"ការ​ចុច Likes ទំព័រ​ហ្វេសប៊ុក​លោក ហ៊ុន សែន បាន​ពី​ក្រៅ​ប្រទេស​ច្រើន​ជាង​ក្នុង​ស្រុក"

ដោយ មួង ណារ៉េត
2017-03-30
អ៊ីម៉ែល
មតិ
Share
បោះពុម្ព
ទំព័រ​ហ្វេសប៊ុក (Facebook) របស់​លោក​នាយករដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី​៣០ មីនា ឆ្នាំ​២០១៧។ Screenshot
ទំព័រ​ហ្វេសប៊ុក (Facebook) របស់​លោក​នាយករដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី​៣០ មីនា ឆ្នាំ​២០១៧។ Screenshot
Screenshot

គិត​មក​ត្រឹម​ថ្ងៃ​ទី​២៩ ខែ​មីនា នេះ ទំព័រ​ហ្វេសប៊ុក (Facebook) លោក ហ៊ុន សែន កើន​ចំនួន “Likes”  រហូត​ដល់​ជិត ៧,៣លាន (៧.២៦២.០៩៧)។ ក្នុង​ចំណោម​នេះ ចំនួន Likes តិច​ជាង​ពាក់​កណ្ដាល ឬ​ស្មើ​នឹង​ជាង ៣,៦​លាន (៣.៦២៤.២៣១) ឬ​ស្មើ​នឹង ៤៩,៩% បាន​មក​ពី​ក្នុង​ប្រទេស​កម្ពុជា។ ចំនួន​ជាង​ពាក់​កណ្ដាល​ទៀត​នៃ​អ្នក​ចុច likes ឬ​ស្មើ​នឹង​ជិត ៣,៧​លាន (៣.៦៣៧.៨៦៦) ឬ​ស្មើ​នឹង ៥០,១% គឺ​បាន​មក​ពី​ក្រៅ​ប្រទេស​ដូចជា​ប្រទេស​ឥណ្ឌា (India) ហ្វីលីពីន (Philippines) ឥណ្ឌូនេស៊ី (Indonesia) មីយ៉ាន់ម៉ា (Myanmar) ប៉ាគីស្ថាន (Pakistan) អាហ្វហ្គានីស្ថាន (Afghanistan) បង់ក្លាដេស (Bangladesh) អ៊ីរ៉ាក់ (Iraq) និង​នីហ្សេរីយ៉ា (Nigeria) ជាដើម។

ប្រទេស​ឥណ្ឌា (India) ដែល​ស្ទើរ​តែ​គ្មាន​ខ្មែរ​រស់​នៅ​សោះ មាន​អ្នក​ចុច likes ទំព័រ​ហ្វេសប៊ុក លោក ហ៊ុន សែន ជិត ១​លាន​នាក់ (៨៤៩.៥៨០) ហ្វីលីពីន (Philippines) ជិត ៨​សែន (៧៦៨.៨៨៨) ឥណ្ឌូនេស៊ី (Indonesia) ជាង ៤​សែន (៤០៤.៤១៩) មីយ៉ាន់ម៉ា ជិត ២,៥​សែន (២៤៣.៦២៤) ដែល​ប្រទេស​ទាំង​នេះ ល្បី​ខាង​មាន​មនុស្ស​ស៊ី​ឈ្នួល​ចាំ​អង្គុយ​ចុច likes ឲ្យ​ម្ចាស់​ហ្វេសប៊ុក ដែល​ត្រូវ​ការ​ចំនួន likes តាម​រយៈ​ការ​ទិញ​ជា​ជាង​ការ​ចុច likes តាម​ការ​ចូល​ចិត្ត​ពិត​ប្រាកដ។ មុខ​របរ​ស៊ី​ឈ្នួល​អង្គុយ​ចុច likes ឬ​ឈ្មោះ​ថា “click farms” នេះ​ជា​របរ​នៅ​ប្រទេស ដែល​ប្រជាជន​មាន​ប្រាក់​ចំណូល​ទាប។ ជា​ទូទៅ​គេ​អាច​ទិញ likes បាន ១​ពាន់ likes ដោយ​ចំណាយ​ប្រាក់​ត្រឹមតែ ១​ដុល្លារ​ប៉ុណ្ណោះ។

ពាក់ព័ន្ធ​នឹង​ការ​កើន​ឡើង​ចំនួន likes លើ​ទំព័រ​ហ្វេសប៊ុក របស់​លោក  ហ៊ុន សែន រហូត​ដល់​ជិត ៧,៣​លាន​នេះ លោក សម រង្ស៊ី កាល​ពី​ថ្ងៃ​អង្គារ ទី​២៨ ខែ​មីនា ត្រូវ​បាន​កាសែត ឌឹ ខេមបូឌា ដេលី (The Cambodia Daily) ដក​ស្រង់​សម្ដី​តាម​រយៈ​សារ​អេឡិចត្រូនិក (E-mail) ថា “ឥឡូវ​នេះ​បង្ហាញ​ឲ្យ​ឃើញ​កាន់​តែ​ច្បាស់​ជាង​មុន​ហើយ ថា​ការ​កើន​ឡើង​ប្រជាប្រិយ​នេះ គឺ​បាន​មក​ពី​ការ​ទិញ។ ការ​ធ្វើ​បែប​នេះ​គឺ​ដូច​ក្មេង​បៀម​ដៃ និង​គួរ​ឲ្យ​អស់​សំណើច​ខ្លាំង​ណាស់”។

លោក សម រង្ស៊ី ត្រូវ​បាន​តុលាការ​កម្ពុជា ផ្ដន្ទាទោស​ដោយ​កំបាំងមុខ កាល​ពី​ថ្ងៃ​ទី​៨ ខែ​វិច្ឆិកា ឆ្នាំ​២០១៦ លើ​ករណី​បរិហារកេរ្តិ៍​លោក​នាយករដ្ឋមន្ត្រី ហ៊ុន សែន ជា​សាធារណៈ​លើ​ហ្វេសប៊ុក (Facebook) ដែល​លោក​បាន​សរសេរ​កាល​ពី​ថ្ងៃ​ទី​៩ ខែ​មីនា ឆ្នាំ​២០១៦ ថា “ថ្ងៃ​នេះ​មាន​ធ្លាយ​ព័ត៌មាន​មួយ​តាម​រយៈ​កាសែត​ភ្នំពេញ ប៉ុស្តិ៍ ពី​មតិ​ចូល​ចិត្ត ឬ likes ក្លែងក្លាយ​នៅ​លើ​ទំព័រ​ហ្វេសប៊ុក របស់​លោក ហ៊ុន សែន។ លោក​ថា ចំនួន likes មួយ​ចំនួន​ធំ​លើ​ហ្វេសប៊ុក លោក ហ៊ុន សែន គឺ​បាន​មក​ពី​ការ​ទិញ ឬ​ជួល​មនុស្ស​ក្រីក្រ ដែល​អត់​ការងារ​ធ្វើ ឲ្យ​បង្កើត​គណនី​ក្លែងក្លាយ ដែល​ផ្ដល់​មតិ like ឬ​ចូលចិត្ត​ឲ្យ​លោក ហ៊ុន សែន។ លោក សម រង្ស៊ី សរសេរ​បន្ត​ថា អ្នក​គេ​ជួល​ធ្វើ​បែប​នេះ ច្រើន​ជាង​គេ​​នៅ​ប្រទេស​ឥណ្ឌា និង​ប្រទេស​ហ្វីលីពីន។

លោក សម រង្ស៊ី កាល​ណោះ​ចាត់​ទុក​សាលក្រម​តុលាការ​ថា ជា​ការ​បិទបាំង ការ​បោក​បញ្ឆោត​ប្រជាពលរដ្ឋ និង​ដាក់​ទោសទណ្ឌ​លោក ដោយសារ​លោក​ហ៊ាន​លាតត្រដាង​ការពិត។

កាល​ពី​ចុង​ឆ្នាំ​២០១៦ មាន​ការ​បែក​ធ្លាយ​សារ​ទំនាក់ទំនង​រវាង​ចៅ និង​តា តាម​បណ្ដាញ​ហ្វេសប៊ុក​ដែល​គេ​សង្ស័យ​ថា ជា​ការ​សន្ទនា​គ្នា​រវាង​កញ្ញា ធី សុវណ្ណថា និង​លោក​នាយករដ្ឋមន្ត្រី ហ៊ុន សែន។ សារ​ពី​ចៅ​បាន​សរសេរ​ថា “Facebook របស់​តា ជា​មធ្យម​បាន likes ជិត ៣.០០០ likes ចំនួន​នេះ​មិន​អាច​លើ សម រង្ស៊ី ទេ។ ចៅ​អាច​ធ្វើ​ឲ្យ Facebook page របស់​តា បាន ១​ម៉ឺន likes ក្នុង​មួយ​ថ្ងៃ។ ចៅ​នឹង​ជួប​ជំនួយការ​តា និង​ប្រាប់​ពី​វិធី​នេះ តែ​ត្រូវ​ប្រាប់​គាត់​ឲ្យ​លាក់​ចំណេះ​ដែល​ចៅ​ប្រាប់​ឲ្យ​ជិត"។ ទាំង​កញ្ញា ធី សុវណ្ណថា និង​លោក ហ៊ុន សែន មិន​បាន​ប្រតិកម្ម​បដិសេធ ឬ​ទទួល​ស្គាល់​សារ​បែក​ធ្លាយ​នេះ​ទេ។ លោក ហ៊ុន សែន ក៏​មិន​បាន​បញ្ជា​ឲ្យ​មាន​ការ​ស៊ើបអង្កេត​ករណី​បែក​ធ្លាយ​សារ​នេះ​នោះ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

យើងជាខ្មែរត្រូវរង់ចាំមើលថែមទៀតអំពី like or unlike នៅខែមេសា ក្នុងកិច្ចប្រជំុរបស់អន្តររដ្ឋាភិបាលអាស៊ាននៅទីក្រុងម៉ានិល ប្រទេសហ្វីលីពីនតទៅទៀតថា តើក្រុមប្រទេសសមាជិកអាស៊ាន Asean Parliamentarians for Hunman Right ក្នុងរបាយការណ៍របស់គេមានចំណងជើថា ជួងមរណ៖សំរាប់លទ្ធិប្រជាធិបតេយ្យ៖ ការវាយប្រហារតំណាងរាស្ត្រនិង ការគំរាមកំហែងស្ថាប័ននៅកម្ពូជា Death Knell for Democracy: Attacks on Lawmakers and the Theat to Camodia's Institutions យ៉ាងណាទៅវិញ?.

Mar 31, 2017 06:57 AM

អ្នក​អាន​អនាមិក


គួរឲ្យឆ្ងល់អើយឆ្ងល់ថាសម្តេចស្គាល់គេច្រើនម្លេះនៅប្រទេសឥណ្ឌា? អត់មានខ្មែរច្រើននៅទីនោះទេ ហើយបើមានក៍សុទ្ធតែបងប្អូនខ្មែរទៅគោរពទីកន្លែងរបស់ព្រះពុទ្ធជាម្ចាស់ លោកយាយខ្លះគាត់ទៅសមាធិ មានពេលឯណាទៅលេងហ្វេសប៊ុកដូចសម្តេចនោះ? លោកតាខ្លះគាត់អត់ស្គាល់ថាហ្វេសប៊ុកហ្នឹងស្អីគេផងតើឲ្យគាត់ទៅចុចឡាយ (likes) ជូនសម្តេចម៉េចកើត? អាជ័យខ្ញុំកំពុងអេះក្បាលឆ្ងល់។

អូនឹកឃើញហើយសម្តេច ឮគេថាមានពាក្យសេដ្ឋកិច្ចមួយហៅថា international trade ខ្មែរយើងហៅថា ពាណិជ្ជកម្មអន្តរជាតិ។ នេះជាសកម្មភាពដែលគេទិញដូររបស់របរនឹងគ្នាឆ្លងប្រទេស លើកឧទាហរណ៍ ខ្មែរយើងអត់ចេះធ្វើ iPhone ទេ ចុះហេតុអ្វីបានជា iPhone រត់មកស្រុកខ្មែរ? មកពី international trade ហ្នឹងណាសម្តេច ឲ្យលុយទៅគេគ្រប់ទៅបាន iPhone ហើយ។

អញ្ចឹងអាជ័យខ្ញុំយល់ថាសម្តេចទិញហ្វេសប៊ុក likes ពេគេហើយ!

នៅល្ងាចថ្ងៃទី៣០ ខែមិនា ឆ្នាំ ២០១៧ នៅទំព័រហ្វេសប៊ុករបសល់លោក សម រង្សី មានចំនួន ៣.៨១៦.៨៥៩ likes ចំណែកទំព័រសម្តេចវិញមាន ៧.២៨៦.០០០ likes។ បើយើងដកប្រហែល ៣.៦៣៧.៨៦៦ likes មកពីបរទេសចេញទៅនៅសល់ ៣.៦៤៨.១៣៤។

សម រង្សី = ៣.៨១៦.៨៥៩ [3,816,859]
ហ៊ុន សែន = ៣.៦៤៨.១៣៤ [3,648,134]

អញ្ចឹងទូទាត់លាត់សើយទៅជើងលេខឃើញថាសម្តេចមានចំនួនតិចជាង សម រង្សី។

Mar 30, 2017 08:02 PM

San Chay

What is a big deal about facebook like? Hun Sen can have 100 million like on facebook. He can buy the likes if he wants. Who cares?

Mar 30, 2017 06:08 PM

អ្នក​អាន​អនាមិក

ALL CAMBODIAN ' PEOPLE CHOSES AND CHOICE
---------------------------------------------------
IF YOU WANT YUN TAKE CONTROLS OVER IN CAMBODIA .. VOTE FOR HUN SEN " CPP "

IF YOU WANT FREE DOM IN CAMBODIA ... VOTE FOR KEM SOKHA " CNRP "

Do not disappointed

Mar 30, 2017 01:00 PM

អ្នក​អាន​អនាមិក

well, well where is Mr. Hun Sen? are you going to sue RFA said about your Facebook LIKE? If you don't sue them then you have been doing it for that reason the story is true. I know and every body know you have a lots of monkey judges work in court system.

Mar 30, 2017 02:47 AM

មើល​មតិ​ទាំង​អស់.

គេហទំព័រ​ទាំងមូល