ប្រធានគណៈកម្មការជាតិទប់ស្កាត់ និងបង្ក្រាបបទល្មើសព្រៃឈើ លោក សៅ សុខា បន្តដឹកនាំកិច្ចប្រជុំត្រួតពិនិត្យការងារទប់ស្កាត់ និងបង្ក្រាបបទល្មើសព្រៃឈើនៅខេត្តស្ទឹងត្រែង កាលពីថ្ងៃទី៩ ខែកក្កដា បន្ទាប់ពីចុះទៅខេត្តត្បូងឃ្មុំ ខេត្តក្រចេះ ខេត្តមណ្ឌលគិរី និងខេត្តរតនគិរីរួចរាល់។ សកម្មជនបរិស្ថាន យល់ថាបេសកកម្មរបស់ លោក សៅ សុខា នេះ មិនសូវមានប្រសិទ្ធភាពឡើយ ព្រោះគ្រាន់តែស្ដាប់របាយការណ៍របស់អាជ្ញាធរថ្នាក់ខេត្ត។
អ្នកនាំពាក្យកងរាជអាវុធហត្ថលើផ្ទៃប្រទេស លោក អេង ហ៊ី ប្រាប់អាស៊ីសេរីថា បេសកកម្មចុះតាម ខេត្តរបស់លោក សៅ សុខា នៅពេលនេះ គឺដើម្បីត្រួតពិនិត្យ និងស្ដាប់របាយការណ៍របស់ថ្នាក់ខេត្ត អំពីការបង្ក្រាប និងការទប់ស្កាត់បទល្មើសព្រៃឈើ ក្នុងដែនសមត្ថកិច្ចរបស់ពួកគេ។
លោក អេង ហ៊ី បន្តថា ក្នុងកិច្ចប្រជុំនៅខេត្តស្ទឹងត្រែង កាលពីព្រឹកថ្ងៃទី៨ ខែសីហា គឺអាជ្ញាធរខេត្តស្ទឹងត្រែងរាយការណ៍ថា គ្មានបទល្មើសព្រៃឈើនោះទេ ក្នុងរយៈពេលចុងក្រោយនេះ។ បើទោះយ៉ាងណា លោក សៅ សុខា ណែនាំឱ្យអាជ្ញាធរខេត្តពង្រឹងសមត្ថភាពនិងការអនុវត្តច្បាប់បន្ថែមទៀត។ «»
បន្ទាប់ពីប្រជុំនៅខេត្តស្ទឹងត្រែងរួច លោក សៅ សុខា បានបន្តដំណើរទៅត្រួតពិនិត្យនិងស្តាប់របាយការណ៍របស់អាជ្ញាធរខេត្តព្រះវិហារទៀត។ ចំណែកខេត្តត្បូងឃ្មុំ ក្រចេះ មណ្ឌលគិរី និងខេត្តរតនគិរី បានចុះត្រួតពិនិត្យនិងស្ដាប់របាយការណ៍រួចហើយគឺចាប់ពីថ្ងៃទី៥ ដល់ថ្ងៃទី៨ ខែសីហា។
សកម្មជនបរិស្ថាន លោក ហេង ស្រស់ លើកឡើងថា ការចុះទៅបើកកិច្ចប្រជុំ និងអង្គុយស្ដាប់តែ របាយការណ៍របស់អាជ្ញាធរខេត្ត គឺមិនមានប្រសិទ្ធភាពឡើយ។ លោកថ្លែងថា សកម្មភាពកាប់បំផ្លាញព្រៃឈើនៅខេត្តនេះនៅតែបន្តមាន ប៉ុន្តែ មិនសូវមានជាទ្រង់ទ្រាយធំដូចមុនទេ ដោយសារតែជារដូវភ្លៀង និងមានដំណឹងពីការចុះទៅបង្ក្រាប។ «»
សកម្មជនបរិស្ថាន និងសង្គមស៊ីវិល ក៏នៅតែជំរុញគណៈកម្មការជំនាញ ត្រូវស៊ើបអង្កេតរកបទល្មើសឧក្រិដ្ឋព្រៃឈើចាស់ៗ ក្នុងរង្វង់អាជ្ញាយុកាល ១៥ ឆ្នាំដែលកំណត់ដោយក្រមព្រហ្មទណ្ឌ។ ពួកគេ ថា ការអនុវត្តច្បាប់ចំពោះឧកញ៉ា សឹង សំអុល នៅមិនទាន់គ្រប់គ្រាន់ទេ នៅមានក្រុមឧក្រិដ្ឋជនជាច្រើននាក់ទៀត រួមមាន ឧកញ៉ា ទ្រី ភាព និងឧកញ៉ា លឹម ប៊ុណ្ណា ហៅខ្នា ជាដើម។
លោក អេង ហ៊ី ថ្លែងថា ការលើកឡើងរបស់សកម្មជនបរិស្ថាន និងមន្ត្រីសង្គមស៊ីវិលបែបនេះ គឺជា បញ្ចេញមតិដោយគ្មានមូលដ្ឋាន។ លោកបញ្ជាក់ថា គណៈកម្មការទប់ស្កាត់និងបង្ក្រាបបទល្មើស ព្រៃឈើ មិនអាចធ្វើតាមបាននោះទេ។ «»
មន្ត្រីពង្រឹងសិទ្ធិអំណាចសហគមន៍មូលដ្ឋាននៃសមាគមអាដហុក (Adhoc) លោក ប៉ែន ប៊ុណ្ណារ៍ ទទួលស្គាល់ថា បើគ្រាន់តែចុះទៅស្ដាប់របាយការណ៍របស់អាជ្ញាធរតាមខេត្តនោះគឺមិនមានប្រសិទ្ធភាពឡើយ ពីព្រោះអាជ្ញាធរខេត្តខ្លះរងការចោទថា ឃុបឃិតជាមួយឈ្មួញ និងលាក់បាំង បទល្មើសព្រៃឈើ។ លោកនៅតែស្នើសុំឱ្យអនុវត្តច្បាប់ចំពោះឧក្រិដ្ឋជនព្រៃឈើ និងអ្នកពាក់ព័ន្ធ ជាច្រើននាក់ទៀត ទោះបីជាបទល្មើសនោះកើតឡើងកាលពីប៉ុន្មានឆ្នាំមុនក្តី ព្រោះមិនទាន់ផុតអាជ្ញាយុកាល១៥ឆ្នាំឡើយ ។ លោក ថ្លែងថា អាជ្ញាធរជំនាញ ត្រូវតែនាំពួកគេ មកទទួលទោស និងសងសំណងខូចខាតព្រៃឈើ។ «»
គិតមកដល់ពេលនេះ សាលាដំបូងខេត្តមណ្ឌលគិរី បានចេញដីកាកោះហៅឧកញ៉ា៤នាក់ហើយ ឱ្យចូលបំភ្លឺពាក់ព័ន្ធបទល្មើសព្រៃឈើនេះ ក្នុងនោះមាន ឧកញ៉ា ស្រ៊ុន ម៉េងលាង ជាម្ចាស់ក្រុមហ៊ុនម៉េងលាង ឧកញ៉ា តុប វីដា ជាម្ចាស់ក្រុមហ៊ុនវិជ្ជរី ឧកញ៉ា វន់ ប៊ុនថៃ និងឧកញ៉ា គង់ ក្រឹង ខណៈឧកញ៉ា សឹង សំអុល និងកូនចៅ៣នាក់ ត្រូវបានតុលាការខេត្តមណ្ឌលគិរី សម្រេចឃុំខ្លួនបណ្ដោះអាសន្នក្នុងពន្ធនាគារ។ ក្រៅពីឧកញ៉ាទាំងនេះ សាលាដំបូងខេត្តមណ្ឌលគិរី ក៏បានឃាត់ខ្លួន និងកោះហៅមនុស្សប្រមាណ ២០នាក់ផ្សេងទៀត ឱ្យចូលខ្លួនបំភ្លឺនៅអំឡុងចុងខែសីហានេះដែរ ក្នុងនោះមានទាំងមន្ត្រីរដ្ឋបាលព្រៃឈើ ម្ចាស់ក្រុមហ៊ុន នាយកក្រុមហ៊ុន អ្នកចាត់ចែងក្រុមហ៊ុន ហើយមានជនសង្ស័យមួយចំនួនគឺជាជនជាតិចិន និងជនជាតិវៀតណាមផងដែរ។
ដោយឡែកចំពោះរបាយការណ៍គណៈកម្មការជាតិទប់ស្កាត់ និងបង្ក្រាបបទល្មើសព្រៃ បង្ហាញដែរថា រយៈពេលពេលប៉ុន្មានខែចុងក្រោយនេះ គណៈកម្មការជំនាញ បានរឹបអូសឈើជិត ១ម៉ឺនម៉ែត្រគូប និងដុតកម្ទេចរថយន្តដែលបម្រើឱ្យមធ្យោបាយដឹកជញ្ជូនឈើជាង ១រយគ្រឿង ព្រមទាំងបានបិទទីតាំងកែច្នៃទាំងអស់នៅខេត្តភាគឦសាន៕
Ge.Sao Sokha denied that Ge.Kung Kroeung a military commander at eastern zone of hell,usually he called him"=ah Kroeung"slang word,or an iron-fist-man who won't care anything beside do illegal business logging trafficking at Mondul kiri,Ratanakiri"national park"through to Vietnam processing port before import to China commie mainland.S.sokha calls him ah"Kroeung"no anybody can stop,or beat him beside 5 stars Ge.Hun Sen,and he said it's only ah"Kha"like him and why he fears him.Kroeung really upsets when he saw ah kha"S.Sokha" and his bandits surrounded his logging stock warehouse with found 70,000 meters cubic"all red precious hardwoods=$millions".Kroeung repeats that ah Kha"S.Sokha" was jealously over he getting richer than him"millionaire",and claimed that ah Kha wants to take over comrade Hun Sen's rookie son Maneth in day ahead.
Aug 10, 2019 04:11 PM
