មេធាវីលោក កឹម សុខា ទាមទារតុលាការឱ្យកោះហៅសាក្សីដែលជាសមត្ថកិច្ចចាប់ខ្លូនលោក កឹម សុខា មកបំភ្លឺ
ក្រុមមេធាវីការពារក្ដីលោក កឹម សុខា បានប៉ះពាក្យសម្ដី ជាមួយតំណាងអយ្យការនៅក្នុងបន្ទប់សវនាការ ក្នុងរឿងទាមទារឱ្យតុលាការកោះហៅសាក្សីដែលជាសមត្ថកិច្ចដែលចុះចាប់ខ្លួនលោក កឹម សុខា កាលពីឆ្នាំ២០១៧ កន្លងទៅមកបំភ្លឺ ប៉ុន្តែតំណាងអយ្យការបដិសេធមិនព្រមឱ្យតុលាការកោះហៅសាក្សីជានោះមកបំភ្លឺទេ។ ការប៉ះទង្គិចគ្នានេះ ក្នុងសវនាការលើកទី៦១ ដែលតុលាការបានកោះហៅសាក្សីមួយចំនួនមកបំភ្លឺ ទាក់ទងការបញ្ជូនសកម្មជនគណបក្សសង្គ្រោះជាតិទៅរៀនវគ្គខ្លីនៅក្រៅប្រទេស កាលពីឆ្នាំ២០១៦។
[ អានព័ត៌មានពិស្ដារ...Opens in new window ]
ពលករខ្មែរមួយចំនួននៅប្រទេសថៃ នៅតែមិនទាន់មានការងារធ្វើទៀងទាត់
ពលករកំពុងធ្វើការនៅប្រទេសថៃ នៅតែមិនទាន់មានការងារធ្វើឲ្យបានទៀងទាត់នៅឡើយទេ ហើយពួកគាត់ជួបការលំបាកផ្នែកជីវភាព ដោយសារទំនិញឡើងថ្លៃគ្រប់មុខ។ ពួកគាត់ថា ទោះជាពួកគាត់មានការងារធ្វើខ្លះក៏ដោយ ក៏វាគ្រាន់តែជាការងារបណ្ដោះអាសន្ន សម្រាប់ដោះស្រាយរកអង្ករច្រកឆ្នាំងមួយគ្រាតែប៉ុណ្ណោះ។
[ អានព័ត៌មានពិស្ដារ...Opens in new window ]
សិស្សសាលា២នាក់ស្លាប់ក្នុងចំណោមមនុស្សប្រមាណជាង១០នាក់បាត់ខ្លួនក្នុងហេតុការណ៍លិចទូកដនៅស្រុកលើកដែក ខេត្តកណ្តាល
សិស្សសាលា ២នាក់ស្លាប់ក្នុងចំណោមមនុស្សប្រមាណជាង ១០នាក់បាត់ខ្លួនក្នុងហេតុការណ៍លិចទូកដ នៅស្រុកលើកដែក ខេត្តកណ្តាល កាលពីយប់ថ្ងៃទី១៣ តុលា។
ស្នងការខេត្តកណ្តាល លោក ឈឿន សុចិត្ត ប្រាប់អាស៊ីសេរី កាលពីយប់ថ្ងៃទី១៣ តុលាថា ទូកដនោះប្រភេទទូកដខ្នាតតូចសម្រាប់ចម្លងអ្នកភូមិ បានលិចនៅម៉ោងប្រមាណ៧យប់បណ្តាលឲ្យបាត់ខ្លួនមនុស្សប្រមាណពី១៤ ទៅ១៥ នាក់ ក្នុងនោះមានទាំងអ្នកបើកទូកដ អ្នកភូមិ និងកូនសិស្សសាលា។
លោកស្នងការឲ្យដឹងទៀតថា គិតត្រឹមម៉ោង១១អាធ្រាតុថ្ងៃដដែលនេះ កងកម្លាំងសមត្ថកិច្ច និងពលរដ្ឋ បានរកឃើញ៤នាក់ក្នុងនោះស្លាប់២នាក់ ក្រោយពេលបញ្ជូនទៅសង្គ្រោះបន្ទាន់នៅមន្ទីរពេទ្យបង្អែក។
លោក ឈឿន សុចិត្ត អះអាងថា តាមការសន្និដ្ឋានបឋមថា ទូកដ ដែលលិចនោះដោយសារដឹកលើសចំណុះ។
អានព័ត៌មានពិស្ដារ...
ពលរដ្ឋរងគ្រោះទឹកជំនន់ជាង២ពាន់គ្រួសារនៅខេត្តបាត់ដំបង ខ្វះទីជម្រកនិងស្បៀងអាហារ
នៅខេត្តបាត់ដំបងឯណោះវិញ ប្រជាពលរដ្ឋជាង ២ពាន់គ្រួសារនៅស្រុកឯកភ្នំ កំពុងរងគ្រោះដោយសារទឹកជំនន់ បាត់បង់ទីជម្រក ខ្វះខាតស្បៀងអាហារ និងប្រឈមគ្រោះថ្នាក់ដល់ជីវិត។ មន្ត្រីសង្គមស៊ីវិលយល់ថា រដ្ឋបាលខេត្តគួរផ្ដល់ជំនួយឧបត្ថម្ភដល់ពលរដ្ឋរងគ្រោះ និងសិក្សាទៅលើហានិភ័យនៅពេលបើកទំនប់ទឹកឱ្យបានច្បាស់លាស់ ដើម្បីបញ្ចៀសផលប៉ះពាល់ដល់អ្នករស់នៅតំបន់ក្រោមទំនប់។
អានព័ត៌មានពិស្ដារ...
ពលរដ្ឋជិត១០០គ្រួសារនៅតាមដងស្ទឹងសង្កែខេត្តបាត់ដំបងបារម្ភបាក់ច្រាំងស្ទឹងប៉ះពាល់ផ្ទះពួកគេ
ប្រជាពលរដ្ឋជិត១០០គ្រួសារ រស់នៅតាមដងស្ទឹងសង្កែ ខេត្តបាត់ដំបង កំពុងបារម្ភពីការបាក់ច្រាំង ដែលបន្តកើតមានជារៀងរាល់ឆ្នាំនៅពេលមានទឹកជំនន់ឡើងខ្លាំងម្ដងៗ។
ពលរដ្ឋត្អូញត្អែរថា អាជ្ញាធរពាក់ព័ន្ធហាក់មិនអើពើដោះស្រាយឱ្យបានត្រឹមត្រូវដែលជាហេតុធ្វើឱ្យផ្លូវ និងផ្ទះរបស់ពលរដ្ឋមួយចំនួននៅតាមដងស្ទឹង បន្តបាក់ស្រុត។
អានព័ត៌មានពិស្ដារ...
គណបក្សភ្លើងទៀនខេត្តប៉ៃលិន ដាក់លិខិតទៅអាជ្ញាធរខេត្តនេះឱ្យជួយ អន្តរាគមន៍ រឿងក្រុមប្រឹក្សាជាប់ឆ្នោតគ្មានការងារធ្វើ
ពាក់ព័ន្ធនឹងការងារក្រុមប្រឹក្សាឃុំសង្កាត់វិញ គណបក្សភ្លើងទៀនខេត្តប៉ៃលិន ដាក់លិខិតទៅអាជ្ញាធរខេត្តនេះឱ្យជួយអន្តរាគមន៍ ដែលក្រុមប្រឹក្សាជាប់ឆ្នោតគណបក្សខ្លួន៥នាក់ គ្មានការងារធ្វើ។
មន្ត្រីសង្គមស៊ីវិលសង្កេតឃើញថា បញ្ហានេះកើតឡើងនៅតាមតំបន់មួយចំនួន ដោយសារអាជ្ញាធររើសអើងនយោបាយ ប៉ុន្តែមានកន្លែងមួយចំនួន មានការបែងចែកការងារគ្នាធ្វើស្របទៅតាមច្បាប់។
អានព័ត៌មានពិស្ដារ...
ក្រុមអ្នកឃ្លាំមើលរិះគន់រដ្ឋាភិបាលលោក ហ៊ុន សែន ថាបណ្ដោយឱ្យអន្តោប្រវេសន្តខុសច្បាប់ចូលកម្ពុជាតាមអំពើចិត្ត
ក្រុមអ្នកឃ្លាំមើលបញ្ហាសង្គមរិះគន់រដ្ឋាភិបាលលោក ហ៊ុន សែន ថា បរាជ័យក្នុងការអនុវត្តច្បាប់លើជនបរទេស។ ពួកគេលើកឡើងថា ការបណ្តែតបណ្តោយឲ្យជនអន្តោប្រវេសន្តខុសច្បាប់ចូលកម្ពុជាតាមអំពើចិត្ត អាចនាំឲ្យកម្ពុជាបាត់បង់អធិបតេយ្យជាតិកម្ពុជា។
អានព័ត៌មានពិស្ដារ...