IOM នឹង​បញ្ជូន​ពលករ​ខ្មែរ​២៤​នាក់​មក​កម្ពុជា​វិញ

អង្គការ​ទេសន្តរប្រវេសក៍​អន្តរជាតិ (IOM) គ្រោង​បញ្ជូន​ពលករ​ខ្មែរ​ចំណាក​ស្រុក ២៤​នាក់ ពី​កោះ​ម៉ូរីសទីស (Mauritius) មក​ប្រទេស​កម្ពុជា​វិញ តាម​សំណើ​របស់​ក្រសួង​ការបរទេស​កម្ពុជា។
ដោយ សុខ សេរី
2011.11.04
Share on WhatsApp
Share on WhatsApp

ពលករ​ខ្មែរ​ទាំង ២៤​នាក់ បាន​ចាញ់​បោក​មេខ្យល់​ពី​ប្រទេស​ថៃ នាំ​ឲ្យ​ទៅ​ធ្វើ​ការ​ជា​អ្នក​នេសាទ​នៅ​ឯ​ដែន​សមុទ្រ ប៉ុន្តែ​ទូក​នេសាទ​នោះ​បាន​ចូល​ក្នុង​ដែន​ទឹក​របស់​កោះ​ម៉ូរីសទីស។ អាជ្ញាធរ​នៃ​កោះ​ម៉ូរីសទីស បាន​ចាប់​ឃាត់​នាវា​នេសាទ​ថៃ​នោះ កាល​ពី​ថ្ងៃ​ទី​២៨ ខែ​មិថុនា ឆ្នាំ​២០១១។

មន្ត្រី​អ្នក​នាំ​ពាក្យ​នៃ​ក្រសួង​ការបរទេស​នៃ​រដ្ឋាភិបាល​កម្ពុជា លោក កុយ គួង មាន​ប្រសាសន៍​ប្រាប់​អ្នក​កាសែត​កាល​ពី​ថ្ងៃ​ទី​៣ ខែ​វិច្ឆិកា នេះ​ថា ពលករ​ខ្មែរ​ទាំង​អស់​នោះ​មាន​សុវត្ថិភាព​ល្អ​ទេ៖ «រដ្ឋាភិបាល​ម៉ូរីតានី បាន​ឃាត់​នា​វា​ហ្នឹង​ពី​បទ​ចូល​ដែន​ទឹក​គេ​ខុស​ច្បាប់ ក្នុង​នោះ​មាន​ពលរដ្ឋ​កម្ពុជា រង​គ្រោះ​នៃ​ការ​ចាញ់​បោក​បញ្ឆោត​មេខ្យល់​ហ្នឹង​ធ្វើ​ការ នៅ​ទី​នោះ​លើ​ទូក​នាវា​ហ្នឹង​ចំនួន ២៤​នាក់។ ពេល​ដែល​បាន​ដឹក​ព័ត៌មាន​ភ្លាម​ក្រសួង​ការបរទេស សហ​ប្រតិបត្តិការ​អន្តរជាតិ​កម្ពុជា​យើង បាន​ធ្វើ​ការ​ទាក់ទង​យ៉ាង​ជិតស្និទ្ធ​ជាមួយ​អាជ្ញាធរ​នៃ​បរទេស​ម៉ូរីតានី ដោយ​សហការ​យ៉ាង​ល្អ​ជាមួយ​អង្គការ​អាយអូអឹម (IOM)»

នៅ​ក្នុង​ចំណោម​ពលករ​ខ្មែរ​ទាំង ២៤​នាក់ គឺ​មាន ២២​នាក់​មក​ពី​ខេត្ត​ឧត្តរមានជ័យ និង ២​នាក់​ទៀត​មក​ពី​ខេត្ត​សៀមរាប៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
រឿង​មន្ត្រី​ក្រសួង​កសិកម្ម​ពាក់ព័ន្ធ​ការ​ជួញដូរ​ស្វា​ក្ដាម​ដោយ​ខុស​ច្បាប់ ទូត​កម្ពុជា​ធ្វើ​អន្តរាគមន៍​សុំ​ឱ្យ​នៅ​ក្រៅ​ឃុំ​បណ្ដោះអាសន្ន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Nov 18, 2011 12:08 PM

ពលករកម្ពុជាគិតមិនដល់សោះថា ខ្វះអីការងារនៅស្រុកខ្មែរ​ ហើយប្រាក់ខែក៏មិនចាញ់គេដែរ តើហេតុអីសុខចិត្តទៅធ្វើការឆ្ងាយផ្ទះ។​ នៅស្រុកខ្មែរអីឡូវមានការខ្វះខាតពលករខ្លាំង ដោយសារពលករចេញទៅក្រៅប្រទេសច្រើន​​ពេក។

Anonymous
Dec 17, 2011 09:07 AM

oversea or local work is doesn't matter the most importance is legally work and earn more money. I don't think that people like to far and work if the salary is the same. Talk and do is completely different