លោកនាយករដ្ឋមន្ត្រី ហ៊ុន សែន ប្រកាសបញ្ចុះតម្លៃសេវាបំពេញបែបបទប្រឡងចូលបម្រើការងារក្នុងក្របខ័ណ្ឌពេទ្យ ពី ៥០ម៉ឺនរៀល មកនៅត្រឹម ១០ម៉ឺនរៀល ហើយមិនចាំបាច់ឲ្យមានបេក្ខជនបម្រុង។
លោក ហ៊ុន សែន បញ្ជាក់ថា ការបន្ថយប្រាក់ប្រឡងនេះ ដើម្បីជួយកាត់ចំណាយរបស់បេក្ខជន៖ «អ៊ីចឹងថ្ងៃក្រោយយើងកំណត់កៅអីតែម្ដងទៅ ផ្នែកណាយកប៉ុណ្ណា ផ្នែកណាយកប៉ុណ្ណា (ដូច) ប្រឡងបាក់ឌុប អ៊ីចឹងទៅ»។
លោកប្រាប់ទៅរដ្ឋមន្ត្រីក្រសួងអប់រំ និងរដ្ឋមន្ត្រីក្រសួងសុខាភិបាល មិនចាំបាច់កុំធ្វើឲ្យស៊ាំញ៉ាំ។ លោក ហ៊ុន សែន ថា បានដឹងរឿងនេះ ដោយទទួលបានសារតាមហ្វេសប៊ុក របស់សិស្សរៀនពេទ្យ។លោកនាយករដ្ឋមន្ត្រីថ្លែងដូច្នេះ នៅក្នុងពិធីចែកសញ្ញាប័ត្រដល់និស្សិតសកលវិទ្យាល័យជាតិគ្រប់គ្រង នៅថ្ងៃទី៥ កុម្ភៈ នាមជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញ។
លោក ហ៊ុន សែន ថ្លែងថា ចំពោះអ្នកដែលបានជាប់ជាបេក្ខជនបម្រុងក្នុងឆ្នាំនេះ ត្រូវជាប់ចូលបម្រើការងារដោយស្វ័យប្រវត្តិ ហើយចាប់ពីឆ្នាំក្រោយទៅ នឹងលែងឲ្យមានបេក្ខជនបម្រុងទៀតហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។