ពលករ​ខ្មែរ​ប្រតិកម្ម​ចំពោះ​លោក ហ៊ុន សែន ដែល​ព្រមាន​លុប​កិច្ចព្រមព្រៀង​បញ្ជូន​ពលករ​ទៅ​ក្រៅ​ប្រទេស

ដោយ ស្ងួន អមរា
2019-11-20
អ៊ីម៉ែល
មតិ
Share
បោះពុម្ព
ពលករខ្មែរ​​ផ្នែក​សំណង់​នៅ​ប្រទេស​​ថៃ កាល​ពី​ថ្ងៃ​ទី១៤ ខែ​ឧសភា ឆ្នាំ២០១៩។
ពលករខ្មែរ​​ផ្នែក​សំណង់​នៅ​ប្រទេស​​ថៃ កាល​ពី​ថ្ងៃ​ទី១៤ ខែ​ឧសភា ឆ្នាំ២០១៩។
រូប៖ ហ្វេសប៊ុក Ratanakraksmey Ly

ពលករ​ខ្មែរ​មួយ​ចំនួន​ប្រតិកម្ម​តប​ចំពោះ​មេដឹកនាំ​របប​ក្រុងភ្នំពេញ ដែល​ព្រមាន​លុប​កិច្ច​ព្រមព្រៀង​បញ្ជូន​ពលករ​ទៅ​ធ្វើ​ការ​នៅ​ក្រៅ​ប្រទេស។ ពួកគេ​ថា លោក ហ៊ុន សែន ជា​មេដឹកនាំ​ខ្វះ​ការ ទទួលខុសត្រូវ និង​គិតតែ​ប្រយោជន៍​ផ្ទាល់ខ្លួន​។ ការ​លើកឡើង​នេះ បន្ទាប់ពី​លោក ហ៊ុន សែន ព្រមាន​លុប​ចោល​កិច្ចព្រមព្រៀង​បញ្ជូន​ពលករ​ទៅ​ក្រៅ​ប្រទេស ទំនងជា​ដោយសារ​លោក​ខឹង​នឹង​ពលករ​ដែល​មិន​គាំទ្រ​ការ​ដឹកនាំ​របស់​លោក។

ពលករ​នៅ​ក្រៅ​ប្រទេស​លើកឡើង​ថា ពាក្យ​សម្ដី​របស់​លោក ហ៊ុន សែន ហាក់​ដូចជា​មិនបាន​គិត ដល់​ពលករ​ដែល​រង​គ្រោះ​នោះ​ទេ ប៉ុន្តែ​ចង់បាន​តែ​ផលប្រយោជន៍​នយោបាយ​ពី​ប្រជា​ពលរដ្ឋ។

ពលករ​ខ្មែរ​នៅ​ប្រទេស​ថៃ​មួយ​រូប​អ្នកស្រី សុខុម រៀបរាប់​ថា អ្នកស្រី បាន​ចាក​ចេញពី​ស្រុកកំណើត ទៅ​ធ្វើ​ការ​នៅ​ប្រទេស​ថៃ​ជិត​២០​ឆ្នាំ​ហើយ ដោយសារតែ​តម្លៃ​កសិផល​នៅ​ប្រទេស​កម្ពុជា​ចុះថោក ហើយ ពិបាក​រក​ការងារ​ធ្វើ​សម្រាប់​ចិញ្ចឹមជីវិត​។ ពលករ​រូប​នេះ បន្ត​ថា អ្វី​ដែល លោក ហ៊ុន សែន លើក ឡើង គឺ​មិន​បាន​គិត​អំពី​សុខទុក្ខ​របស់​ពលករ​នោះ​ទេ គឺ​គិតតែ​អំណាច​និង​ផលប្រយោជន៍​ផ្ទាល់ខ្លួន ចង់​និយាយ​អ្វី​ចង់​ធ្វើ​អ្វី​តាមតែ​អំពើ​ចិត្ត។ អ្នកស្រី សុខុម យល់ថា មូលហេតុ​ដែល​លោក ហ៊ុន សែន បញ្ជូន​ពលករ​ទៅ​ប្រទេស ព្រោះតែ​លោក ហ៊ុន សែន ជា​មេដឹកនាំ​គ្មាន​សមត្ថភាព​មិន​អាច​អភិវឌ្ឍន៍ ប្រទេស​ឱ្យ​រីកចម្រើន​មានការ​ងារ​ធ្វើ​សម្រាប់​ពលរដ្ឋ​គ្រប់គ្រាន់។ ស្ត្រី​ពលករ​រូប​នេះ បន្ថែម​ទៀត​ថា ពលករ​ខ្មែរ​សព្វថ្ងៃ គ្មាន​សំណាង ដូច​ពលករ​ប្រទេស​គេ​នោះ​ទេ ព្រោះ​ពលករ​ខ្មែរ​វេទនា តាំង​ពីមុន ពេល​បាន​មក​ធ្វើការ​ម្ល៉េះ ដូចជា​ត្រូវ​ចំណាយ​លុយ​ច្រើន ក្នុង​ការ​ធ្វើ​ឯកសារ​ផ្សេងៗ និង​ពេល​បាន ធ្វើការ គឺ​ប្រឈម​នឹង​ការ​ធ្វើបាប និង​ការ​ចាញ់បោក​ក្រុមហ៊ុន ហើយ​មន្ត្រី​រដ្ឋាភិបាល មិនសូវ​យក ចិត្ត​ទុកដាក់​ជួយ​ដោះស្រាយ​បញ្ហា​ទាំង​នេះ​ឡើយ។ «»

កាលពី​ថ្ងៃ​ទី​១៨ ខែ​វិច្ឆិកា មេដឹកនាំ​របប​ក្រុងភ្នំពេញ លោក ហ៊ុន សែន បាន​ព្រមាន​លុបចោល​កិច្ច ព្រមព្រៀង​បញ្ជូន​ពលករ​ទៅ​ក្រៅ​ប្រទេស ក្រោម​ហេតុផល​ថា រដ្ឋាភិបាល​លោក មិន​ទទួល​បាន​ការ​ដឹង​គុណ​នោះ​ទេ បែរជា​ទទួល​បាន​បណ្ដាសា​ទៅវិញ ដោយ​ពលករ​ចាត់​ទុក​ថា រាជរដ្ឋាភិបាល​បញ្ជូន​ពលរដ្ឋ​ខ្លួនឯង​ឱ្យ​ទៅ​ធ្វើ​ខ្ញុំគេ និង​ថែមទាំង​មានបំណង​វិល​ចូល​កម្ពុជា​ជាមួយ​មេ​បក្ស​ប្រឆាំង​បណ្ដេញ​លោក​ចេញពី​អំណាច​ថែមទៀត​។ លោក ហ៊ុន សែន ឱ្យ​ដឹង​ដែរ​ថា លោក នឹង ធ្វើដំណើរ​ទៅ​ប្រទេស​កូរ៉េខាងត្បូង​នៅ​ថ្ងៃ​២៤ ខែ​វិច្ឆិកា ខាងមុខ ដើម្បី​ទៅ​ជួប​ជាមួយ​ពលករ​ខ្មែរ​នៅ​ទីនោះ ហើយ​លោក​នឹង​ពន្យល់​ពលករ​ឱ្យ​យល់​ច្បាស់​អំពី​អ្វី​ដែល​ជា​ការ​ខិតខំ​ប្រឹងប្រែង​របស់​រាជរដ្ឋាភិបាល។ «»

មេដឹកនាំ​ដែល​កាន់អំណាច​ជិត ៤០​ឆ្នាំ​រូប​នេះ តែងតែ​សរសើរ​ខ្លួនឯង​ម្ដង​ហើយ​ម្ដង​ទៀត​ថា លោក​បាន​ប្រឹងប្រែង​ជួយ​រក​ការងារ​ជូន​ពលរដ្ឋ​តាមរយៈ​ការងារ​ចំណាកស្រុក​នេះ ហើយ​បញ្ហា​ចំណាកស្រុក​នេះ មិនមែន​តែ​ពលរដ្ឋ​ខ្មែរ​នោះ​ទេ ពោល​គឺ​ប្រជាពលរដ្ឋ​ប្រទេស​ដទៃ​ក៏​ធ្វើ​ចំណាកស្រុក​ដែរ។

ពលករ​ខ្មែរ​នៅ​ប្រទេស​កូរ៉េ​មួយ​រូប គឺ​លោក ព្រហ្ម រ័ត្ន ឆ្លើយតប​ថា គ្មាន​អ្នកណា​ចង់​បែកបាក់​គ្រួសារ​នោះ​ទេ ប៉ុន្តែ​ដោយសារ​កត្តា​ជីវភាព ជាប់​បំណុល​ធនាគារ នៅ​ស្រុកកំណើត​គ្មាន​មុខរបរ ឬ​ប្រាក់​ឈ្នួល​ទាប ហើយ​ធ្វើស្រែ​ចម្ការ គ្មាន​ទីផ្សារ​សម្រាប់​លក់​កសិផល ទើប​ពលរដ្ឋ​បង្ខំចិត្ត​ធ្វើ​ចំណាក ស្រុក។ លោក​យល់​ថា លោក ហ៊ុន សែន មិន​គួរ​មាន​មោទនភាព​រឿង​បញ្ជូន​ពលករ​ទៅ​ក្រៅ​ប្រទេស នោះ​ទេ គួរតែ​មាន​ភាព​ខ្មាសអៀន​ប្រទេសជិតខាង​ដែល​មាន​លទ្ធភាព​បង្កើត​ការងារ​សម្រាប់​ប្រជា ពលរដ្ឋ​ខ្មែរ។ ពលករ​រូប​នេះ បន្ត​ថា លោក ហ៊ុន សែន គួរតែ​យក​គំរូ​តាម​ប្រទេស​ទាំងនោះ មិនមែន ដឹកនាំ​ប្រទេស​បំផ្លាញ​ប្រជាធិបតេយ្យ និង​រំលោភ​សិទ្ធិ​មនុស្ស ដើម្បី​រក្សា​អំណាច​ខ្លួនឯង បណ្ដាល​ឱ្យ សហគមន៍​អន្តរ​ជាត​ជាពិសេស​សហភាព​អឺរ៉ុប ត្រៀម​ផ្ដាច់​ប្រព័ន្ធ​អនុគ្រោះ​ពន្ធ EBA ដែល​អាច​ធ្វើ​ឱ្យ ប៉ះពាល់​និង​បាត់បង់​ការងារ​កម្មករ​កាត់ដេរ និង​កសិករ​ខ្មែរ​ពេញ​ប្រទេស​នោះ​ទេ។ «»

លោក ព្រហ្ម រ័ត្ន មិន​ជឿ​ថា លោក ហ៊ុន សែន ហ៊ាន​លុប​កិច្ចព្រមព្រៀង​បញ្ជូន​ពលករ​នោះ​ទេ ព្រោះ លោក ហ៊ុន សែន គ្មាន​សមត្ថភាព​បង្កើត​ការងារ​ក្នុងស្រុក​សម្រាប់​ពលរដ្ឋ ហើយ​លោក ហ៊ុន សែន ដឹង​ថា នៅ​ពេល​ពលរដ្ឋ​វិល​ចូល​ស្រុក​ទាំងអស់​គ្នា​វិញ គឺ អំណាច​របស់​លោក ក៏​មិន​អាច​គង់វង្ស​ដែរ។

ចំណែក ប្រធាន​ចលនា​យុវជន​គណបក្ស​សង្គ្រោះ​ជាតិ​នៅ​ប្រទេស​កូរ៉េខាងត្បូង លោក យឹម ស៊ីណន វិញ ទទួល​ស្គាល់​ថា ការ​បញ្ជូន​ពលករ​ទៅ​ធ្វើ​ការ​នៅ​ក្រៅ​ប្រទេស​ដូចជា​នៅ​កូរ៉េ និង​ជប៉ុន​ជាដើម គឺ​បាន​ផ្ដល់​ផល​ប្រយោជន៍​មួយ​ចំនួន​ដល់​ជាតិ និង​គ្រួសារ​របស់​ពលករ​ម្នាក់ៗ ប៉ុន្តែ​លោក ហ៊ុន សែន ក៏​ត្រូវ​ទទួល​ស្គាល់​ដែរ​ថា លោក​ជា​មេដឹកនាំ​ដែល​គ្មាន​សមត្ថភាព​បង្កើត​ការងារ​សម្រាប់​ពលរដ្ឋ​នៅ​ក្នុង​ប្រទេស និង​បញ្ជូន​ពលរដ្ឋ​ឱ្យ​ទៅ​ធ្វើ​ខ្ញុំគេ​នៅ​បរទេស ព្រមទាំង​ធ្វើ​ឱ្យ​ប៉ះពាល់​ដល់​មុខមាត់​ប្រទេស​ជាតិ​ផង​ដែរ។ «»

លោក យឹម ស៊ីណន ថ្លែង​ថា ក្នុង​ដំណើរ​ទស្សនកិច្ច​របស់​លោក ហ៊ុន សែន នៅ​ប្រទេស​កូរ៉េខាងត្បូង នៅ​ថ្ងៃ​ទី​២៤ ខែ​វិច្ឆិកា លោក​បាន​ត្រៀម​ដឹកនាំ​ពលករ​ធ្វើ​បាតុកម្ម ទាមទារ​ឱ្យ​លោក​ហ៊ុន សែន ស្ដារ​លទ្ធិ​ប្រជាធិបតេយ្យ និង​ការ​គោរព​សិទ្ធិមនុស្ស ដើម្បី​បញ្ចៀស​ការ​ផ្តាច់​ប្រព័ន្ធ​អនុគ្រោះ​ពន្ធ EBA​របស់​សហភាព​អឺរ៉ុប។ «»

តួលេខ​របស់​ក្រសួង​ការងារ​ឱ្យ​ដឹង​ថា ពលករ​ខ្មែរ​ដែល​កំពុង​ធ្វើការ​នៅ​បរទេស មាន​ជាង​១ លាន ២ សែន​នាក់ ហើយ​បាន​នាំ​ចំណូល​មក​ស្រុក​ខ្មែរ​ជាង ២​ពាន់ ៣​រយ​លាន​ដុល្លារ ក្នុង​ឆ្នាំ​២០១៨​។ ក្រសួង​អះអាង​ទៀត​ថា ក្រៅ​ពី​ថវិកា ពលករ​ខ្មែរ​ក៏​ទទួល​បាន​មុខជំនាញ​វិជ្ជាជីវៈ ដើម្បី​រួមចំណែក​ក្នុង​ការ​អភិវឌ្ឍ​ប្រទេសជាតិ​ផង​ដែរ។

ដោយឡែក តាម​ការ​ប៉ាន់ស្មាន​ក្រៅផ្លូវការ​របស់​មជ្ឈមណ្ឌល​សម្ព័ន្ធ​ការងារ និង​សិទ្ធិមនុស្ស ហៅ​កាត់​ថា អង្គការ​សង់ត្រាល់ (CENTRAL) ចំនួន​ពលករ​ខ្មែរ​ដែល​កំពុង​ធ្វើ​ការ​នៅ​បរទេស មាន​ជាង ២​លាន​នាក់ ដែល​ក្នុង​នោះ​ជិត ២​លាន​នាក់ កំពុង​ធ្វើការ​ងារ​នៅ​ប្រទេស​ថៃ ទាំង​ស្របច្បាប់ និង​មិន​ស្របច្បាប់។

អ្នក​សម្របសម្រួល​អង្គការ​សង់ត្រាល់ លោក ឃុន ថារ៉ូ មាន​ប្រសាសន៍​ថា ការ​ស្វែងរក​ការងារ​ជូន​ពលរដ្ឋ គឺជា​កាតព្វកិច្ច​របស់​រដ្ឋាភិបាល ហើយ​ការដែល​ពលរដ្ឋ​រិះគន់​រដ្ឋាភិបាល និង​មាន​និន្នាការ​គាំទ្រ​គណបក្ស​នយោបាយ​ផ្សេងៗ​គឺជា​សិទ្ធិ​របស់​ពលរដ្ឋ​គ្រប់រូប​ដែល​ធានា​ដោយ​ច្បាប់​ជាតិ និង​អន្តរជាតិ។ លោក ឃុន ថារ៉ូ យល់​ថា រដ្ឋាភិបាល មិន​គួរ​បញ្ចេញ​ប្រតិកម្ម​តបត​បែបនេះ​នោះ​ទេ ប៉ុន្តែ​គួរតែ​ពិនិត្យ និង​បំពេញ​ចំណុច​ខ្វះខាត​របស់​ខ្លួន ដែល​នាំ​ឱ្យ​ពលករ​មិន​ពេញចិត្ត​ដូចជា​ភាព​អសកម្ម​របស់​មន្ត្រី​ស្ថានទូត​ប្រចាំ​នៅ​ប្រទេស​របស់​ពួកគេ​ធ្វើការ និង​រក​វិធី​ជួយ​ជ្រោមជ្រែង​ពលករ​ពេល​ចប់ អាណត្តិ​ការងារ នៅ​ក្រៅ​ប្រទេស។ «»

លោក ឃុន ថារ៉ូ កត់សម្គាល់​ថា មូលហេតុ​ដែល​គណបក្ស​កាន់អំណាច​បាត់បង់​ការ​គាំទ្រ​ពី​ពលករ នៅ​ក្រៅ​ប្រទេស អាច​ដោយសារតែ​ពលករ​ទាំងនោះ បាន​ឃើញ​ប្រទេស​ដែល​ពួកគេ​កំពុង​រស់នៅ និង​ធ្វើការ​មាន​ប្រជាធិបតេយ្យ និង​មាន​ការ​គោរព​សិទ្ធិមនុស្ស​ពេញលេញ ហើយ​រដ្ឋាភិបាល​ប្រទេស ទាំងនោះ យកចិត្តទុកដាក់​គ្រប់​បែបយ៉ាង​ទាំង​វិស័យ​សេដ្ឋកិច្ច និង​សង្គមកិច្ច​សម្រាប់​ពលរដ្ឋ​របស់​ខ្លួន ខុស​ឆ្ងាយ​ពី​រដ្ឋាភិបាល​ខ្មែរ។ «»

សកម្មជន​សិទ្ធិ​ការងារ​រូប​នេះ ទទួល​ស្គាល់​ថា ប្រទេស​ណា​ក៏​មាន​ពលករ​ទៅ​ធ្វើ​ការ​នៅ​ប្រទេស​គេ​ផ្សេងៗ​ដែរ ប៉ុន្តែ​ពលករ​ប្រទេស​គេ​មិនមែន​ធ្វើ​ចំណាកស្រុក​ដោយ​បង្ខំចិត្ត​ឡើយ គឺជា​ជម្រើស ហើយ​ប្រជាពលរដ្ឋ​គេ​ទៅ​ធ្វើការ​ក្នុង​ឋានៈ​ជា​ពលករ​ជំនាញ ឬ​អ្នកគ្រប់គ្រង​ខុស​ឆ្ងាយ​ពី​ពលរដ្ឋ​ខ្មែរ​ដែល​ធ្វើការ​នៅ​ក្រៅ​ប្រទេស​ក្នុង​ឋានៈ​ជា​ពលករ​ប្រើ​កម្លាំង និង​ទទួល​បាន​ប្រាក់ខែ​ទាប ហើយ​ងាយ​រងគ្រោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

welcome him with mass protesters to make this evilman hopeless and die

The smart thing and a best time coming to all Khmer workers at south Korea,Thailand,Malaysia,Taiwan or other around the world,please come to join mass protesters to against fascist dictator Hun Sen unofficial pm visiting to south Korea in coming day.This is all your best time to do to show khmer solidarity around the world that the khmer pple want to change this happen to a real democracy system of the pple,for the pple and by the pple"not by one-man-rule and one-man-lead".This evil man who fears himself by blocked of hundreds of thousands khmer workers from south Korea,Thailand,Malaysia,Japan,Taiwan and other around the world to join opposition party leaders return home to rescue the EBA/GPS sanctions,or restore democracy,freedom which destroyed by dictator Hun Sen.And now,it is all your best time to come out on the streets to hold bans slogan to tell this evil man time must to go,step down,resign,or whatever,enough is enough,fascist communist,tyrant,fascist dictator,no authoritarian in Cambodia,serial killer,bogeyman dictator,mass murder,criminal conspiracy,world most wanted"HS",stop killing pple,stop robbing pple land,stop coup d'etata bloodshed,stop China build NAVAL base in Cambodia,world worst dictator,no more fascism in Cambodia,stop killing fields,stop oppose EBA/GPS policy,save pple lives,stop Vietnam interfere khmer's govm't affairs,free pple and Cambodia,free and fair election to political parties,,or whatever,if this bad man don't let u all do this in Cambodia,now it is all your turn to do this at democratic state of south Korea enjoy your democracy and freedom over there,despite tmil Hun Sen warns to shut down its employment relation office and stop send khmer workforce oversea"sicken man and failure leadership".Keep hit him at every directions until this evil man disappeared,do not let this mad man try to say one thing and do other thing to coverup the crimes he committed"see something say something and wish u all good luck.

Nov 20, 2019 03:51 PM

គេហទំព័រ​ទាំងមូល