ស្ថានទូតអាមេរិក នឹងប្រារព្ធពិធីមួយនៅថ្ងៃទី៩ កក្កដា ដើម្បីអរគុណអ្នកគាំទ្រទំព័រហ្វេសប៊ុក (Facebook) របស់ខ្លួន នៅស្ថានទូតប្រចាំទីក្រុងភ្នំពេញ។
សេចក្ដីប្រកាសព័ត៌មានរបស់ស្ថានទូតអាមេរិក ថ្ងៃទី៣ កក្កដា ឲ្យដឹងថា អ្នកគាំទ្រទំព័រហ្វេសប៊ុក និងប្លុគើ (Bloggers) របស់ស្ថានទូត ឬអ្នកដែលបានចុច ឡៃក៍ (Like) លើទំព័រហ្វេសប៊ុក បានកើនពីចំនួន ១ សែនដល់ ២ សែន ក្នុងរយៈពេល៩ ខែ ចុងក្រោយនេះ។
សេចក្ដីប្រកាសព័ត៌មានដដែល ឲ្យដឹងថា ហ្វេសប៊ុករបស់ស្ថានទូតអាមេរិកមានសារសំខាន់ណាស់ ក្នុងការផ្ដល់ឱកាស ដល់ពលរដ្ឋខ្មែរ ទាក់ទងស្ថានទូតផ្ទាល់ ដូចជាផ្ដល់ព័ត៌មានបច្ចុប្បន្នភាព ព្រឹត្តិការ សួរជាសំនួរ ផ្ដល់ជាយោបល់ ទាក់ទងរឿងនានា ដែលមន្ត្រីស្ថានទូត ឬលោកឯកអគ្គរដ្ឋទូត ផ្សាយលើទំព័រហ្វេសប៊ុកនេះ។
ទោះយ៉ាងណា ពិធីនេះមិនបើកទូលាយជាសាធារណៈទេ។ តែអ្នកយកព័ត៌មាន អាចចូលទៅយកព័ត៌មានបាន ប្រសិនបានចុះឈ្មោះមុនថ្ងៃប្រារព្ធពិធីនេះ គឺមិនឲ្យលើសម៉ោង២ រសៀល ថ្ងៃច័ន្ទទី៧ កក្កដា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។