លោក ស ខេង ទទូចដល់ស្ថាប័នពាក់ព័ន្ធឱ្យដោះស្រាយបញ្ហាជួញដូរមនុស្ស និងលុយកខ្វក់
2022.09.08
លោក ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ក្នុងពិធីសម្ពោធសមិទ្ធផលរបស់ស្នងការដ្ឋាននគរបាលរាជធានីភ្នំពេញ នៅថ្ងៃទី៨ ខែកញ្ញា ឆ្នាំ២០២២។
រូប៖ ហ្វេសប៊ុកលោក ស ខេង
រដ្ឋមន្ត្រីក្រសួងមហាផ្ទៃ លោក ស ខេង មានប្រសាសន៍កាលពីថ្ងៃទី៨ កញ្ញាម្សិលមិញនេះថា បញ្ហាជួញដូរមនុស្ស និងលុយកខ្វក់កំពុងជះឥទ្ធិពលមិនល្អដល់មុខមាត់របស់កម្ពុជា។ លោកអំពាវនាវដល់ក្រសួងស្ថាប័នពាក់ព័ន្ធចូលរួមឱ្យបានខ្លាំងក្លាបន្ថែមទៀត ដើម្បីដោះស្រាយបញ្ហាប្រឈមទាំងនេះឱ្យមានប្រសិទ្ធភាពខ្ពស់៖ «ពីរចំណុចដែលខ្ញុំចង់បញ្ជាក់ទាក់ទងនឹងកត្តិយស និងមុខមាត់របស់ប្រទេសជាតិ។ ទីមួយ គឺទាក់ទងនឹងបញ្ជីប្រផេះនៃធនាគារនៅកម្ពុជា ហើយទីពីរទាក់ទងនឹងចំណាត់ថ្នាក់លេខ ៣ នៃការជួញដូរមនុស្ស។ អ៊ីចឹងហើយ ចំណុចទាំងពីរនេះ ខ្ញុំសូមអំពាវនាវស្វែងរកការគាំទ្រ ការមូលមតិជាមួយគ្នា ទើបអាចធ្វើទៅបានទាំងគោលការណ៍ គោលនយោបាយ ប្រតិបត្តិករ អ្នកអនុវត្ត អ្នកចាត់ចែង គឺឯកភាពគ្នាទាំងអស់ ដើម្បីដោះស្រាយបញ្ហាប្រឈមទាំងពីរនេះ»។
របាយការណ៍ក្រសួងមហាផ្ទៃឱ្យដឹងថា ក្នុងឆមាសទី១ នៃឆ្នាំ២០២២ នេះ សមត្ថកិច្ចបង្ក្រាបអំពើជួញដូរមនុស្ស និងការធ្វើអាជីវកម្មផ្លូវភេទបានចំនួន ៧៤ ករណី និងឃាត់ខ្លួនជនសង្ស័យបញ្ជូនទៅតុលាការចំនួន ៨៣នាក់។
កាលពីខែមីនាកន្លងទៅ អង្គការឃ្លាំមើលអំពើលាងលុយកខ្វក់លើពិភពលោក ឈ្មោះក្រុមការងារហិរញ្ញវត្ថុ (FATF) ដែលមានមូលដ្ឋាននៅទីក្រុងប៉ារីស (Paris) ប្រទេសបារាំង (France) បានបន្តដាក់កម្ពុជាក្នុង «បញ្ជីប្រផេះ» នៃក្រុមប្រទេសមានហានិភ័យខាងអំពើលាងលុយកខ្វក់ ដែលពិភពលោកត្រូវបង្កើនការតាមដាន។ ដោយឡែកនៅខែកក្កដា ក្រសួងការបរទេសសហរដ្ឋអាមេរិកបានដាក់កម្ពុជាក្នុងបញ្ជីខ្មៅនៃការជួញដូរមនុស្ស ដែលនេះជាចំណាត់ថ្នាក់អាក្រក់បំផុតពុំធ្លាប់មានតាំងពីឆ្នាំ២០១៥ មក។
ទោះជាយ៉ាងណា កម្ពុជាមិនមែនមានកេរ្តិ៍ឈ្មោះអាក្រក់ដោយសាររឿងលុយកខ្វក់ និងបញ្ហាជួញដូរមនុស្សតែពីរមុខនេះទេ។ កេរ្តិ៍ឈ្មោះអាក្រក់បំផុតនោះ គឺការរំលោភសិទ្ធិមនុស្សធ្ងន់ធ្ងរជាប្រព័ន្ធ និងការគាស់រំលើងគ្រឹះប្រជាធិបតេយ្យប្រព្រឹត្តដោយរដ្ឋាភិបាលលោក ហ៊ុន សែន ព្រមទាំងអំពើពុករលួយចាក់ស្រេះ និងការបរាជ័យនៃប្រព័ន្ធយុត្តិធម៌ថែមទៀតផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- គណបក្សភ្លើងទៀនស្វាគមន៍វត្តមានលោក រ៉ុង ឈុន អតីតមន្ត្រីជាន់ខ្ពស់ គ.ជ.ប ដែលហក់មកចូលរួមជីវភាពជាមួយគណបក្សនេះ
- លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
រឿងដែលគេអានច្រើនបំផុត
សិទ្ធិមនុស្ស
- ប្រតិភូខ្មែរក្រោមប្រាប់សន្និសិទអន្តរសាសនាស្តីពីការរំលោភសិទ្ធិសាសនាខ្មែរក្រោម
- មេសហជីពរិះគន់ធនាគារអេប៊ីអេ (ABA) មិនបើកប្រាក់ជំនួយមនុស្សធម៌ដល់បុគ្គលិកណាហ្គាវើលដ៍ថា ជារឿងមិនត្រឹមត្រូវ
- សមាគមគ្រូបង្រៀនកម្ពុជាឯករាជ្យសោកស្ដាយចំពោះការចេញលិខិតព្រមានរបស់ក្រសួងមហាផ្ទៃ
- ក្រុមយុវជនស្នើរដ្ឋាភិបាល ឱ្យចាប់អារម្មណ៍សុខទុក្ខពលរដ្ឋខ្មែរក្រោម