លោក ហ៊ុន សែន លុប​ចោល​គម្រោង​កែ​រដ្ឋធម្មនុញ្ញ​ទោស​ប្រហារ​ជីវិត​វិញ ​ក្រោយ​រង​​ការ​រិះគន់​ពី​សង្គម​ស៊ីវិល និង​អ្នក​ច្បាប់

ដោយ ទីន ហ្សាការីយ៉ា
2019-03-11
អ៊ីម៉ែល
មតិ
Share
បោះពុម្ព
លោក ​ហ៊ុន ​សែន ​​ក្នុង​ពិធី​ប្រគល់​សញ្ញាប័ត្រ​ដល់​និស្សិត​សាកល​វិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​ នៅ​មជ្ឈមណ្ឌល​កោះ​ពេជ្រ​ រាជធានី​​ភ្នំពេញ​ ព្រឹក​ថ្ងៃ​ចន្ទ​ទី១១ ខែ​មីនា ឆ្នាំ២០១៩។
លោក ​ហ៊ុន ​សែន ​​ក្នុង​ពិធី​ប្រគល់​សញ្ញាប័ត្រ​ដល់​និស្សិត​សាកល​វិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​ នៅ​មជ្ឈមណ្ឌល​កោះ​ពេជ្រ​ រាជធានី​​ភ្នំពេញ​ ព្រឹក​ថ្ងៃ​ចន្ទ​ទី១១ ខែ​មីនា ឆ្នាំ២០១៩។
រូប៖ ហ្វេសប៊ុក Samdech Hun Sen, Cambodian Prime Minister

មេដឹកនាំ​របប​ក្រុងភ្នំពេញ​លោក​ ហ៊ុន​ សែន ​បាន​លុប​ចោល​គម្រោង​កែ​រដ្ឋធម្មនុញ្ញ​ដាក់​ទោស​ប្រហារ​ជីវិត​ទៅ​លើ​អ្នក​ដែល​រំលោភ​សេពសន្ថវៈ​លើ​កុមារ​ក្រោម​ហេតុផល​ដោយសារ​មាន​ការ​ចង្អុល​បង្ហាញ​ពី​អ្នក​វិភាគ​មួយ​ចំនួន។ ប៉ុន្តែ​អ្នកវិភាគ​យល់​ថា បញ្ហា​នេះ​គ្រាន់​តែ​ជា​ការ​បង្កើត​ព្រឹត្តិការ​ថ្មីៗ របស់​លោក ហ៊ុន សែន ក្នុង​ការ​ទាក់ទាញ​ការ​ចាប់​អារម្មណ៍​ពី​ប្រជា​ពលរដ្ឋ ដើម្បី​កាត់​បន្ថយ​កុំ​ឱ្យ​គិត​បញ្ហា​ផ្ដាច់ការ​អនុគ្រោះ​ពន្ធ​អ៊ីប៊ីអេ (EBA) តែ​ប៉ុណ្ណោះ។

មេដឹកនាំ​របស់​ក្រុងភ្នំពេញ​លោក ហ៊ុន​ សែន​ អះអាង​ថា​ មូលហេតុ​ដែល​សម្រេច​លុប​ចោល​គម្រោង​កែ​រដ្ឋធម្មនុញ្ញ​នេះ​ដោយសារ​លោក​ស្ដាប់​អ្នកវិភាគ​ក្នុង​កម្មវិធី​មួយ​របស់​សារព័ត៌មាន​ កាលពី​រសៀល​ថ្ងៃ​ទី១០ មីនា។

លោក ហ៊ុន សែន ​បន្ថែម​ទៀត​ថា​ អ្នក​វិភាគ​ទាំង​នោះ​មាន​លោក​ បណ្ឌិត​ សុខ ទូច លោក អ៊ូ វីៈ និង​លោក​មេធាវី​ សុក សំអឿន ដែល​បាន​ចង្អុល​បង្ហាញ​មាន​ហេតុ​ផល​អាច​ទទួល​យក​បាន​ ព្រោះ​មិន​មាន​និន្នាការ​គណបក្ស​នយោបាយ ​ដែល​លោក​អះអាង​ថា ​ខុស​ពី​អ្នក​វិភាគ​មួយ​ចំនួន​មាន​និន្នាការ​បក្ស​នយោបាយ។ លោក ​ហ៊ុន ​សែន​ បញ្ជាក់​ថា​ វាគ្មិន​ទាំង ៣រូប ​បាន​ជជែកវែក​ញែក​ថា​កម្ពុជា​មិន​អាច​មាន​ទោស​ប្រហារ​ជីវិត​បាន​ទេ​ ព្រោះ​ប្រសិន​បើ​មាន​ការ​កាត់​ក្ដី​ភ័ន្តច្រឡំ​ណា​មួយ​កើត​ឡើង​ទៅ​លើ​ជន​គ្មាន​កំហុស ​គឺ​មិន​អាច​ជួយ​ស្រោចស្រង់​ជីវិត​មនុស្ស​ឱ្យ​រស់​ឡើង​វិញ​បាន​ឡើយ។ ដូច្នេះ​បញ្ហា​ដែល​ល្អ​ គឺ​ត្រូវ​អប់រំ​ប្រជាពលរដ្ឋ​ប្រើប្រាស់​គ្រឿង​ស្រវឹង ​និង​គ្រឿន​ញៀន​ ព្រោះ​គ្រឿង​ញៀន​ជា​កត្តា​ធ្វើ​ឱ្យ​មនុស្ស​ភ្លើតភ្លើន​មិន​អាច​ទប់​អារម្មណ៍​បាន៖ «ព្រោះ​បើ​សិន​មាន​ការ​ប្រហារ​ជីវិត​ភ័ន្តច្រឡំ​ណា​មួយ​កើត​ឡើង​ គឺជា​គ្រោះ​ថ្នាក់​ធំ​ណាស់​ នេះ​ជា​រឿង​ដែល​មិន​ស្រប​មួយ​មិន​ទៅ​នឹង​បរិបទ​ប្រទេស​យើង​ដើរ​មក​ដល់​ដំណាក់​កាល​នេះ​ដែល​ខ្ញុំ​ព្រះករុណា​ខ្ញុំ​យល់​ថា​ ប្រសិន​បើ​មាន​ការ​ថ្លោះធ្លោយ​ណា​មួយ​កើត​ឡើង​នៅ​ក្នុង​ការ​កាត់​ទោស​ប្រហារ​ជីវិត​អ្នក​ដែល​ស្លាប់​ទៅ​នោះ​ ស្រាប់​តែ​សើរើ​រឿង​ក្ដី​ត្រឡប់​មក​វិញ​គ្នា​អត់​មាន​ទោស​អី​សោះ​ ឯ​ជា​មនុស្ស​ស្លាប់​បាត់​ហើយ​ អីចឹង​នេះ​ជា​រឿង​មួយ​អាណោចអាធ័ម​លើស​អ្វី​ដែល​យើង​គិត​ដល់»

លោក ​ហ៊ុន ​សែន ​ថ្លែង​បែប​នេះ​នៅ​ក្នុង​ពិធី​ប្រគល់​សញ្ញាប័ត្រ​ដល់​និស្សិត​សាកល​វិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​នៅ​មជ្ឈមណ្ឌល​កោះ​ពេជ្រ​ រាជធានី​ភ្នំពេញ​ នៅ​ព្រឹក​ថ្ងៃ​ចន្ទ​ទី១១ មីនា។

ប្រធាន​គ្រប់គ្រង​ការិយាល័យ​ឃ្លាំមើល​សិទ្ធិមនុស្ស​នៃ​អង្គការ ​លីកាដូ (Licadho) លោក ​អំ​ សំអាត​ លើក​ឡើង​ថា​ ការ​ផ្លាស់​ប្ដូរ​ចិត្ត​នេះ​ភ្លាមៗ របស់​លោក ​ហ៊ុន​ សែន​ នេះ​ មិន​មែន​មក​ពី​លោក​ខ្លាច​ការ​រិះគន់​នោះ​ទេ ​គឺ​ទំនង​ដោយសារ​រដ្ឋាភិបាល​ព្រួយបារម្ភ​សម្ពាធ​ពី​សហគមន៍​អឺរ៉ុប​កាត់​ផ្ដាច់​ការ​អនុគ្រោះ​ពន្ធ​អ៊ីប៊ីអេ (EBA) ច្រើន​ជាង។ ដូច្នេះ​ហើយ បាន​ជា​លោក​សម្រេច​មិន​បង្កើត​ច្បាប់​នេះ​ឡើង ព្រោះ​បង្កើត​ច្បាប់​នេះ​មិន​ចំណេញ​ ហើយ​រឹងតែ​ធ្វើ​ឱ្យ​សហគមន៍​អន្តរជាតិ​ដាក់​សម្ពាធ​បន្ថែម​ទៀត​ទៅវិញ​ទេ៖ «យើង​ឃើញ​ហើយ​ដំណើរ អីប៊ីអេ (EBA) នៅ​សហគមន៍​អឺរ៉ុប​កំពុង​តែ​ដំណើរ​ការ​ទៅ​មុខ​ ហើយ​សហគមន៍​អឺរ៉ុប​ក៏​គេ​លើក​ឡើង​អំពី​ឲ្យ​កម្ពុជា​ស្ដារ​ឡើង​វិញ​អំពី​ប្រជាធិបតេយ្យ​ និង​ការ​គោរព​សិទ្ធិមនុស្ស។ អីចឹង​ការ​គោរព​សិទ្ធិមនុស្ស​វា​មាន​ពាក់ព័ន្ធ​បញ្ហា​ទាំង​អស់​នេះ​ផង​ដែរ ហើយ​យើង​ឃើញ​ហើយ​សមាជិក​សភា​អាមេរិក​ក៏​ត្រៀម​​ទាក់ទង​នឹង​ជីអេសភី​ (GSP) នឹង​ទៀត។ បញ្ហា​ទាំង​នេះ​ហើយ​ដែល​ធ្វើ​ឲ្យ​កម្ពុជា​ត្រូវ​តែ​គិតគូរ​ឲ្យ​បាន​ដិតដល់​​មុន​នឹង​សម្រេច​កែប្រែ​រដ្ឋធម្មនុញ្ញ»

លោក អំ សំអាត បន្ត​ថា ក្រោយ​កិច្ច​ព្រមព្រៀង​ទីក្រុង​ប៉ារីស ​គឺ​កម្ពុជា​សម្រេច​មិន​ឱ្យ​មាន​ទោស​ប្រហារ​ជីវិត​ក្នុង​រដ្ឋធម្មនុញ្ញ​នោះ​ទេ។ ប៉ុន្តែ កម្ពុជា​មាន​ច្បាប់​ដាក់​ទោស​អស់​មួយ​ជីវិត។ លោក​បន្ត​ថា រដ្ឋធម្មនុញ្ញ​ គឺ​ជា​ច្បាប់​កំពូល​របស់​ជាតិ​មិន​អាច​ចេះ​តែ​ធ្វើ​វិសោធនកម្ម​តាម​អំពើ​ចិត្ត​ឡើយ។ មន្ត្រី​អង្គការ​សង្គម​ស៊ីវិល​រូប​នេះ​បន្ត​ថា មូលហេតុ​ដែល​បណ្ដាល​ឱ្យ​មាន​បទ​ល្មើស​ចាប់​រំលោភ​លើ​កុមារី​នេះ គឺ​មិនមែន​ដោយសារ​ខ្វះ​ច្បាប់​កាត់​ទោស​ប្រហារ​ជីវិត​នោះ​ទេ។ ប៉ុន្តែ​បណ្ដាល​មក​ពី​ការ​អនុវត្ត​ច្បាប់ ដែល​​មាន​ស្រាប់​នៅ​ធូរ​រលុង និង​ទម្លាប់​បញ្ចប់​សំណុំរឿង​ក្រៅ​ប្រព័ន្ធ​តុលាការ ​ដោយសារ​អំពើ​ពុក​រលួយ​ការ​បន្ថយ​ទោស​ពី​ធ្ងន់​មក​ស្រាល​ និង​មាន​ទម្លាប់​បណ្ដោយ​ឱ្យ​ជន​ល្មើស​រួច​ខ្លួន​ជា​ដើម។លើស​ពី​នេះ​បញ្ហា​គ្រឿងញៀន​ គ្រឿង​ស្រវឹង​ និង​វីដេអូ​ អាសអាភាស​ក៏​កំពុង​រីក​រាលដាល​គ្រប់​ច្រក​ល្ហក​ផង​ដែរ ខណៈ​យន្តការ​ទប់​ស្កាត់​ និង​ការ​ផ្សព្វផ្សាយ​អប់រំ​នូវ​មាន​កម្រិត​ទាប​នៅ​ឡើយ

ចំណែក​អ្នក​វិភាគ​វ័យ​ក្មេង លោក បង ដែត ចាត់​ទុក​ រឿង​នេះ​ថា ជា​យុទ្ធសាស្ត្រ​​​ថ្មី​មួយ​​ទៀត​របស់​លោក ហ៊ុន សែន​​ ក្នុង​ការ​បន្លំ​ពលរដ្ឋ​មិន​ឲ្យ​ចាប់អារម្មណ៍​រឿង​ការ​ផ្ដាច់​អនុគ្រោះ​ពន្ធ​ EBA។ លោក​បន្ត​ថា ប្រសិន​បើ​ការ​កែ​ប្រែ​រដ្ឋធម្មនុញ្ញ​ទោស​ប្រហារ​ជីវិត​​បាន​ចំណេញ​ដល់​គណបក្ស​​ ប្រជាជន​កម្ពុជា​​ គឺ​លោក​ ហ៊ុន សែន នឹង​ធ្វើ​ការ​កែប្រែ​បាត់​ទៅ​ហើយ​ មិន​មែន​ដោយសារ​ការ​​ចង្អុល​បង្ហាញ​នោះ​ទេ ព្រោះ​កន្លង​មក​ មាន​រឿង​ច្រើន​ណាស់ ដែល​លោក ហ៊ុន សែន មិន​ដែល​ស្ដាប់​យោបល់​គេ ឬ​ពិគ្រោះ​យោបល់​ជាមួយ​អ្នក​មាន​ចេតនា​ល្អ​នោះ ឧទាហរណ៍ ការ​បង្កើត​ច្បាប់​រំលាយ​គណបក្ស​ប្រឆាំង ដែល​រង​ការ​រិះគន់​ពី​ប្រជាពលរដ្ឋ​ អង្គការ​សង្គម​ស៊ីវិល ​និង​សហគមន៍​អន្តរជាតិ​ ក៏​លោក ហ៊ុន សែន អាច​ធ្វើ​ទៅ​រួច​ដែរ​ ចុះ​ទម្រាំ​រឿង​កែ​ច្បាប់​ផ្សេងៗ ទៀត រឿង​អី ដែល​លោក ហ៊ុន សែន ធ្វើ​មិន​បាន​នោះ​ទេ«បើ​សិន​ជា​ការ​បង្កើត​ច្បាប់​នេះ​ទៅ​វា​បម្រើ​ដល់​ប្រយោជន៍​គណបក្ស​ ប្រជាជន​ រឿង​នេះ​បាន​គាត់​គួរ​តែ​គិត។ ដូច្នេះ​មួយ​ណា​ដែល​មាន​ប្រយោជន៍​ឲ្យ​ដល់​គាត់ គឺ​គាត់​ធ្វើ​ដោយ​មិន​ចាំ​បាច់​ពិគ្រោះ​យោបល់​ទេ។ រឿង​ណា​ដែល​ប៉ះពាល់​ប្រយោជន៍​គាត់​ គាត់​យក​មក​គិត​យក​មក​ធ្វើ​ហើយ​ធ្វើ​មិន​ចេញ​គឺ​គាត់​អត់​ធ្វើ​តែ​ម្ដង។ តែ​បើ​សិន​រឿង​ណា​មួយ​ដែល​អាច​លែង​សារ​នយោបាយ​បាន​ ដែល​ចំណេញ​ដល់​គណបក្ស​កាន់​អំណាច ​ឬ​បង្កើត​ព្រឹត្តិការ​ថ្មី​ ដែល​បន្លំ​ស្ថានការណ៍​ដ៏​អាក្រក់​ដែល​កំពុង​ជួប​នេះ​ គឺ គាត់​យក​មក​ប្រើ​ហើយ»

អ្នក​វិភាគ​រូប​នេះ​ក៏​ទទូច​ឲ្យ​លោក ហ៊ុន សែន មុន​នឹង​និយាយ​នៅ​ទី​សាធារណៈ​ក៏​គិត​គូរ​ដល់​ពាក្យ​សំដី​របស់​ខ្លួន​ឲ្យ​បាន​ល្អិតល្អន់​ជា​មុន ដោយ​ត្រូវ​សិក្សា​ស្វែង​យល់​អំពី​ច្បាប់​ទម្លាប់​ឲ្យ​បាន​ច្បាស់លាស់​ជា​មុន​សិន មិន​ត្រូវ​ចេះ​តែ​និយាយ​ឲ្យ​តែ​រួច​ខ្លួន​ដូច​សព្វ​ថ្ងៃ​នេះ​ទេ ព្រោះ​ការ​លើក​ឡើង​របស់​លោក​ធ្វើ​ឲ្យ​ពលរដ្ឋ និង​សាធារណៈ​ជន​មាន​ការ​ភ្ញាក់​ផ្អើល និង​មាន​ឥទ្ធិពល​អាក្រក់​នៅ​ក្នុង​សង្គម។

គំនិតផ្ដើម​ចង់​ឲ្យ​មាន​ទោស​ប្រហារ​ជីវិត៖

ការ​បង្ហាញ​បំណង​បង្កើត​ច្បាប់​កាត់​ទោស​ប្រហារជីវិត​អ្នក​រំលោភ​សេពសន្ថវៈ​លើ​កុមារី​នេះ គឺ​ធ្វើឡើង​ពេល​ដែល​លោក ហ៊ុន សែន និង​ភរិយា​ចុះ​ទៅ​សួរ​សុខទុក្ខ​កុមារី និង​យុវតី​នៅ​ក្នុង​អង្គការ អាហ្វេស៊ីប ​(AFESIP) នៅ​ថ្ងៃ​ទី១០ ខែ​មីនា ក្រោយ​ពេល​ស្ដាប់​កុមារី​រងគ្រោះ​រៀបរាប់​ពី​អតីតកាល​ដ៏​ឈឺ​ចាប់​របស់​ពួកគេ​នោះ។​ លោក​ ហ៊ុន​ សែន​ ​បាន​ជជែក​ជាមួយ​ភរិយា​និង​ភរិយា​របស់​លោក ​រួចថា ​លោក​​មាន​គំនិត​ចង់​ផ្ដួចផ្ដើម​ឱ្យ​ធ្វើ​វិសោធនកម្ម​រដ្ឋធម្មនុញ្ញ​ ដើម្បី​បើក​ឱ្យ​មាន​ទោស​ប្រហារ​ជីវិត ​ចំពោះ​ជន ដែល​មាន​សន្តាន​ជា​សត្វតិរច្ឆាន​ទៅ​ប្រព្រឹត្ត​អំពើ​រំលោភ​បំពាន​លើ​រូប​រាងកាយ​របស់​កុមារ។ ប៉ុន្តែ​លោក​ ហ៊ុន​ សែន​ បញ្ជាក់​ថា​ ការ​កែ​រដ្ឋធម្មនុញ្ញ​លើក​នេះ លោក​មិន​ប្រើអំណាច​ខ្លួនឯង​នោះ​ទេ គឺ​ត្រូវ​ធ្វើឡើង​តាម​ប្រជាមតិ​របស់​ប្រជាពលរដ្ឋ​ទូទាំង​ប្រទេស៖ «ជីតា​រំលោភ​ចៅ​ឪពុក​រំលោភ​កូន​ ឪពុកមា​រំលោភ​ក្មួយ​ បង​រំលោភ​ប្អូន​អា​ហ្នឹង​ គឺ​ជា​នៅ​ក្នុង​ការ​គិត​របស់​តា។ បើ​សិន​ជា​ករណី​នេះ​វា​រីក​រាលដាល​ការ​ធ្វើ​វិសោធនកម្ម​រដ្ឋធម្មនុញ្ញ​ ដែល​ឈាន​ទៅ​ដល់​ការ​ឱ្យ​មាន​ទោស​ប្រហារ​ជីវិត​ឡើង​វិញ អាច​​នឹង​​ត្រូវ​​ធ្វើ ​ប៉ុន្តែ​ត្រូវ​ឆ្លង​កាត់​ប្រជាមតិ​ ព្រោះ​តា​ចង់​បង្ក្រាប​នូវ​ធាតុ​តិរច្ឆាន​មួយ ដែល​កើត​នៅ​ក្នុង​សង្គម​ខ្មែរ​យើង»

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

DOG-EAT-DOG=fascist communist=dictatorship

CULTURE BARBARISM OF DOD-EAT-DOG....DOG-EAT-DOG ARE SO POPULAR IN FASCIST DICTATOR HUN SEN'S GOVM'T....

Mar 12, 2019 12:25 PM

badass comrade Hun Sen fears dead himself and now he pull out that capital punishment...most dictators scare to die...and most of them are chicken men

Oh yeah that's very good for comrade Hun Sen with his badass cronies should start to execute first before anybody else"hang him up,firing squads,or electric execution"which one master criminal boss Hun Sen gonna takes it?huuuhaaaaa...he doesn't has something to do now he try to create a new death row policy to execution him and his badass criminal by firing squads or hang them up,or electric chair....try it Mr.dictator Hun Sen and show to the world that u are the ones to die by those 3 above.

Mar 12, 2019 12:11 PM

All khmer military have to standup right now....do something for your pple and country

Be red alert...all to the Cambodian pple please be careful in this 2019 is the worse year yet to coming and u all have to be awareness of tmil Hun Sen's ruthless behavior against the EBA and world economic sanctions coming,and the most hurting are going to CCP's rogue govm't with its military dictatorship+foreign investors stop do a business with HunSen's fascist govm't,this horrible man who is making more Cambodians suffering after the killing fields era,and this bad guy try to test the Cambodian young next generations how to live under world economic pressure sanctions against this far-left radicalism.And who's thell gonna survive? and who's the hell gonna go to hell?Be smart the killing fields lesson already though u that is ENOUGH AND ENOUGH no more a lesson two brothers and sisters...if u all smart enough than can make u survive...if not smart enough would be go to hell,so u all have something to do before it too late.

Mar 11, 2019 05:19 PM

8 head redevil Hun Sen fear his own karma will hounting him in every minute

Why criminal Boss Hun Sen quick to canceled the dead row sentences policy?,it's very good to have this criminal policy for the bad guy like him and his cronies who committed ton of crimes in the past and recent day.Master criminal minds HunSen should be volunteer first before anyone else after his cronies"hang him up or firing squads".Comrade HunSen is the first ones in this case and a horrible man who'd committed atrocities on Khmer pple,and a first bad man who try to creates a new law for execution who prey on young girls like him should be"RAPIST FIRING SQUAD OR HANG HIM UP".if,he is a real man"not a chicken man"please let it happens now,because the whole entirely country want to see u are first ones to hangup or firing squad at dislocation.Why right now u have been changed your mind quickly Mr. Crook or are u so scare to dead...maybe your time will tell u next....

Mar 11, 2019 03:31 PM

គេហទំព័រ​ទាំងមូល