សាលាឧទ្ធរណ៍នៅព្រឹកថ្ងៃទី២៨ មករានេះ សម្រេចច្រានចោលបណ្ដឹងសាទុក្ខរបស់អតីតអ្នកយកព័ត៌មានអាស៊ីសេរីលោក អ៊ួន ឈិន និងលោក យាង សុធារិន្ទ ដែលស្នើសុំឱ្យតុលាការជាន់ខ្ពស់មួយនេះ បដិសេធការស៊ើបអង្កេតបន្ថែមរបស់តុលាការក្រុងភ្នំពេញ ទាក់ទងនឹងបទចោទចារកម្មរបស់អ្នកទាំងពីរ។
សវនាការជម្រះក្តីលោក កឹម សុខា ក្នុងសប្តាហ៍ទី២ ថ្ងៃទី២២ ខែមករានេះ តុលាការចែកចេញពីរពេលគឺ ពេលព្រឹក និងពេលរសៀល។ មេធាវីការពារក្តីលោក កឹម សុខា ឲ្យដឹងថា ការបន្ថែមភស្តុតាង ៣៥ចំណុចនេះ ដើម្បីដោះបន្ទុកលោក កឹម សុខា។
សាក្សីនិងជាជនរងគ្រោះ៣នាក់ក្នុងសំណុំរឿងកងរាជអាវុធហត្ថខេត្តបន្ទាយមានជ័យ វាយដំធ្វើទារុណកម្មបណ្ដាលឱ្យពលរដ្ឋម្នាក់ស្លាប់បានចូលបំភ្លឺ តាមការកោះហៅរបស់ប៉ូលិសក្រសួងមហាផ្ទៃ នៅស្នងការដ្ឋាននគរបាលខេត្តបន្ទាយមានជ័យនៅព្រឹកថ្ងៃទី២១ មករា។ មន្ត្រីអង្គការសង្គមស៊ីវិល នៅតែទាមទារឱ្យតុលាការចាប់អ្នកពាក់ព័ន្ធបន្ថែមទៀត ដាក់ទោសតាមច្បាប់។
សាលាដំបូងរាជធានីភ្នំពេញនឹងបន្តសវនាការជម្រះក្តីលោក កឹម សុខា លើកទី២ រយៈពេលពីរថ្ងៃ គឺនៅថ្ងៃទី២២ និងថ្ងៃទី២៣ ខែមករា ហើយនឹងចាក់វីដេអូពេញ នៃការថ្លែងរបស់លោកកឹម សុខា នៅប្រទេសអូស្ត្រាលី កាលពីឆ្នាំ២០១៣ ដែលមានរយៈពេលជាងមួយម៉ោង។
