មន្ត្រី​បក្ស​ប្រឆាំង​ថា ការ​សុំ​សិទ្ធិ​ធ្វើ​នយោបាយ​ជា​សិទ្ធិ​បុគ្គល តែ​ត្រូវ​គិត​ពី​ការ​លះបង់​របស់​ប្រធាន​បក្ស​នេះ

ដោយ អាស៊ីសេរី
2019-03-05
អ៊ីម៉ែល
មតិ
Share
បោះពុម្ព
ប្រធាន​ចលនាយុវជន​គណបក្ស​សង្គ្រោះជាតិ លោក ហ៊ីង សុខសាន្ត។
ប្រធាន​ចលនាយុវជន​គណបក្ស​សង្គ្រោះជាតិ លោក ហ៊ីង សុខសាន្ត។
RFA

មន្ត្រី​បក្ស​ប្រឆាំង ថា ការ​សុំ​សិទ្ធិ​ធ្វើ​នយោបាយ​ជា​សិទ្ធិ​បុគ្គល ប៉ុន្តែ ត្រូវ​គិត​ពី​គុណធម៌ ដល់​ការ​លះបង់​របស់​ប្រធាន​បក្ស​នេះ។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក ហ៊ីង សុខសាន្ត ដែល​កំពុង​និរទេស​ខ្លួន​នៅ​ក្រៅ​ប្រទេស និង​ស្ថិត​ក្នុង​ចំណោម​មន្ត្រី​ទាំង ១១៨ រូប​ដែល​ហាមឃាត់​សិទ្ធិ​នយោបាយ​ដែរ​នោះ ថា មន្ត្រី​បក្ស​សង្គ្រោះ​ជាតិ​ទាំងអស់ គួរ​ពិចារណា​ឱ្យ​បាន​ល្អិតល្អន់ ជាពិសេស​ត្រូវ​យក​ប្រយោជន៍​រួម​របស់​បក្ស​ជាធំ មុននឹង​សម្រេច​សុំ​សិទ្ធិ​ធ្វើ​នយោបាយ​នេះ៖ «បើ​យើង​ជា​អ្នក​ប្រជាធិបតេយ្យ ជំហាន​ដំបូង ត្រូវ​គិត​ពី​គុណធម៌ ថា​តើ​យើង​ជា​មន្ត្រី​ថ្នាក់ក្រោម ហើយ​ខណៈ​ប្រធាន​គណបក្ស​របស់​យើង មិន​ទាន់​មាន​សេរីភាព​ពេញលេញ ហើយ​យើង​នៅ​ថ្នាក់ក្រោម​គាត់ យើង​ចង់បាន​សេរីភាព ឬ​សិទ្ធិ​ធ្វើ​នយោបាយ​ហ្នឹង​មុន​គាត់ មានន័យថា បើ​យើង​គិត​ពី​គុណធម៌ គឺ​អត់​មាន​គុណធម៌​ទេ គឺ​អគុណ​ធម៌​ចំពោះ​ប្រធាន​របស់​ខ្លួន ព្រោះ​គិត​ពី​ប្រយោជន៍​សួនតួ ជាង​ប្រយោជន៍​របស់​គណបក្ស​ទៅវិញ​។ កាន់តែ​អគុណធម៌​ជាង​នេះ​ទៀត គឺ​មិន​បាន​គិត អំពី​ប្រធាន​ខ្លួនឯង​ខំ​លះបង់​ដើម្បី​ប្រយោជន៍​គណបក្ស»

ប្រតិកម្ម​របស់​មន្ត្រី​បក្ស​ប្រឆាំង​រូប​នេះ ធ្វើឡើង​ក្រោយ​សមាជិក​គណៈកម្មាធិការនាយក របស់​គណបក្ស​សង្គ្រោះជាតិ​មួយ​រូប នៅ​ខេត្ត​ត្បូងឃ្មុំ គឺ​លោក ស៊ីម សុវណ្ណនី ហៅ ស៊ីម វ៉ាននី ត្រូវ​បាន​ព្រះមហាក្សត្រ​បាន​ផ្តល់​នីតិសម្បទា​នេះ​វិញ នៅ​ថ្ងៃទី២ ខែ មីនា​នេះ ក្រោយ​លោក​បាន​សុំ​សិទ្ធិ​ធ្វើ​នយោបាយ​នេះ ជា​លក្ខណៈ​បុគ្គល។ ព្រះរាជក្រឹត្យ​នេះ ត្រូវ​ប្រព័ន្ធ​ឃោសនា​របស់​លោក ហ៊ុន សែន យក​មក​ចុះផ្សាយ​នៅ​ថ្ងៃ​នេះ។

តាំងពី​របប​លោក ហ៊ុន សែន ធ្វើ​វិសោធនកម្ម​ច្បាប់​ស្ដីពី​គណបក្ស​នយោបាយ កាលពី​ចុង​ឆ្នាំ ២០១៨ រហូតមកដល់​ពេលនេះ មាន​មន្ត្រី​បក្ស​ប្រឆាំង​បី​រូប​ប៉ុណ្ណោះ ក្នុងចំណោម ១១៨​រូប រួម​ទាំង​លោក ស៊ីម វ៉ាន់នី នេះ​ផង បាន​ដាក់​ពាក្យសុំ​សិទ្ធិ​ធ្វើ​នយោបាយ​វិញ។

អាស៊ីសេរី នៅ​មិនទាន់​អាច​សុំ​ការ​បំភ្លឺ​ពី​លោក ស៊ីម វ៉ាន់នី បាន​នៅ​ឡើយ​ទេ នៅ​ពេល​នេះ។

ទោះបី​មាត្រា ៤៥ ថ្មី (ស្ទួន​មួយ​) នៃ​ច្បាប់​នេះ មិន​តម្រូវ​ឱ្យ​មន្ត្រី​បក្ស​ប្រឆាំង ត្រូវតែ​សរសេរ​លិខិត​ស្នើសុំ​ម្តង​ម្នាក់ ដើម្បី​បាន​សិទ្ធិ​នយោបាយ​នេះ​វិញ​ក៏ដោយ ក៏​ក្រសួង​មហាផ្ទៃ បាន​ចេញ​សេចក្ដី​ណែនាំ ថា ទាល់តែ​ធ្វើ​ដូច្នេះ ទើប​អាច​មាន​សិទ្ធិ​ធ្វើ​នយោបាយ​ឡើងវិញ។

អ្នកវិភាគ ថា ការ​តម្រូវ​ឱ្យ​មន្ត្រី​បក្ស​ប្រឆាំង​ម្ដង​ម្នាក់ សរសេរ​សំណើសុំ​ទៅ​ក្រសួងមហាផ្ទៃ ទើប​ក្រសួង​នេះ​បញ្ជូន​សំណើ​ទៅ​លោក ហ៊ុន សែន ដែល​នឹង​ស្នើ​ទៅ​ព្រះមហាក្សត្រ​សុំ​ផ្ដល់​សិទ្ធ​នយោបាយ​វិញ​នេះ ថា ជា​ចេតនា​បំបែកបំបាក់​មន្ត្រី​បក្ស​ប្រឆាំង មិនមែន​ដើម្បី​រក​ដំណោះស្រាយ​នយោបាយ​ទេ។

ចំណែក​ប្រធាន​ស្ដីទី​គណបក្ស​សង្គ្រោះ​ជាតិ​លោក សម រង្ស៊ី ឯណោះ​វិញ ធ្លាប់​អះអាង​ថា មន្ត្រី​ណា​ដែល​សុំ​សិទ្ធិ​នយោបាយ​វិញ គឺជា​មន្ត្រី​ក្បត់​បក្ស និង​ថា សិទ្ធិ​នយោបាយ​នេះ មិន​ចាំបាច់​សុំ​ទេ ព្រោះ​ជា​សិទ្ធិ​ដែល​បាន​ធានា​ក្នុង​រដ្ឋធម្មនុញ្ញ​កម្ពុជា។ លោក សម រង្ស៊ី បញ្ជាក់​បន្ថែម​ថា នៅ​ពេល​ណា​មាន​ដំណោះស្រាយ​នយោបាយ​រួម សិទ្ធិ​ធ្វើ​នយោបាយ​របស់​មន្ត្រី​បក្ស​ប្រឆាំង​ទាំងអស់ ដែល​គេ​ហាមឃាត់​នេះ នឹង​ទទួល​បាន​វិញ​ដោយ​ស្វ័យប្រវត្តិ។

ទោះជា​យ៉ាង​នេះ​ក្តី ដំណោះស្រាយ​រួម​នេះ នៅ​មិន​ទាន់​មាន​ពន្លឺ​នៅឡើយ​ទេ ស្រប​ពេល​ដែល​សហគមន៍​អន្តរជាតិ ជាពិសេស​សហភាព​អឺរ៉ុប កំពុង​ដាក់​សម្ពាធ​របប​លោក ហ៊ុន សែន ខ្លាំង​ឱ្យ​ស្ដារ​សិទ្ធិមនុស្ស និង ប្រជាធិបតេយ្យ​ឡើងវិញ ជា​ថ្នូរ​នឹង​ការ​មិន​ព្យួរ​ការ​អនុគ្រោះ​ពន្ធ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

fascist Hun Sen buying more time to gain his brutal rule

Because drug thief kingpin Hun Sen dealing with alcohols or drug addiction in the last 4 decades oppressive.Evil Hun Sen used too much alcohols and addicted of drugs that why cause him more seriousness in speaking or talking to someone with anger or ruthlessness behavior or threaten life to others.Every his comments always acted like 8 redhead devil at eastern zone of hell.This evil has no shame at all,see every time he looks very serious consequences,face mental illness syndrome,anger,upset,hatred,revenge,threat to someone else that he dislike them or much better than him.

Mar 07, 2019 12:24 PM

គេហទំព័រ​ទាំងមូល