អង្គការសមាគមអភិរក្សសត្វព្រៃ គ្រោងលែងកូនកន្ធាយក្បាលកង្កែប ២រយក្បាលចូលក្នុងទន្លេមេគង្គ
កន្ធាយក្បាលកង្កែប
រូប៖ ហ្វេសប៊ុក WCS
អង្គការសមាគមអភិរក្សសត្វព្រៃ ឬហៅថា (WCS) និងរដ្ឋបាលជលកម្ពុជាគ្រោងលែងកូនកន្ធាយក្បាលកង្កែប ឬល្មិចចំនួន ២រយ(២០០) ក្បាលចូលទៅក្នុងទន្លេមេគង្គនៅថ្ងៃទី២៥ ខែឧសភា នៅកោះពែង ភូមិយាវ ឃុំកំពង់ចាម ស្រុកសំបូរ ខេត្តក្រចេះ។
សេចក្ដីជូនដំណឹងអង្គការសមាគមអភិរក្សសត្វព្រៃដែលអាស៊ីសេរីទទួលបាននៅថ្ងៃទី២០ ខែឧសភា ឱ្យដឹងថា បច្ចុប្បន្នកន្ធាយក្បាលកង្កែប ឬល្មិច (ដែលតាមឈ្មោះវិទ្យាសាស្ត្រហៅថា Pelochelyscantorii) ត្រូវបានចាត់ចូលក្នុងបញ្ជីក្រហមរបស់អង្គការ IUCN ជាប្រភេទសត្វជិតផុតពូជដោយសារកត្តាគំរាមកំហែងពីមនុស្ស និងធម្មជាតិ។ កន្ធាយក្បាលកង្កែបនេះត្រូវបានក្រុមអភិរក្សស្រាវជ្រាវរកឃើញសារជាថ្មីក្នុងកំឡុងឆ្នាំ២០០៧ នៅតាមបណ្ដោយទន្លេមេគង្គចម្ងាយប្រមាណ ៤៨គីឡូម៉ែត្រលាតសន្ធឹងពីខេត្តក្រចេះដល់ខេត្តស្ទឹងត្រែង។
អង្គការសមាគមអភិរក្សសត្វព្រៃ បញ្ជាក់ថាដើម្បីទប់ស្កាត់ការបរបាញ់ និងការជួញដូរគ្រប់រូបភាពនោះ គឺអង្គការសមាគមអភិរក្សសត្វព្រៃបានសហការយ៉ាងជិតស្និទ្ធជាមួយរដ្ឋបាលជលផលកម្ពុជាបានសហការគ្នាយ៉ាងជិតស្និទ្ធ ដើម្បីអភិរក្សកន្ធាយក្បាលកង្កែបនេះកុំឱ្យផុតពូជ តាមរយៈកម្មវិធីការពារសំបុក ការតាមដានមើលការអនុវត្តច្បាប់ការអប់រំ និងផ្សព្វផ្សាយបង្កើនការយល់ដឹងដល់ ក្រុមអ្នកនេសាទ និងសិស្សានុសិស្សនៅក្នុងតំបន់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ប្រមុខការពារជាតិលោក ទៀ បាញ់ សារភាពថា កម្ពុជាពិតជាបានអនុញ្ញាតឲ្យចិនអភិវឌ្ឍន៍កំពង់ផែកងទ័ពជើងទឹករាម ក្រោយវាយកម្ទេចចោលអគារជំនួយអាមេរិក
- ក្រុមហ៊ុនប្រេង គ្រីសអែណឺជី (KrisEnergy) ប្រកាសក្ស័យធន
- ក្រុមយោធាបាញ់រះបណ្តាលឲ្យពលរដ្ឋម្នាក់រងរបួសធ្ងន់ ក្នុងទំនាស់ដីធ្លីនៅខេត្តកណ្តាល
- អនុរដ្ឋមន្ត្រីការបរទេសអាមេរិកជួបលោក ហ៊ុន សែន រឿងទំនាក់ទំនងទ្វេភាគី និងបង្ហាញកង្វល់ខ្លាំងអំពីវត្តមាន និងការកសាងបរិក្ខារយោធាចិននៅមូលដ្ឋានទ័ពជើងទឹករាម
- អ្នកវិនិយោគរាប់រយនាក់បន្តទាមទារដំណោះស្រាយករណីចោទក្រុមហ៊ុនរបស់គ្រួសារមន្ត្រីកំពូលៗបោកលុយជិត៣០លានដុល្លារ
