សហព័ន្ធនិស្សិតបញ្ញវន្ត និងព្រះសង្ឃខ្មែរក្រោមរាប់ពាន់នាក់ កាលពីព្រឹកថ្ងៃទី២១ កក្កដា បានដើរដាក់ញត្តិនៅស្ថានទូតបារាំង ស្ថានទូតចក្រភពអង់គ្លេស ស្ថានទូតសហរដ្ឋអាមេរិក ស្ថានទូតសហភាពអឺរ៉ុប ហើយបន្តឆ្ពោះទៅស្ថានទូតរុស្ស៊ី ស្ថានទូតចិន និងបន្តទៅកាន់ស្ថានទូតវៀតណាមទៀត។
ក៏ប៉ុន្តែស្ថានភាពស្ថានទូតរៀតណាម ត្រូវបានអាជ្ញាធរខ្មែរដាក់របងដែកបិទផ្លូវ និងដាក់ពង្រាយកងកម្លាំងប៉ូលិសបង្ក្រាបបាតុកម្ម ដើម្បីការពារមិនឲ្យសហព័ន្ធនិស្សិតបញ្ញវន្ត និងព្រះសង្ឃខ្មែរក្រោមចូលទៅតវ៉ានៅមុខស្ថានទូត។
សហព័ន្ធនិស្សិតបញ្ញវន្ត និងព្រះសង្ឃខ្មែរក្រោម ទាមទារឲ្យវៀតណាម ទទួលស្គាល់ការពិតប្រវត្តិសាស្ត្រទឹកដីកម្ពុជាក្រោម និងសុំទោសប្រជាពលរដ្ឋខ្មែរជាសាធារណៈ ចំពោះការលើកឡើងដោយបំពានដែលថា ទឹកដីកម្ពុជាក្រោម ជារបស់វៀតណាម តាំងពីយូរមកហើយ ហើយបារាំងមិនបានកាត់ទឹកដីនេះទៅឲ្យវៀតណាមទេ។
សូមស្ដាប់សេចក្តីរាយការណ៍ផ្ទាល់ពិស្ដារ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។