក្រុង​ហូជីមិញ​ប្រទេស​វៀតណាម ហើយ​គ្រោង​នឹង​ដឹកជញ្ជូន​តាម​ផ្លូវ​គោក​ចូល​មក​ប្រទេស​កម្ពុជា​តាម​ច្រក​ទ្វារ​ព្រំដែន​អន្តរជាតិ​ខេត្ត​ស្វាយរៀង។

លោក​បញ្ជាក់​ថា នាវា ទាំង​៧ នេះ​បាន​ដឹក​កុងតឺន័រ​សរុប​ទាំងអស់​ចំនួន ៧៤៩ទូ សម្រាប់​ផ្គត់ផ្គង់​វត្ថុធាតុដើម​ដល់​បណ្ដា​រោងចក្រ​មួយ​ចំនួន​ក្នុង​ប្រទេស​កម្ពុជា៖ «ហ្នឹង​មាន​បន្តបន្ទាប់​ទៀត​គ្រាន់តែ​ថា​នេះ​ជា​ជំហាន​ចាប់ផ្ដើម​មក​ហ្នឹង​ដើម្បី​ជំរុញ​ដោះស្រាយ​រឿង​ខ្វះខាត​វត្ថុធាតុដើម​គឺ​មក​ជា​ក្រុម​ជា​ជើង​កប៉ាល់​អ៊ីចឹង មក​បាទ​នឹង​បន្ត​ទៅ​មុខ​ទៀត។ គ្រាន់តែ​ថា​ចំនួន​ប៉ុន្មាន​ដែល​ថា ដឹក​មក​ស្នើសុំ​ចំនួន​កប៉ាល់​ជា​ចំនួន​មិន​មាន​ជា​ចំនួន​ទេ។ គ្រាន់តែ​ថា ស្នើសុំ​ឱ្យ​ភាគី​ចិន​ហ្នឹង​ជួយ​ជំរុញ និង​ពន្លឿន​នៃ​ការ​ដឹក​ជញ្ជូន​វត្ថុធាតុដើម​មក​កម្ពុជា»

លោក​បន្ត​ថា វត្ថុធាតុដើម​ដែល​បាន​ដឹក​មកពី​ប្រទេស​ចិន​បន្តបន្ទាប់​មកនេះ​ នឹង​អាច​ជួយ​បំពេញ​កង្វះខាត​តាម​បណ្ដា​រោងចក្រ​កាត់ដេរ​សំលៀកបំពាក់ ស្រប​ពេល​ដែល​កម្ពុជា​កំពុង​ខ្វះខាត​វត្ថុធាតុ​ដើម​​ដើម្បី​​ផលិត​។​

ថ្មី​នេះ​ៗ លោកនាយក​រដ្ឋមន្ត្រី ហ៊ុន សែន ស្នើសុំ​រដ្ឋាភិបាល​ប្រទេស​ចិន ឱ្យ​ដឹក​សាច់​ក្រណាត់ តាម​យន្តហោះ និង​កប៉ាល់ទឹក មក​កម្ពុជា ឱ្យ​បាន​លឿន​តាម ដែល​អាច​ធ្វើ​ទៅ​បាន ដើម្បី​ជួយ​ទប់​ស្កាត់​​ស្ថានភាព ការ​បិទ​រោងចក្រ និង​កម្មករ​គ្មាន​ការងារ​ធ្វើ។

លោក ហ៊ុន សែន ថា វិស័យ​កាត់ដេរ​នៅ​កម្ពុជា ពឹង​ផ្អែកលើ​ការ​នាំ​ចូល​សាច់​ក្រណាត់​ពី​ចិន​ជាង​ពាក់​កណ្ដាល (៦០​ភាគរយ​)។ ដូច្នេះ លោក​សង្ឃឹមថា ចិន​នឹង​បញ្ចេញ​យន្តហោះ​ឱ្យ​បាន​ច្រើន​គ្រឿង​​សម្រាប់​ដឹក​សាច់​ក្រណាត់​មក​កម្ពុជា រួម​ទាំង​ការ​ដឹក​ជញ្ជូន​វត្ថុធាតុដើម​ទាំងនេះ តាម​ផ្លូវ​ទឹក​ដូច​ធម្មតា ដើម្បី​ទប់ទល់​នឹង​ស្ថានភាព​ខ្វះខាត​សម្ភារៈ​នៅ​កម្ពុជា ពេល​នេះ។

ប្រធាន​សហភាព​ការងារ​កម្ពុជា លោក អាត់ ធន់ មានប្រសាសន៍ថា វត្ថុធាតុដើម​ទាំងនេះ​មិន​អាច​បំពេញ​តម្រូវការ​តាម​បណ្ដា​រោងចក្រ​ដែល​កំពុង​ខ្វះខាត​នោះ​ទេ។ លោក​មានប្រសាសន៍ថា ដើម្បី​ផ្គត់ផ្គង់​រោងចក្រ​ឱ្យ​បាន​គ្រប់គ្រាន់​កម្ពុជា​ត្រូវការ​វត្ថុធាតុដើម​ពី​ប្រទេស​ចិន​ពី​ ១.៥០០ ទៅ ២.០០០ កុងតឺន័រ។ កម្ពុជា​នឹង​មាន​ផល​ប៉ះពាល់​កង្វះ​វត្ថុធាតុដើម​ក្នុង​រយៈពេល ១ ទៅ ២ខែ ខាង​មុខ​នេះ​ទៀត៖ «នៅ​ពេល​នេះ​អ្វី​ដែល​ខ្ញុំ​ពិនិត្យមើល​ខ្ញុំ​គិត​ថា ចំនួន​កុងតឺន័រ​នេះ​វា​អាច​ដោះស្រាយ​បាន​មួយ​ផ្នែក​ប៉ុណ្ណោះ​ប្រសិនបើ​កុងតឺន័រ​នេះ​នៅតែ​បន្ត​មក​ទៀត ហើយ​ទំហំ​មក​ច្រើន​វា​អាច​ដោះស្រាយ​បាន ហើយ​ប្រសិន​បើ​ជា​បញ្ហា​នៅ​ក្នុង​ប្រទេស​ចិន វា​មិន​អាច​ដោះស្រាយ​បាន ហើយ​រហូតដល់​កុងតឺន័រ​នៅតែ​មក​តិច​អ៊ីចឹង​ការ​ផ្គត់ផ្គង់ ទៅដល់​ក្រុមហ៊ុន​អ្នក​ផលិត​នៅតែ​ជា​បញ្ហា ខ្ញុំ​គិត​ថា វិបត្តិ​នឹង​អូស​បន្លាយ​វែង​ជាង​ហ្នឹង»

អគ្គលេខាធិការ​សមាគម​ថៅកែ​រោងចក្រ លោក ខេន លូ បញ្ជាក់​ថា វត្ថុធាតុដើម​ដែល​បាន​ដឹក​ពី​ប្រទេស​ចិន​មិន​មែន​មាន​ក្រណាត់​ទាំងអស់​ទេ ហើយ​នៅ​ក្នុង​នោះ​ក៏​មាន ឡេវអាវ អំបោះ និង សម្ភារៈ​​ចាំបាច់​មួយ​ចំនួន​ទៀត​ដែល​សម្រាប់​ផ្គត់ផ្គង់​ដល់​រោងចក្រ​ស្បែកជើង។ លោក​បញ្ជាក់​ថា ប្រឈមមុខ​នឹង​សភាព​ការ​បច្ចុប្បន្ន​នេះ​កម្ពុជា​ត្រូវការ​វត្ថុធាតុដើម​បន្ថែម​ទៀត ដើម្បី​ផ្គត់ផ្គង់​តាម​បណ្ដា​រោងចក្រ៖ «ខ្ញុំ​ចង់​ប្រាប់​ថា ទោះបី​ប៉ុន្មាន​ទូ​ក៏ដោយ យើង​អបអរ​សាទរ​ថា មាន​វត្ថុធាតុដើម​មក​បន្តបន្ទាប់ ដើម្បី​ជួយ​ផ្គត់ផ្គង់​ដល់​រោងចក្រ​កាត់ដេរ​ដែល​កំពុង​ខ្វះខាត​វត្ថុធាតុដើម។ ក្រៅពី​ហ្នឹង​យើង​អត់​ដឹង​ព័ត៌មាន​លម្អិត​ថា ប៉ុន្មាន​ទូរ​ដែល​ដឹក​ចូល​ទៅ​រោងចក្រ​ប៉ុន្មាន​ដែល​អាច​ផ្គត់ផ្គង់​ដល់​រោងចក្រ​ដែល​ខ្វះ​វត្ថុធាតុដើម​យ៉ាងម៉េច​យើង​អត់​ទាន់​ដឹង​ទេ​ច្បាស់​លម្អិត​ទេ»

ក្រសួង​ការងារ​ក្នុង​សេចក្ដីប្រកាស​ព័ត៌មាន​កាលពី​ថ្ងៃ​ទី​៦ មីនា ថា ម្ចាស់​រោងចក្រ​សហគ្រាស ដែល​ប៉ះពាល់​ពី​កង្វះ​វត្ថុធាតុដើម​ដោយសារ​ជំងឺ​កូវីដ​១៩ ត្រូវ​អនុវត្ត​តាម​បញ្ញត្តិ​ច្បាប់​ស្ដីពី​ការងារ ពាក់ព័ន្ធ​នឹង​នីតិវិធី​ព្យួរ​កិច្ចសន្យាការងារ។ លើស​ពី​នេះ ក្រសួង​តម្រូវ​ឱ្យ​ម្ចាស់​រោងចក្រ​ទាំងនោះ អនុវត្ត​តាម​សេចក្ដីណែនាំ​របស់​ក្រសួង​ការងារ​ចុះ​កាលពី​ថ្ងៃ​ទី​២៨ កុម្ភៈ ស្ដីពី​ការ​ព្យួរ​កិច្ចសន្យា​ការងារ ការ​ចុះ​ឈ្មោះ​ចូលរៀន​ជំនាញ និង​ការ​ផ្អាក​បង់​វិភាគទាន​បេឡា​ជាតិ​របប​សន្តិសុខ​សង្គម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

Tmil Hun Sen tries to import more China's deadly coronavirus goods to Cambodia,despite the world shut down businesses with china's coronavirus spreading across the blobe

7 secrets of Chinese's freights docking at kompongSom and Koh Kong ports are full loaded of illegal smuggling weaponry,or military hardware+illegal immigration+Chinese military experts+new missile system technology+industrial materials are based in China...but are actually made labels in Cambodia to export to the west to avoid international suspicious.Because,China's economics now facing deep recession at home after deadly coronavirus outbreak in two months ago and so on.See the DOW Jone industrial closed downs 2,352 points.The coronavirus is scary and pple don't even know what expect,it's like the Tsunami is coming,and we know it's going to hit any day and nobody knows what the outcome is going to be.Maybe we are going into a global recession.Gold felt,oil plunged,many investors try to move their money to safe haven.

Mar 13, 2020 12:45 PM

What 7 China's freights docking at Kompongsom port...is smuggling illegal weaponry,or drug smuggling,or use for military parts at China's new naval base at Koh Kong or Ream port and what inside,or it is goods

ពី

I don't even know what the hell trading partnership with China communist secret trade business in Cambodia,in spite the Xi's govm't facing a deadly epidemic virus at home and the whole world concerning not willing to do business with China at this time.So,China only sees Cambodia is the last choice to do business with its puppet govm't of Hun Sen,because China have no good relationship with any Asian countries,see Laos in not good place to do business with"no seawater way",see Vietnam as its enemy"opposite"see Thailand as western supporter and other not happy with China's communist leader.Maybe Beijing regime wants to use Cambodia as their last transit to export goods into Cambodia and through to western hemisphere markets,despite they can't sell its goods to oversea,or maybe Mr.Xi's govm't bribes millions dollars to its puppet govm't"HS"to keep the China economic survive,wait till everything getting back to normal.These 7 China's freights no anyone even know what the hell inside the freight,or is it illegal smuggling weaponry?or drug trafficker?or any parts use for military supply for China's naval based at Koh Kong or Ream ports,but khmer pple have to keep eyes and ears closely on them.Because,the entire country so worrying between the two secret govm'ts that will lead Cambodia to catastrophe.

Mar 12, 2020 05:43 PM

គេហទំព័រ​ទាំងមូល