រដ្ឋមន្ត្រីនៃការិយាល័យនាយករដ្ឋមន្ត្រីសិង្ហបុរី (Singapore) លោក អេស អ៊ីសវ៉ារ៉ាន់ (S Iswaran) នឹងធ្វើទស្សនកិច្ចនៅកម្ពុជា នៅថ្ងៃទី២១ កក្កដា ដើម្បីពង្រឹងមិត្តភាព និងទំនាក់ទំនងពាណិជ្ជកម្មរវាងប្រទេសទាំងពីរ។
គេហទំព័រ ឆានល ញូអេស៊ា (Channel NewsAsia) ផ្សាយថ្ងៃទី២០ នេះថា លោក អេស អ៊ីសវ៉ារ៉ាន់ ដែលជា រដ្ឋមន្ត្រីទី២ នៃក្រសួងការងារ ពាណិជ្ជកម្ម និងឧស្សាហកម្ម នឹងជួបជាមួយភាគីកម្ពុជា លោក ស ខេង រដ្ឋមន្ត្រីក្រសួងមហាផ្ទៃ លោក ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម និងលោក ស៊ុយ សែម រដ្ឋមន្ត្រីក្រសួងររ៉ែនិងថាមពល។
ឆានល ញូអេស៊ា ឲ្យដឹងថា កម្ពុជាជាដៃគូវិនិយោគទី៦ របស់សិង្ហបុរី ដែលមានការផ្លាស់ប្ដូរពាណិជ្ជកម្មជាមួយគ្នាគិតជាទឹកប្រាក់ចំនួន ១,៦ពាន់លានដុល្លារ គិតចាប់តាំងពីឆ្នាំ២០១០ ដល់២០១៣។ សិង្ហបុរីវិនិយោគវិស័យមួយចំនួននៅកម្ពុជា ដូចជាវិស័យអចលនទ្រព្យ វាយនភណ្ឌ កសិកម្ម ភស្តុភារ ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។