មន្ត្រីអាមេរិកនឹងជួបមន្ត្រីរដ្ឋាភិបាលវៀតណាមជជែកពីបញ្ហាសិទ្ធិមនុស្ស
2024.08.31
អនុរដ្ឋលេខាធិការទទួលបន្ទុកសន្តិសុខស៊ីវិល លទ្ធិប្រជាធិបតេយ្យ និងសិទ្ធិមនុស្សអ្នកស្រី អូស្រ៊ា ហ៊្សែហា (Uzra Zeya) នឹងធ្វើដំណើរទៅទីក្រុង (Kuala Lumpur) ប្រទេសម៉ាឡេស៊ី និងទីក្រុងហាណូយ ប្រទេសវៀតណាម ចាប់ពីថ្ងៃទី២៥ ដល់៣១ ខែសីហា ឆ្នាំ២០២៤ ដើម្បីចូលរួមជួបនឹងដៃគូពិភាក្សាលើសិទ្ធិមនុស្ស កិច្ច សហប្រតិបត្តិការមនុស្សធម៌និងសន្តិសុខជនស៊ីវិល។
នៅទីក្រុងកូឡាឡាំពួរ អ្នកស្រីអនុរដ្ឋលេខាធិការក្រសួងការបរទេសអាមេរិក នឹងបង្ហាញការកោតសរសើរចំពោះកិច្ចសហប្រតិបត្តិការរវាងសហរដ្ឋអាមេរិក និងម៉ាឡេស៊ី ដោយផ្អែកលើតម្លៃប្រជាធិបតេយ្យ និងការគោរពសិទ្ធិមនុស្ស និងនីតិរដ្ឋ។ ដោយឡែកនៅទីក្រុងហាណូយវិញ អ្នកស្រីនឹងលើកឡើងពីភាពរឹងមាំ នៃទំនាក់ទំនងអាមេរិក-វៀតណាម ដើម្បីសម្រេចបាននូវគោលដៅរួមគឺសន្តិភាព ស្ថិរភាព កិច្ចសហប្រតិបត្តិការ និងវិបុលភាពក្នុងតំបន់ និងពិភពលោក។
ក្នុងជំនួបជាមួយមន្ត្រីជាន់ខ្ពស់វៀតណាម អ្នកស្រីអនុរដ្ឋលេខាធិការគូសបញ្ជាក់ពីការប្ដេជ្ញាចិត្តរបស់សហរដ្ឋអាមេរិកចំពោះភាពជាដៃគូយុទ្ធសាស្ត្រគ្រប់ជ្រុងជ្រោយរវាងសហរដ្ឋអាមេរិក និងវៀតណាម រួមទាំងការលើកកម្ពស់ និងការពារសិទ្ធិមនុស្ស រួមទាំងសេរីភាពខាងសាសនា ជំនឿការគាំទ្រដល់ក្រុមដែល ងាយរងគ្រោះ។ អ្នកស្រីលើកយកជជែកលើបញ្ហាប្រឈមជាសកល រួមទាំងការជួញដូរមនុស្ស និងឧក្រិដ្ឋកម្មឆ្លងដែន។
ជុំវិញរឿងនេះ ប្រធាននាយកដ្ឋានព័ត៌មានសហព័ន្ធខ្មែរកម្ពុជាក្រោម ព្រះភិក្ខុ សឺង យឹងរតនា ស្នើឲ្យអនុរដ្ឋលេខាធិការក្រសួងការបរទេសអាមេរិកលើកយកបញ្ហា រំលោភសិទ្ធិខ្មែរកម្ពុជាក្រោមទៅជជែកនឹងវៀតណាម។
មុនដំណើរទៅវៀតណាម អនុរដ្ឋលេខាធិការក្រសួងការបរទេសអាមេរិកបានជួបនឹងតំណាងសហព័ន្ធខ្មែរកម្ពុជាក្រោម ដើម្បីស្តាប់របាយការណ៍រំលោភសិទ្ធិមនុស្សខ្មែរកម្ពុជាក្រោមនៅលើទឹកដីកំណើត។ បច្ចុប្បន្នវៀតណាមចាប់ព្រះសង្ឃខ្មែរក្រោម ៥អង្គ និងសកម្មជនខ្មែរក្រោម ៨នាក់ ដាក់ពន្ធនាគារ ដោយសារតែពួកគេទាមទារសិទ្ធិស្វ័យសម្រេច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សាលាដំបូងរាជធានីភ្នំពេញ ផ្ដន្ទាទោសមន្ត្រីគណបក្សកម្លាំងជាតិ លោក គា វិសាល ឲ្យជាប់ពន្ធនាគារ ២ឆ្នាំកន្លះ
- ស្តូបមិត្តភាពកម្ពុជាវៀតណាមនៅខេត្តសៀមរាបរងការបំផ្លាញដោយគ្រាប់បែក ក្នុងពេលពលរដ្ឋបារម្ភបាត់បង់ដីទៅវៀតណាម ដោយសារគម្រោង CLV
- សង្គមស៊ីវិលបារម្ភថា កសាងស្តូបមិត្តភាព-កម្ពុជាវៀតណាមជាង ២០ខេត្ត/ក្រុង ជានិមិត្តរូបបំបែកបំបាក់សាមគ្គីខ្មែរ
- ពលរដ្ឋខ្មែរនៅកូរ៉េត្រៀមចេញធ្វើបាតុកម្មទ្រង់ទ្រាយធំប្រឆាំងគម្រោង CLV ជាលើកទី២
- សាលាដំបូងរាជធានីភ្នំពេញបើកការស៊ើបសួរ លោក គុយ វ៉ាត អតីតនាយកប្រតិបត្តិ CIC
