សិស្ស​វិទ្យាល័យ​ភ្នំ​ធំ​​នៅ​ខេត្ត​បន្ទាយមានជ័យ​​​ចំនួន ​២០​នាក់ដែល​បាន​ដួល​សន្លប់​បាន​ធូរ​ស្រាល​ឡើង​វិញ​

ដោយ អាស៊ីសេរី
2021-03-17
Share
សិស្ស​វិទ្យាល័យ​ភ្នំ​ធំ​​នៅ​ខេត្ត​បន្ទាយមានជ័យ​​​ចំនួន ​២០​នាក់ដែល​បាន​ដួល​សន្លប់​បាន​ធូរ​ស្រាល​ឡើង​វិញ​ សិស្សានុសិស្សវិទ្យាល័យ​ភ្នំ​ធំ​​នៅ​ខេត្ត​បន្ទាយមានជ័យ​​​ចំនួន​ ២០​នាក់ បាន​ដួល​សន្លប់​នៅ​ព្រឹក​ថ្ងៃ​ទី​១៧ ខែ​មីនា ឆ្នាំ២០២១។
រូប៖ គេ​ផ្ដល់​ឱ្យ

សិស្សានុសិស្សវិទ្យាល័យ​ភ្នំ​ធំ​​នៅ​ខេត្ត​បន្ទាយមានជ័យ​​​ ចំនួន​ ២០​នាក់ ដែល​បាន​ដួល​សន្លប់​ នៅ​ព្រឹក​ថ្ងៃ​ទី​១៧ ខែ​មីនានោះ​ បាន​ធូរ​ស្រាល​ឡើង​វិញ​ហើយ​ បន្ទាប់​ពី​អាជ្ញាធរ​បាន​បញ្ជូន​ពួកគេ​ទៅ​សង្គ្រោះ​បន្ទាន់​នៅ​​មន្ទីរ​ពេទ្យ​​​អស់​ជា​ច្រើន​ម៉ោង​។​

នាយក​សាលា​វិទ្យាល័យ​ភ្នំធំ​លោក​ ឆែម មូដែល​ ប្រាប់​អាស៊ី​សេរី​នៅ​រសៀល​ថ្ងៃ​ទី​១៧ ខែ​មីនា ថា ​សិស្ស​ដែល​ដួល​សន្លប់​នោះ​ ទំនងជាដោយសារ​អាកាសធាតុ​ក្ដៅ​ ស្រប​ពេល​ដែល​ពួកគេ​ពាក់​ម៉ាស់ ​បណ្ដាល​ឱ្យ​ថប់​ដង្ហើម​ទន់ដៃទន់ជើង​ ហើយ​​បានដួល​សន្លប់​ជាបន្តបន្ទាប់​​។ ប៉ុន្តែលោក​ថា ពួក​គេ​បានធូរស្បើយ និង​​ត្រឡប់ទៅផ្ទះវិញអស់ហើយនៅថ្ងៃដដែលនេះ៖ «សិស្ស​ហ្នឹង​ចេញ​លេង​ទេ​ ខ្ញុំ​គត់​មើល​ទាក់ទង​ហ្នឹង​ធាតុ​អាកាស​ថ្ងៃ​នេះ​វា​អត់​សូវ​ល្អ​ ម៉ោង​១០​​ហ្នឹង​ វា​ហប់​ខ្យល់​ខ្លាំង​ដោយសារ​មេឃ​វា​រក​ភ្លៀង ហើយ​ណា​មួយ​សិស្ស​វា​ពាក់​ម៉ាស់​គ្រប់​គ្នា សូម្បី​តែ​ខ្ញុំ​ពាក់ម៉ាស់​បាន​មួយ​ភ្លេច​ៗ​ ថប់​ដង្ហើម​ដែរ។​ ដល់​តែ​ពាក់​ម៉ាស់​ផង ជាតិ​អាល់កុល​ផង​ អីចឹង​ទៅ​ជួនកាល​ក្មេង​ខ្លះ​សុខភាព​ទទួល​មិន​បាន​ក៏​អាច​ខ្សោយ​ដែរ​ករណី​ហ្នឹង»

ករណី​សិស្សានុសិស្ស​ដួល​សន្លប់នេះ តែង​កើត​មាន​ជាញឹកញាប់​នៅស្ទើរ​គ្រប់ខេត្ត​​។​ កាល​ពី​ថ្ងៃ​ទី​៦​ ខែមីនា​ សិស្ស​វិទ្យាល័យ​សំរោង ស្រុក​សូទ្រនិគម ខេត្ត​សៀមរាប ​ជិត​៥០​នាក់ ក៏​បាន​ដួលសន្លប់​​ដូចគ្នា​នេះ​ដែរ។ ក្រសួងអប់រំ និង​អ្នកជំនាញ​សុខាភិបាលលើក​ឡើង​ថា ការដួល​សន្លប់​នេះ​ អាច​ដោយសារ​កត្តា​ខ្វះ​អាហារូបត្ថម្ភ បរិយាកាស​ថ្នាក់រៀន ឬ​សាលា​រៀន​មិន​សូវល្អ​ និង​កត្តា​ចិត្ត​សាស្ត្រជាដើម៕​​

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល