ព្រឹទ្ធាចារ្យ ឆេង ផុន អតីត​រដ្ឋមន្ត្រី​វប្បធម៌​និង​ជា​អតីត​ប្រធាន​គ.ជ.ប​បាន​ទទួល​មរណភាព

ដោយ ខែ សុណង
2016.12.22
ឆេង ផុន ៨៥៥ លោក​ព្រឹទ្ធាចារ្យ ឆេង ផុន អតីត​រដ្ឋមន្ត្រី​ក្រសួង​វប្បធម៌ និង​ក៏​ជា​អតីត​ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប)។ Photo courtesy of mcfa.gov.kh
Photo courtesy of mcfa.gov.kh

លោក​ព្រឹទ្ធាចារ្យ ឆេង ផុន អតីត​រដ្ឋមន្ត្រី​ក្រសួង​វប្បធម៌ និង​ក៏​ជា​អតីត​ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត (..) បាន​ទទួល​មរណភាព​នៅ​វេលា​ម៉ោង ១​រសៀល ថ្ងៃ​ទី​២២ ខែ​ធ្នូ នេះ ក្នុង​ជន្មាយុ ៨៦​ឆ្នាំ ដោយសារ​រោគាពាធ។

រដ្ឋមន្ត្រី​ក្រសួង​វប្បធម៌ និង​វិចិត្រ​សិល្បៈ អ្នកស្រី ភឿង សកុណា ដែល​ជា​កូន​ប្រសា​របស់​លោក​ព្រឹទ្ធាចារ្យ ឆេង ផុន មាន​ប្រសាសន៍​ថា ពិធី​បុណ្យ​រៀបចំ​នៅ​ផ្ទះ​លេខ​១៣៥ បេ (B) ផ្លូវ​១១៥ ភូមិ​តាក្ដុល ឃុំ​តាក្ដុល ស្រុក​តាខ្មៅ ខេត្ត​កណ្ដាល ដែល​នឹង​តម្កល់​សព​មួយ​សប្ដាហ៍ ទើប​ធ្វើ​ពិធី​បូជា​នៅ​ព្រឹក​ថ្ងៃ​ទី​២៨ ធ្នូ។ អ្នកស្រី​បញ្ជាក់​ថា នេះ​ជា​ការ​បាត់បង់​ធនធាន​មនុស្ស​ដ៏​សំខាន់​ម្នាក់​របស់​គ្រួសារ និង​ប្រទេស​ជាតិ៖ «ក្នុង​នាម​កូន​ចៅ​ជា​ការ​បាត់បង់​ឪពុក ជីតា មួយ​ដែល​ល្អ។ ក្នុង​នាម​វប្បធម៌​ខ្មែរ​ជា​ការ​បាត់បង់​អ្នក​ចេះ​ដឹង​មួយ ដែល​មាន​តម្លៃ​សម្រាប់​ជាតិ។ ជា​ការ​សោកស្ដាយ​សម្រាប់​យើង​ទាំង​អស់​គ្នា មិន​ចំពោះ​តែ​ក្រុម​គ្រួសារ មិន​ចំពោះ​តែ​ប្រជាជន​កម្ពុជា​ទេ ព្រោះ​តា​គាត់​មាន​សិស្ស​គាត់​ច្រើន​ដែរ ហើយ​និង​ប្រជាជន​ដែល​ស្រលាញ់​រាប់​អាន ជា​ការ​បាត់បង់​មួយ​ដ៏​ធំធេង។ ប៉ុន្តែ​អ្វី​ដែល​សំខាន់​គឺ​ទាំង​អស់​គ្នា​នឹង​ខិតខំ​បន្ត​នូវ​ស្នាដៃ​គាត់​នូវ​អ្វី​ដែល​គាត់​បន្សំ​ទុក​ឲ្យ​នូវ​ការ​ការពារ​វប្បធម៌​ខ្មែរ​នេះ»

លោក​ព្រឹទ្ធាចារ្យ ឆេង ផុន ជា​អតីត​រដ្ឋមន្ត្រី​ក្រសួង​វប្បធម៌ និង​ព័ត៌មាន​ក្នុង​ទសវត្សរ៍​៨០ ហើយ​ក្រោយ​មក លោក​ត្រូវ​បាន​ជ្រើសរើស​ជា​ប្រធាន​គណៈកម្មាធិការ​ជាតិ​រៀបចំ​ការ​បោះឆ្នោត អាណត្តិ​ទី​២ ឆ្នាំ​១៩៩៧។

លោក​នាយក​រដ្ឋមន្ត្រី ហ៊ុន សែន ក៏​បាន​ផ្ញើ​លិខិត​រំលែក​ទុក្ខ​ជុំវិញ​ដំណឹង​មរណភាព​លោក​ព្រឹទ្ធាចារ្យ ឆេង ផុន នេះ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។