ប្រធានប៉ូលិសព្រហ្មទណ្ឌនៅខេត្តសៀមរាប លោក អ៊ូ ឯម បានត្រូវទីភ្នាក់ងារព័ត៌មាន អា.អេហ្វ.ប៉េ. ដកស្រង់ប្រសាសន៍ឲ្យដឹងថា ងូវ សូផាន អាយុ២៩ឆ្នាំ ដែលបានត្រូវតុលាការខេត្តសៀមរាប ចោទប្រកាន់ពីបទប្រើអាវុធខុសច្បាប់និងបាញ់សម្លាប់លោក Thierry Lemaire កាលពីឆ្នាំ២០០៣នោះ បានត្រូវបញ្ជូនយកទៅដាក់គុកក្នុងពន្ធនាគារខេត្តសៀមរាបហើយ ហើយគេនៅមិនទាន់ដឹងថាតើពេលណាតុលាការនឹងបើកដំណើរការកាត់ទោស។
ប្រភពដដែលបន្តថា អាជ្ញាធរប៉ូលិសមានជំនឿថា ងូវ សូផាន សម្លាប់លោក Lemaire គឺដោយសារការប្រចណ្ឌ ពីព្រោះជនរងគ្រោះមានការជាប់ពាក់ព័ន្ធស្នេហាជាមួយភរិយាដើមរបស់ ងូវ សូផាន៕