សហព័ន្ធស្រូវអង្ករកម្ពុជាប្រកាសធ្វើពិធីប្រកួតប្រជែងរកជ័យលាភីស្រូវអង្ករ៥ប្រភេទ
2015.12.31
ប្រធានសហព័ន្ធស្រូវអង្ករកម្ពុជា លោក សុខ ពុទ្ធីវុធ ក្នុងពេលចូលរួមសន្និសីទសារព័ត៌មានស្ដីពីវេទិកាស្រូវអង្ករឆ្នាំ២០១៥ កាលពីថ្ងៃទី១៦ វិច្ឆិកា ឆ្នាំ២០១៥។
សហព័ន្ធស្រូវអង្ករកម្ពុជា ប្រកាសធ្វើពិធីប្រកួតប្រជែងរកជ័យលាភីស្រូវអង្ករល្អបំផុតប្រចាំកម្ពុជា ចំនួន៥ប្រភេទ ដើម្បីរួមចំណែកលើកទឹកចិត្ត និងកិត្តិយសដល់អ្នកផលិត ព្រមទាំងចូលរួមផ្សព្វផ្សាយប្រភេទអង្ករនានាសម្រាប់នាំចេញ។
សេចក្ដីប្រកាសព័ត៌មានរបស់សហព័ន្ធស្រូវអង្ករកម្ពុជា ចុះថ្ងៃទី៣០ ធ្នូ បញ្ជាក់ថា ប្រភេទស្រូវ អង្ករដែលត្រូវលើកយកមកប្រកួតប្រជែង មានស្រូវផ្ការំដួល អង្ករក្រអូបប្រណិតផ្ការដួល អង្ករក្រអូបទូទៅ អង្ករសគ្រាប់វែង និងអង្ករស្ងោ។
សហព័ន្ធស្រូវអង្ករកម្ពុជា អំពាវនាវដល់បណ្ដាសហគមន៍កសិករ អង្គការមិនមែនរដ្ឋាភិបាល រោងម៉ាស៊ីនកិនស្រូវ និងក្រុមហ៊ុននាំចេញអង្ករដែលធ្វើការពាក់ព័ន្ធនឹងការដាំដុះ ផលិត កិន និងកែឆ្នៃស្រូវអង្ករទាំងអស់ ដែលមានចំណាប់អារម្មណ៍ចូលរួមប្រកួត ធ្វើការទាក់ទងដើម្បីចុះឈ្មោះ និងផ្ញើប៉ាន់ស្រូវអង្ករមកកាន់សហព័ន្ធស្រូវអង្ករកម្ពុជា ចាប់ពីថ្ងៃទី១ ដល់ថ្ងៃទី១៦ ខែមករា ឆ្នាំ២០១៦។
ចំណែកកម្មវិធីប្រកួតប្រជែង នឹងចាប់ផ្តើម ធ្វើនៅថ្ងៃទី២៤ ដល់ថ្ងៃទី២៦ ខែមករា ឆ្នាំ២០១៦៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
