គណបក្សចំនួន៦ចុះឈ្មោះចូលរួមបោះឆ្នោត
2013.05.12
អគ្គលេខាធិការគណៈកម្មាធិការជាតិរៀបចំការបោះឆ្នោត (គ.ជ.ប) លោក ទេព នីថា ធ្វើសន្និសីទកាសែត នាទីស្ដីការ គ.ជ.ប កាលពីថ្ងៃទី១១ ខែកញ្ញា ឆ្នាំ២០១២។
ក្នុងចំណោមគណបក្សនយោបាយទាំង ៦ នោះ រួមមានគណបក្សចំនួន ៥ ត្រូវបានគណៈកម្មាធិការជាតិរៀបចំការបោះឆ្នោត (គ.ជ.ប) ទទួលស្គាល់ជាផ្លូវការ រួមមានគណបក្សប្រជាជនកម្ពុជា គណបក្សសញ្ជាតិកម្ពុជា គណបក្សហ៊្វុនស៊ិនប៉ិច គណបក្សសម្ព័ន្ធដើម្បីប្រជាធិបតេយ្យ និងគណបក្សសាធារណរដ្ឋប្រជាធិបតេយ្យ។
អគ្គលេខាធិការ គ.ជ.ប លោក ទេព នីថា ឲ្យដឹងថា គណបក្សសាធារណរដ្ឋប្រជាធិបតេយ្យ ត្រូវ គ.ជ.ប ទទួលស្គាល់ជាផ្លូវការលើពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះនៅ ២២មណ្ឌល រាជធានី ខេត្ត។ រីឯ ២មណ្ឌលទៀត នៅខេត្តកំពង់ចាម និងខេត្តកែប ត្រូវបានបដិសេធបញ្ជីបេក្ខជនឈរឈ្មោះបោះឆ្នោត ដោយសារតែពុំបានបំពេញគ្រប់លក្ខខណ្ឌនៅមណ្ឌលបោះឆ្នោតនៃខេត្តទាំងពីរនោះ។
លោកបន្តថា រីឯគណបក្សសង្គ្រោះជាតិ គ.ជ.ប និងពិនិត្យមើលនៅថ្ងៃច័ន្ទ ទី១៣ ខែឧសភា៖ «ចុះឈ្មោះបោះឆ្នោតវាទាក់ទងនឹងស្ថានភាពសង្គមសេដ្ឋកិច្ច និងនយោបាយផ្ទាល់ ការប្រកួតប្រជែងកន្លងមកយើងឃើញចំនួនគណបក្ស នឹងធ្លាក់ចុះជាលំដាប់។ ទោះយ៉ាងណា ក៏យើងឃើញចំនួនសមគួរមួយដែលយើងឃើញថា ប្រជាជនអ្នកបោះឆ្នោតនឹងមានជម្រើសដែរបាទ!»។
ការបោះឆ្នោតជ្រើសរើសតំណាងរាស្ត្រអាណត្តិទី១ នៅឆ្នាំ១៩៩៣ រៀបចំដោយអ៊ុនតាក់ (UNTAC) មានគណបក្សនយោបាយចំនួន ២០ បានចុះបញ្ជីឈរឈ្មោះបោះឆ្នោត។ ក្នុងអាណត្តិទី២ ក្នុងឆ្នាំ១៩៩៨ មានគណបក្សនយោបាយឈរឈ្មោះបោះឆ្នោតចំនួន ៣៩គណបក្ស។ អាណត្តិទី៣ ឆ្នាំ២០០៣ មានគណបក្សចំនួន ២៣ ឈរឈ្មោះបោះឆ្នោត។ អាណត្តិទី៤ ឆ្នាំ២០០៨ មានគណបក្សចំនួន ១១ បានឈរឈ្មោះបោះឆ្នោត។ សម្រាប់ការបោះឆ្នោតជ្រើសរើសតំណាងរាស្រ្តអាណត្តិទី៥ ឆ្នាំ២០១៣ នេះ គ.ជ.ប គិតថា មានគណបក្សនយោបាយមិនដល់ ១០ ទេ ដែលនឹងត្រូវចុះឈ្មោះបោះឆ្នោត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សមត្ថកិច្ចចាប់ខ្លួនជំនួយការផ្ទាល់របស់លោក ហ៊ុន សែន គឺលោក ដួង តារា ស្ងាត់ៗ
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- អ្នកឃ្លាំមើល ស្នើអាជ្ញាធរឱ្យបង្ហាញការស៊ើបអង្កេតលើទីប្រឹក្សាលោក ហ៊ុន សែន ពាក់ព័ន្ធករណីទទួលលុយរត់ការឡើងតំណែង
- ក្រុមឆបោកតាមអនឡាញនៅខេត្តជាប់ព្រំដែនថៃ និងវៀតណាម «រីករាលដាលខ្លាំង»
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
អត្ថបទពេញនិយម
នយោបាយ
- សមាជិកសភាម៉ាឡេស៊ីជំរុញឱ្យមានសវនាការពិសេស ពាក់ព័ន្ធការនិរទេសពលករខ្មែរពីម៉ាឡេស៊ីទៅកម្ពុជាទាំងបង្ខំ
- ការបន្តតែងតាំងកូនៗរបស់មន្ត្រីជាន់ខ្ពស់ក្នុងស្ថាប័នរដ្ឋ «ជានយោបាយសន្តតិវង្ស និងការបែងចែកវណ្ណៈ»
- ពលករខ្មែរនៅកូរ៉េខាងត្បូងធ្វើបាតុកម្មភ្លើងទៀនទាមទារឱ្យរដ្ឋាភិបាលកម្ពុជាស្តារប្រជាធិបតេយ្យ
- ពលរដ្ឋខ្មែរអាមេរិកាំងបន្តតវ៉ាទាមទារឱ្យរដ្ឋាភិបាលដកខ្លួនពីគម្រោងអភិវឌ្ឍCLV
- នាយករដ្ឋមន្ត្រីថៃ ជំរុញកម្ពុជាឱ្យឆាប់ដោះស្រាយបញ្ហាឧក្រិដ្ឋកម្មឆបោក និងការជួញដូរគ្រឿងញៀនឆ្លងដែន