តុលាការខេត្តឧត្តរមានជ័យដោះលែងអ្នកកាសែតគំនិតខ្មែរឲ្យនៅក្រៅឃុំ
2012.12.19
អ្នកយកព័ត៌មានអោយកាសែតគំនិតខ្មែរ លោក ហាក់ រ៉ាវុធ ត្រូវអ្នកភូមិម្នាក់ប្ដឹងពីបទបង្ករបួសស្នាម នៅក្រោយជម្លោះរឿងដីធ្លី ដែលឈានដល់ការកាប់គ្នានៅក្នុងភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ កាលពីល្ងាចថ្ងៃអាទិត្យ ទី១៦ ខែធ្នូ។
អ្នកយកព័ត៌មាន លោក ហាក់ រ៉ាវុធ មានប្រសាសន៍នៅក្រោយការសម្រេចអោយលោកនៅក្រៅឃុំថា ព្រះរាជអាជ្ញាអមសាលាដំបូងខេត្តបានសាកសួរនៅថ្ងៃអង្គារ ទី១៨ ខែធ្នូ និងបានអោយលោកនៅក្រៅឃុំ។
ព្រះរាជអាជ្ញាអមតុលាការខេត្តឧត្តរមានជ័យ លោក កូយ កាន់យ៉ា មានប្រសាសន៍ថា បើទោះជាមានការដោះលែងអោយនៅក្រៅឃុំបណ្ដោះអាសន្ន សំណុំរឿងនេះនឹងបញ្ជូនបន្តទៅចៅក្រមស៊ើបសួរ។
កងរាជអាវុធហត្ថស្រុកត្រពាំងប្រាសាទ ខេត្តឧត្តរមានជ័យ បានឃាត់ខ្លួនអ្នកយកព័ត៌មានអោយកាសែតគំនិតខ្មែរ លោក ហាក់ រ៉ាវុធ នៅកន្លែងកើតហេតុក្នុងភូមិត្រាំប៉ោង និងបញ្ជូនទៅសាលាដំបូងខេត្ត។ អ្នកភូមិដែលបានឃើញហេតុការណ៍បានអោយដឹងថា លោក ហាក់ រ៉ាវុធ ដែលទំនងជាស្រវឹងស្រា បានវាយអ្នកភូមិម្នាក់។ បន្ទាប់មក លោក ហាក់ រ៉ាវុធ ត្រូវអ្នកភូមិ ៣នាក់វាយតប់សងទៅវិញ និងកាប់អោយរបួសស្រាលលើក្បាល។ ប្រភពដដែលអោយដឹងទៀតថា ហេតុការណ៍នោះបានកើតឡើងនៅពេលដែល លោក ហាក់ រ៉ាវុធ ព្យាយាមហាមឃាត់មេភូមិត្រាំប៉ោង និងអ្នកភូមិមួយក្រុម មិនអោយវាស់វែងលក់ដីមួយកន្លែងក្នុងភូមិដែលលោក ហាក់ រ៉ាវុធ អះអាងថា គាត់បានកាន់កាប់ជាច្រើនឆ្នាំមកហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
អត្ថបទពេញនិយម
ព័ត៌មានថ្មីៗ
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- តុលាការបារាំង បានសាកសួរភរិយាលោក លិម គិមយ៉ា អំពីករណីឃាតកម្មលើលោក លិម គិមយ៉ា
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី