ពលករខ្មែរកំពុងធ្វើការនៅក្នុងប្រទេសថៃរំពឹងថា អាជ្ញាធរថៃនឹងអាចស្វែងរកចាប់ខ្លួនជនមិនស្គាល់មុខព្រួតវាយសកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន បណ្ដាលឱ្យរបួសធ្ងន់។
ការលើកឡើងនេះនៅក្រោយពេលដែលមានករណីជនមិនស្គាល់មុខព្រួតវាយលោក ស្រ៊ុន ស្រ៊ន បណ្ដាលឱ្យរបួសធ្ងន់នៅប្រទេសថៃ នៅកន្លែងបង្រៀនកិច្ចព្រមព្រៀងសន្តិភាពទីក្រុងប៉ារីស២៣តុលា ឆ្នាំ១៩៩១ ដល់ពលករខ្មែរនៅខេត្តសមុទ្រប្រាកាន (Samut Prakan) ជាប់ទីក្រុងបាងកក (Bangkok) កាលពីរសៀលថ្ងៃទី៣១ ធ្នូ។
ជនមិនស្គាល់មុខមានគ្នាបីនាក់ បានយកដំបូងដែកវាយក្បាលផ្នែកខាងក្រោយបណ្ដាលឱ្យលោក ស្រ៊ុន ស្រ៊ន របួសធ្ងន់ និងថែមទាំងបានដកកាំភ្លើងខ្លីគំរាមបាញ់ លោក ស្រ៊ុន ស្រ៊ន ទៀតផង ប៉ុន្តែដោយសារមានក្រុមពលករខ្មែរដែលបានចូលរួមនៅទីនោះប្រមាណ៥០ស្រែកឆោឡោ ទើបជនបង្កបានរត់គេចខ្លួន។
សូមស្ដាប់បទសម្ភាសជាមួយលោកស្រី បឹង សុគឿន តាមការសាកសួររបស់អ្នកស្រី សុជីវី អំពីរឿងនេះដូចតទៅ!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។