សភា​សហរដ្ឋ​អាមេរិក​ថ្កោលទោស​អំពើ​ទណ្ឌកម្ម​នៅ​វៀតណាម

សភា​តំណាង​រាស្ត្រ​សហរដ្ឋ​អាមេរិក កាល​ពី​ថ្ងៃ​ព្រហស្បតិ៍ ឲ្យ​ដឹង​ថា ប្រទេស​វៀតណាម គ្រាន់​តែ​មាន​ឈ្មោះ​ល្បីល្បាញ​ខាង​ការ​ធ្វើ​ទារុណកម្ម​ដល់​អ្នក​ទោស​មនសិការ​ប៉ុណ្ណោះ​ទេ ប៉ុន្តែ​ជា​ប្រទេស​មួយ​ដែល​មាន​ឈ្មោះ​អាក្រក់​ក្នុង​អំពើ​ជួញ​ដូរ​មនុស្ស​ថែម​ទៀត។
ដោយ តាំង សារ៉ាដា
2014-01-17
អ៊ីម៉ែល
មតិ
Share
បោះពុម្ព
១៧-មករា-២០១៤៖ លោក គ្រីស្តូភើ ស្មីត (Christopher Smith) តំណាង​រាស្ត្រ​សហរដ្ឋ​អាមេរិក ប្រចាំ​រដ្ឋ ញីវជឺស៊ី (New Jersey)។
១៧-មករា-២០១៤៖ លោក គ្រីស្តូភើ ស្មីត (Christopher Smith) តំណាង​រាស្ត្រ​សហរដ្ឋ​អាមេរិក ប្រចាំ​រដ្ឋ ញីវជឺស៊ី (New Jersey)។
Photo: RFA

លោក គ្រីស្តូភើ ស្មីត (Christopher Smith) តំណាង​រាស្ត្រ​សហរដ្ឋ​អាមេរិក ប្រចាំ​រដ្ឋ ញីវជឺស៊ី (New Jersey) បាន​ថ្លែង​ប្រាប់​វិទ្យុ​អាស៊ីសេរី ថា សហរដ្ឋ​អាមេរិក នឹង​មិន​អនុគ្រោះ​ដល់​ប្រទេស​វៀតណាម ទេ ប្រសិន​បើ​វៀតណាម នៅ​តែ​មិន​ធ្វើ​ឲ្យ​ប្រសើរ​ខាង​ការ​គោរព​សិទ្ធិ​មនុស្ស។ លោក​បន្ត​ថា អ្វី​ដែល​សភា​សហរដ្ឋ​អាមេរិក អាច​ធ្វើ​ទៅ​បាន​នោះ គឺ​បង្កើត​ច្បាប់​មួយ​ដើម្បី​ដាក់​ទណ្ឌកម្ម​ផ្នែក​សេដ្ឋកិច្ច​ដល់​វៀតណាម។

លោក គ្រីស្តូភើ ស្មីត៖ «ដូច​លោក​បាន​ជ្រាប​ហើយ​ថា ខ្ញុំ​ជា​អ្នក​ដឹក​នាំ​បង្កើត​ច្បាប់​មួយ ដើម្បី​ប្រឆាំង​ការ​ជួញ​ដូរ​មនុស្ស​នៅ​វៀតណាម ក្នុង​ឆ្នាំ​២០០០ ដែល​យើង​បាន​រក​ឃើញ​ថា វៀតណាម ជា​ប្រទេស​មួយ​ដែល​រំលោភ​សិទ្ធិ​កម្មករ មាន​អំពើ​ជួញ​ដូរ​មនុស្ស និង​ការ​ធ្វើ​ទារុណកម្ម​ធ្ងន់ធ្ងរ ហើយ​ដែល​សហគមន៍​អន្តរជាតិ​ឲ្យ​ចំណាត់​ថ្នាក់​លេខ​៣ ជា​ប្រទេស​ដែល​អាក្រក់​បំផុត​ក្នុង​ការ​រំលោភ​សិទ្ធិ​មនុស្ស»

លើស​ពី​នេះ​ទៅ​ទៀត បញ្ហា​រំលោភ​សិទ្ធិ​មនុស្ស​ក្នុង​ពន្ធនាគារ​នៅ​ប្រទេស​វៀតណាម កំពុង​ស្ថិត​ជា​ចំណោទ​ដ៏​ធំ​មួយ។

ក្រុម​អ្នក​ឃ្លាំ​មើល​សិទ្ធិ​មនុស្ស​អន្តរជាតិ បាន​ស៊ើប​អង្កេត​រក​ឃើញ​ថា មាន​ករណី​មួយ​ចំនួន​ដែល​ជន​ភៀស​ខ្លួន​វៀតណាម ហើយ​ដែល​ជា​ក្រុម​មាន​និន្នាការ​ទៅ​រក​លោក​សេរី​នោះ ត្រូវ​បាន​សមត្ថកិច្ច​កម្ពុជា បញ្ជូន​ទៅ​ឃុំឃាំង និង​ធ្វើ​ទារុណកម្ម​នៅ​ប្រទេស​វៀតណាម។

អ្នក​ជំនាញ​ខាង​ផ្នែក​សិទ្ធិ​មនុស្ស​សម្រាប់​ប្រទេស​កម្ពុជា និង​វៀតណាម អ្នកស្រី សារ៉ា ខូម៍ (Sara Colm) បាន​ថ្លែង​ប្រាប់​វិទ្យុ​អាស៊ីសេរី ថា កន្លង​មក កម្ពុជា បាន​រំលោភ​លើ​អនុសញ្ញា​ស្ដីពី​ជន​ភៀស​ខ្លួន ដោយសារ​រដ្ឋាភិបាល​បាន​បញ្ជូន​ព្រះសង្ឃ​ខ្មែរ​ក្រោម​មួយ​ចំនួន​ដែល​ជា​សកម្មជន​សិទ្ធិ​មនុស្ស ទៅ​ឃុំ​ខ្លួន​នៅ​វៀតណាម ហើយ​វៀតណាម បាន​ធ្វើ​ទារុណកម្ម​អ្នក​ទាំង​នោះ​យ៉ាង​ធ្ងន់ធ្ងរ។

អ្នកស្រី សារ៉ា ខូម៍៖ «ជន​ភៀស​ខ្លួន​វៀតណាម ខ្លះ ដែល​មក​ជ្រក​កោន​នៅ​កម្ពុជា ប្រសិន​បើ​ពួក​គេ​សកម្ម​ខាង​ការ​រិះគន់ រដ្ឋាភិបាល​វៀតណាម នោះ ពួក​គេ​ប្រាកដ​ជា​រង​នូវ​សម្ពាធ​ផ្សេងៗ រួម​ទាំង​ការ​ធ្វើ​ទុក្ខបុកម្នេញ​រហូត​ដល់​មាន​ការ​ចាប់​បញ្ជូន​ទៅ​វៀតណាម វិញ។ ជាក់ស្តែង ដូច​ជា​ករណី​ព្រះតេជព្រះគុណ ទឹម សាខន ដែល​គេ​បញ្ជូន​ខ្លួន​ពី​ខេត្ត​តាកែវ ទៅ​ឃុំ​ខ្លួន​នៅ​វៀតណាម ហើយ​ម្នាក់​ទៀត គឺ​លោក លេជីទ្វេ ដែល​ជា​មេ​ដឹក​នាំ​កម្មករ នៅ​ពេល​លោក​មក​ដល់​កម្ពុជា ក្នុង​ឆ្នាំ​២០០៧ ដើម្បី​សុំ​សិទ្ធិ​ជ្រក​កោន​ផ្នែក​នយោបាយ​នោះ ក៏​ត្រូវ​បាន​ចាប់​ខ្លួន​បាត់​ទៅ ហើយ​គ្មាន​ដំណឹង​ទាល់​តែ​សោះ​រហូត​មក​ដល់​ពេល​នេះ។ ដូច្នេះ វា​បង្ហាញ​យ៉ាង​ច្បាស់​ថា កម្ពុជា មិន​មែន​ជា​ឋានសួគ៌​ដ៏​មាន​សុវត្ថិភាព​ក្នុង​ការ​អនុវត្ត​សិទ្ធិ​បញ្ចេញ​មតិ​បាន​ទេ ដោយសារ​សមត្ថកិច្ច​កម្ពុជា អាច​ចាប់​ខ្លួន​អ្នក​ទាំង​នោះ​បញ្ជូន​ទៅ​វៀតណាម វិញ ហើយ​វៀតណាម នឹង​ធ្វើ​ទារុណកម្ម​ធ្ងន់ធ្ងរ»

‍‍ការ​អះអាង​របស់ អ្នកស្រី សារ៉ា ខូម៍ ធ្វើ​ឡើង​នៅ​ក្នុង​សភា​សហរដ្ឋ​អាមេរិក កាល​ពី​ថ្ងៃ​ព្រហស្បតិ៍ បន្ទាប់​ពី​សន្និសីទ​បង្ហាញ​របាយការណ៍​មួយ ស្តី​អំពី​ការ​ធ្វើ​ទារុណកម្ម​លើ​អ្នក​ទោស​នយោបាយ និង​អ្នក​ទោស​សាសនា​ក្នុង​ប្រទេស​វៀតណាម។

នេះ​មិន​មែន​ជា​លើក​ទី​មួយ​ទេ​សម្រាប់​កម្ពុជា ក្នុង​ការ​បញ្ជូន​ជន​ភៀស​ខ្លួន​ដែល​សុំ​សិទ្ធិ​ជ្រក​កោន​នៅ​កម្ពុជា ទៅ​ប្រទេស​ដើម​របស់​គេ​វិញ​នោះ។ កាល​ពី​ឆ្នាំ​២០០៩ កម្ពុជា ក៏​បាន​ចាប់​បញ្ជូន​ជន​ភៀស​ខ្លួន​ជនជាតិ អ៊ុយហ្គរ៍ (Uyghur) ចំនួន ២០​នាក់​ទៅ​ប្រទេស​ចិន វិញ​ដែរ ជា​ថ្នូរ​នឹង​ការ​ផ្តល់​ប្រាក់​កម្ចី​ដែល​មាន​ការ​ប្រាក់​ទាប​ចំនួន ១​ពាន់​លាន​ដុល្លារ​សហរដ្ឋ​អាមេរិក របស់​ចិន មក​ដល់​កម្ពុជា។

អ្នកស្រី សារ៉ា ខូម៍ មាន​ប្រសាសន៍​ថា កម្ពុជា បាន​រំលោភ​លើ​អនុសញ្ញា​ស្ដីពី​ជន​ភៀស​ខ្លួន​ក្នុង​នាម​កម្ពុជា ជា​ប្រទេស​ម្ចាស់​ហត្ថលេខី​នោះ។

អនុសញ្ញា​ស្ដីពី​ជន​ភៀស​ខ្លួន​ចែង​ថា រាល់​ប្រទេស​ជា​ម្ចាស់​ហត្ថលេខី​ទាំងអស់ មិន​ត្រូវ​បញ្ជូន​ជន​ភៀស​ខ្លួន​ទៅ​កាន់​ប្រទេស​ដើម​របស់​គេ​ជា​ដាច់​ខាត ប្រសិន​បើ​ប្រទេស​នោះ​ជា​ប្រទេស​ដែល​អាច​ធ្វើ​ឲ្យ​ជីវិត និង​សេរីភាព​របស់​ពួក​គេ​ជួប​នឹង​ភាព​ប្រថុយប្រថាន។

វិទ្យុ​អាស៊ីសេរី មិន​អាច​សុំ​សេចក្តី​អត្ថាធិប្បាយ​ពី​សមត្ថកិច្ច​របស់​កម្ពុជា បាន​ទេ កាល​ពី​ថ្ងៃ​សុក្រ ទី​១៧ មករា។

ជន​ភៀស​ខ្លួន​ភាគ​ច្រើន​ដែល​ត្រូវ​សមត្ថកិច្ច​កម្ពុជា បញ្ជូន​ខ្លួន​ទៅ​កាន់​ប្រទេស​ចិន ឬ​ប្រទេស​វៀតណាម តែង​ទទួល​រង​នូវ​ទណ្ឌកម្ម​ធ្ងន់ធ្ងរ ហើយ​អ្នក​ខ្លះ​ទទួល​ទោស​ដ៏​យូរ​ឆ្នាំ។

ទាក់ទិន​នឹង​ការ​ធ្វើ​ទារុណកម្ម​ក្នុង​មន្ទីរ​ឃុំឃាំង​នៅ​ប្រទេស​វៀតណាម នេះ​ដែរ ព្រះតេជព្រះគុណ ដាញ់ ថុល ជា​ព្រះសង្ឃ​ខ្មែរ​កម្ពុជា​ក្រោម មាន​ថេរ​ដីកា​ថា សមត្ថកិច្ច​វៀតណាម ឃុំ​ខ្លួន​ព្រះអង្គ​ក្នុង​គុក​ងងឹត​រយៈពេល ៦​ខែ ដោយ​បង្អត់​ចង្ហាន់។ ព្រះតេជព្រះគុណ​បន្ត​ថា ក្រុម​អាជ្ញាធរ​វៀតណាម បាន​ចាប់​សម្រាត​ស្បង់​ជីព​ព្រះសង្ឃ​បញ្ចូល​គុក​ដូច​ជា​សត្វ​ធាតុ។

«សំឡេង»

ព្រះតេជព្រះគុណ ដាញ់ ថុល មាន​ថេរ​ដីកា​ថា នៅ​ពេល​ដែល​ព្រះអង្គ​ជាប់​ក្នុង​គុក​ងងឹត​វៀតណាម កាល​ពី​ឆ្នាំ​២០០៩ នោះ ព្រះអង្គ​តែង​ទទួល​រង​ការ​វាយ​ធ្វើ​ទារុណកម្ម និង​បង្អត់​អាហារ​យ៉ាង​ធ្ងន់ធ្ងរ។ ហើយ​រហូត​មក​ទល់​ពេល​នេះ សុខភាព​របស់​ព្រះអង្គ​តែង​មាន​ការ​ភ្លេចភ្លាំង​ច្រើន និង​សុបិន្ដ​អាក្រក់​រៀង​រាល់​យប់​ថែម​ទៀត។

«សំឡេង»

អ្នក​ទោស​នយោបាយ​ក្នុង​គុក​ងងឹត​នៅ​វៀតណាម ភាគ​ច្រើន​ត្រូវ​បាន​ឃុំឃាំង​ក្នុង​បន្ទប់​តូច​ចង្អៀត​មួយ​ទំហំ​ប្រហែល បី​ម៉ែត្រ​ការ៉េ គ្មាន​កន្ទេល គ្មាន​មុង គ្មាន​ភួយ និង​គ្មាន​ខ្នើយ។ អ្នក​ទោស​រស់​នៅ​ក្នុង​គុក​នោះ​ដោយ​ការ​ស្រេក​ឃ្លាន អ្នក​ខ្លះ​ចាប់​សត្វ​ល្អិត​ធ្វើ​ជា​អាហារ​ប្រចាំ​ថ្ងៃ។ នៅ​ពេល​យប់​គេ​តែង​ឮ​សំឡេង​មនុស្ស​ទ្រហោ​យំ ដោយសារ​ការ​ឈឺ​ចុក​ចាប់​ពី​ការ​ធ្វើ​ទារុណកម្ម​របស់​ឆ្មាំ​គុក ដើម្បី​សួរ​ចម្លើយ។ ទីនោះ​ប្រៀប​ដូច​ជា​ឋាននរក ៩​ជាន់​ដែរ ដែល​សូម្បី​តែ​អាហារ​ក៏​ពួក​គេ​មិន​អាច​មើល​ឃើញ​ថា តើ​ជា​អាហារ​ប្រភេទ​ណា​ដែរ។

ព្រះតេជព្រះគុណ ដាញ់ ថុល មាន​ថេរ​ដីកា​ថា អ្នក​ទោស​មនសិការ​ភាគ​ច្រើន ត្រូវ​វាយ​បញ្ច្រក​ថ្នាំ​ដែល​គេ​មិន​ឲ្យ​ស្គាល់​ថា​ជា​ថ្នាំ​អ្វី​នោះ​ឡើយ។ ហើយ​ថា នៅ​ពេល​អ្នក​ទោស​ទាំង​នោះ​ត្រូវ​បាន​គេ​ដោះ​លែង​ឲ្យ​មាន​សេរីភាព​វិញ មនុស្ស​ភាគ​ច្រើន​មាន​សតិ​អារម្មណ៍​មិន​នឹងនរ ហើយ​បី​បួន​ឆ្នាំ​ក្រោយ​មក ក៏​ស្លាប់​បាត់​បង់​ជីវិត​ទៅ​ទៀត។

របាយការណ៍​របស់ លោក គ្រីស្តូភើ ស្មីត តំណាង​រាស្ត្រ​សហរដ្ឋ​អាមេរិក ឲ្យ​ដឹង​ថា យ៉ាង​ហោច​ណាស់​មាន​អ្នក​ទោស​មនសិការ​ជាង ៦០០​នាក់ ភាគ​ច្រើន​ជា​សកម្មជន​នយោបាយ សកម្មជន​សិទ្ធិ​មនុស្ស និង​សកម្មជន​សាសនា ដែល​កំពុង​រង​ការ​ធ្វើ​ទារុណកម្ម​ធ្ងន់ធ្ងរ​ក្នុង​គុក​ងងឹត​នៅ​វៀតណាម។

សហព័ន្ធ​ខ្មែរ​កម្ពុជា​ក្រោម ដែល​មាន​មូលដ្ឋាន​ក្នុង​សហរដ្ឋ​អាមេរិក បាន​ឲ្យ​ដឹង​ថា រហូត​មក​ទល់​ពេល​នេះ មាន​ព្រះសង្ឃ​ខ្មែរ​ក្រោម​ចំនួន ២​អង្គ និង​ពលរដ្ឋ​ខ្មែរ​ក្រោម​ចំនួន ៦​នាក់ កំពុង​ជាប់​ឃុំឃាំង​ក្នុង​គុក​ងងឹត​របស់​វៀតណាម។ សហព័ន្ធ​ខ្មែរ​ក្រោម​បាន​ទាមទារ​ឲ្យ​រដ្ឋាភិបាល​ក្រុង ហាណយ (Hanoi) ដោះ​លែង​អ្នក​ទោស​ទាំង​នោះ​ឲ្យ​មាន​សេរីភាព​ដោយ​គ្មាន​លក្ខខណ្ឌ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

KONE KHMER

ពី PHNOM PENH

TO ALL KHMER AND THE WORLD:
I AM WRITING MY COMMENT HERE TO TELL EVERY ONE TO KNOW THAT IN CAMBODIA S21 PRISON, TORTURING TO PRISONERS DURING POL POT REGIME WAS EXACTLY SAME AS THE TORTURE METHOD AS VIETNAMESE TORTURE CAMBODIAN MONKS AND CAMBODIAN IN THIS ARTICLE.SO IT MAKES CLEAR THAT THE VIETNAMESE TORTURE AND KILL CAMBODIAN IN CAMBODIA. I WANT THE WORLD TO KNOW THAT ANYWHERE THE VIETNAMESE LIVE, THERE WILL BE THE PROSTITUTION AND STEALING / ROBBING; BECAUSE VIETNAMESE WOMEN ARE PROSTITUTES AND VIETNAMESE MEN ARE THIEVES.

Jan 18, 2014 08:02 PM

KONE KHMER

ពី PP

I DISAGREED WITH THIS COMMENT BECAUSE
NOT ALL VIETNAMESE LIKE YOU MENTION ABOVE.

Jan 20, 2014 11:38 AM

អ្នក​អាន​អនាមិក

What do you think they never heard this word. Tiger paper Clown in rice field doesn't scare a bit they still scratch their A. Show them the coffin they might cry.

Jan 18, 2014 06:39 AM

គេហទំព័រ​ទាំងមូល