ស្របពេលដែលលោកនាយករដ្ឋមន្ត្រី ហ៊ុន សែន ប្រកាសឱ្យឈប់ពាក់ម៉ាស់នេះ ក្រសួងសុខាភិបាល ថ្ងៃនេះរកឃើញអ្នកឆ្លងជំងឺកូវីដ-១៩ ចំនួន២ករណីថ្មីទៀត ដែលសុទ្ធតែជាវីរុសបំប្លែងថ្មីអូមីក្រុង (Omicron) ឆ្លងក្នុងសហគមន៍ទាំងអស់។
គិតត្រឹមព្រឹកថ្ងៃទី២៦ មេសា នេះ កម្ពុជាមានអ្នកកើតជំងឺកូវីដ-១៩ ជាង ១សែន ៣ម៉ឺន៦ពាន់នាក់ (១៣៦.២៣០) ក្នុងនោះអ្នកជាសះស្បើយមានជិត ១ សែន ៣ម៉ឺននាក់ ៣ពាន់នាក់ (១៣២.៩៦៨) និងអ្នកស្លាប់មានចំនួន ៣ពាន់ ៥៦ នាក់ (៣.០៥៦)។
ចំពោះការចាក់វ៉ាក់សាំងបង្ការជំងឺកូវីដ១៩វិញ ក្រសួងសុខាភិបាលប្រកាសថា គិតត្រឹមថ្ងៃទី២៥ មេសា ម្សិលមិញ រដ្ឋាភិបាលចាក់ជូនពលរដ្ឋដែលមានអាយុចាប់ពី៣ឆ្នាំឡើងបានជាង ១៤លាន ៨សែននាក់ សម្រាប់ដូសទី១ រីឯដូសទី២ ចាក់បានជាង១៤លាន១សែន៥ម៉ឺននាក់ ហើយដូសទី៣ និងដូសទី៤ រដ្ឋាភិបាលចាក់ជូនពលរដ្ឋបានជាង៩លាន ៧សែននាក់។