អាជ្ញាធរ​រារាំងកម្មករ​រោងចក្រ វ៉ាយអូលែត មិន​ឱ្យ​ដើរ​ហែ​ញត្តិ​សុំ​ដំណោះស្រាយ​ការងារ​ពី​លោកនាយក​រដ្ឋមន្ត្រី ហ៊ុន សែន

ដោយ ជាតិ ចំណាន
2020-07-23
អ៊ីម៉ែល
មតិ
Share
បោះពុម្ព
ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ចេញ​តវ៉ា​នៅ​តាម​ផ្លូវ​ក្នុង​រាជធានី​ភ្នំពេញ នៅ​ព្រឹក​ថ្ងៃ​ទី២៣ ខែកក្កដា ឆ្នាំ២០២០។
ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ចេញ​តវ៉ា​នៅ​តាម​ផ្លូវ​ក្នុង​រាជធានី​ភ្នំពេញ នៅ​ព្រឹក​ថ្ងៃ​ទី២៣ ខែកក្កដា ឆ្នាំ២០២០។
រូប៖ កម្មករ

ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD.) ច្រើន​រយ​នាក់ បរាជ័យ​ក្នុង​ការ​ហែ​ញត្តិ យក​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃទី២៣ កក្កដា ដោយសារ សមត្ថកិច្ច​ដើរ​តាម​បិទ​ផ្លូវ និង​រារាំង​ក្រុម​កម្មករ មិន​ឲ្យ​បន្ត​ដំណើរ​ទៅមុខ។

តំណាង​កម្មករ​ម្នាក់ គឺលោកស្រី អ៊ុង ចាន់​ធឿន ប្រាប់​ថា ក្រុម​កម្មករ​ជាង ២០០​នាក់ បាន​ជួបជុំ​គ្នា ដាក់​ញត្តិ​ជូន​រដ្ឋមន្ត្រី​ក្រសួង​ការងារ បន្ទាប់​មក​ក្រុម​កម្មករ​យក​ញត្តិ​មួយ​ទៀត ទៅ​ដាក់​នៅ​ខុទ្ទកាល័យ​នាយក​រដ្ឋមន្ត្រី ដោយ​ដើរ​ថ្មើរជើង។

លោកស្រី​ប្រាប់​ថា នៅ​តាម​ផ្លូវ ក្រុម​កម្មករ​ដើរ​យ៉ាង​មាន​របៀប និង​មិន​បាន​បង្ក​ការ​កក​ស្ទះ​ចរាចរណ៍​ទេ តែ​អាជ្ញាធរ​បាន​ដើរ​តាម និង​បង្អើល​ឲ្យ​កម្មករ​ភ័យ ហើយ​រារាំង​កម្មករ​ច្រើន​លើក​ច្រើន​សារ ដោយ​ទប់​ស្កាត់​ជាប់ នៅ​ចំណុច​រង្វង់​មូល​ក្ដាន់​ពីរ ម្ដុំ​ទីស្ដីការ​គណៈរដ្ឋ​មន្ត្រី។ លោកស្រី​បន្ត​ថា អាជ្ញាធរ​ភ្នំពេញ​បាន​ណែនាំ​ឲ្យ​កម្មករ​ដើរ​ត្រឡប់​ទៅ​ក្រសួង​ការងារ​វិញ និង​សន្យា​មក​ដោះស្រាយ​ជូន​កម្មករ នៅ​ម៉ោង​ជាង ៣រសៀល ទើប​ក្រុម​កម្មករ​យល់​ព្រម​ដើរ​ត្រឡប់​ក្រោយ៖ «សម្រាប់​ខ្ញុំ គឺ​បន្ថែម​សុំ​ឲ្យ​រាជរដ្ឋាភិបាល​ជួយ​ដោះ​ស្រាយ​ហើយ ដូចជា ក្រសួង​ការងារ​ហ្នឹង​ជួយ​ពន្លឿន​រឿង​ខ្ញុំ​ហ្នឹង ព្រោះ​អ្វី ពួក​ខ្ញុំ​ហ្នឹង​នៅ​ពេល​ដែល​បិទ​ទ្វារ (រោងចក្រ) ហើយ​វ័យ​ចាស់​អ៊ីចឹង ខ្ញុំ​រក​ការងារ​អត់​បាន​ទេ។ អ៊ីចឹង​សុំ​ឲ្យ​គាត់​ហ្នឹង ក្រឡេក​មក​មើល​ថា ពួក​ខ្ញុំ​ហ្នឹង​កំពុងតែ​វេទនា ទាំង​កូវីដ​ផង ការ​ហូបចុក ការងារ​អត់មាន​ធ្វើ ហើយ​ការ​ជូនដំណឹង​ក៏​អត់​បាន​ត្រឹមត្រូវ។ អ៊ីចឹង សុំ​ឲ្យ​ក្រសួង​ការងារ និង​សម្ដេច ជាពិសេស​សម្ដេច គឺ​ការដែល​បិទទ្វារ​មិន​ត្រឹមត្រូវ គឺ​ត្រូវតែ​សង​សំណង​ត្រឹម​ត្រូវ​ឲ្យ​ឲ្យ​ពួក​ខ្ញុំ​តាម​ផ្លូវ​ច្បាប់»

ក្នុង​ញត្តិ​របស់​ក្រុម​កម្មករ ដាក់​ជូន​រដ្ឋមន្ត្រី​ក្រសួង​ការងារ លោក អ៊ិត សំហេង នៅ​ថ្ងៃ​ទី២៣ កក្កដា ក្រុម​កម្មករ បាន​ស្នើសុំ​ឲ្យ​រដ្ឋមន្ត្រី​រូប​នេះ លុប​ចោល​លិខិត​របស់​ប្រធាន​នាយកដ្ឋាន​អធិការកិច្ច​ការងារ លោក អ៊ុក ចាន់ធូរ កាលពី​ថ្ងៃ​ទី២៩ មិថុនា ដែល​បើក​ផ្លូវ​ឲ្យ​ថៅកែ​បិទ​រោងចក្រ​ដោយ​មិន​បាច់​ទូទាត់​លុយ​សោហ៊ុយ​ជំងឺចិត្ត និង​លុយ​ជូន​ដំណឹង​ឲ្យ​កម្មករ។ កម្មករ​សុំ​ឱ្យ​ក្រសួង​អន្តរាគមន៍​ទៅ​ថៅកែ​រោងចក្រ​ទូទាត់​លុយ​ឲ្យ​កម្មករ​ឲ្យ​បាន​ត្រឹមត្រូវ​តាម​ច្បាប់​ការងារ ហើយ​ត្រូវ​ទូទាត់​លុយ​ចំនួន ៥ថ្ងៃ ដែល​កម្មករ​មក​ធ្វើការ នៅ​ថ្ងៃបុណ្យ​ចូលឆ្នាំ​ខ្មែរ កាលពី​ពាក់​កណ្ដាល​ខែ​មេសា និង​អត្ថ​ប្រយោជន៍​សម្រាប់​ស្ត្រី មានផ្ទៃពោះ​ជា​ដើម។

ជុំវិញ​ករណី​នេះ អាស៊ី​សេរី មិន​អាច​សុំ​ការ​បញ្ជាក់​ពី​អគ្គ​លេខាធិការ នៃ​អគ្គ​លេខាធិការដ្ឋាន​ដោះ​ស្រាយ​វិវាទ​បាតុកម្ម កូដកម្ម​គ្រប់​មុខ​សញ្ញា នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ លោក ទេស រុក្ខាផល បាន​ទេ នៅ​ថ្ងៃ​ទី២៣ កក្កដា ដោយសារ​លោក​មិន​ទទួល​ទូរស័ព្ទ។

រោងចក្រ​វ៉ាយអូលែត មាន​ទីតាំង​ស្ថិតនៅ​ភូមិ​ត្រពាំង សង្កាត់​អូរ​បែក​ក្អម ខណ្ឌ​សែនសុខ។ រោងចក្រ​នេះ មានកម្ម​ករ​សរុប​ជាង ១.៣០០​នាក់ មាន​ថៅកែ​ជា​ជនជាតិ​ចិន និង​កាត់ដេរ​សំលៀកបំពាក់​ឱ្យ​យី​យោ​ម៉ាក់ Nike, Matalan, Carther និង C&A។ ថៅកែ​រោងចក្រ​នេះ បាន​ព្យួរ​ការងារ​កម្មករ​ទាំង​អស់ ចំនួន ២ខែ គឺ​ខែ​ឧសភា និង​ខែ​មិថុនា។ ក្រោយមក នៅ​ថ្ងៃ​ទី១ កក្កដា ដល់​ថ្ងៃកំណត់​កម្មករ​ចូល​ធ្វើ​ការងារ​វិញ ស្រាប់តែ​ថៅកែ​ប្រកាស​ថា រោងចក្រ​ក្ស័យធន និង​មិនព្រម​ទូទាត់ប្រាក់​អតីតភាព​តាមច្បាប់​ការងារ​ឲ្យ​កម្មករ ទើប​កម្មករ​ផ្ទុះ​ការ​តវ៉ា មក​ដល់​ពេល​នេះ។

ប្រធាន​សហភាព​សហជីព​កម្ពុជា លោក រ៉ុង ឈុន ដែល​ចូលរួម​ហែ​ញត្តិ​ជាមួយ​ក្រុម​កម្មករ ថ្លែង​ថា មន្ត្រី​ក្រសួង​ការងារ គួរតែ​ដោះ​ស្រាយ​វិវាទ​ការងារ​នេះ ឲ្យ​មាន​ដំណោះ​ស្រាយ​ត្រឹមត្រូវ​តាម​ច្បាប់​ការងារ ទើប​កម្មករ​ទទួល​យក​បាន៖ «ឃើញ​ថា ខាង​ក្រសួង​ការងារ មិនបាន​ឲ្យ​តម្លៃ​កម្មករ​អ្វី​ទាំង​អស់។ គ្រាន់តែ​ទទួល​ញត្តិ​របស់​ពួក​គាត់ ហើយ​អត់​បាន​ជជែក​ចរចា ឬ​មួយ​សន្យា​ថា ថ្ងៃ​ណា​ត្រូវ​ជួប​ចរចា​គ្នា គឺ​អត់​បាន​ទេ គ្រាន់តែ​វាយ​ត្រា​ចូល ឲ្យ​ពួក​គាត់​ចេញ​មក​វិញ។ មើល​ស្រាល​ណាស់ ទង្វើ​របស់​ក្រសួង​ការងារ​ធ្វើ​បែប​ហ្នឹង មើល​ស្រាល​កម្មករ​មែនទែន»

គិត​ត្រឹម​ម៉ោង ៦ល្ងាច ថ្ងៃ​ទី២៣ កក្កដា ការចរចា​រក​ដំណោះស្រាយ រវាង​តំណាង​កម្មករ​ជាមួយ​អាជ្ញាធរ​នៅ​ក្រសួង​ការងារ ​មិនទាន់​បិទ​បញ្ចប់​ទេ។ ក្រុម​កម្មករ ដែល​តវ៉ា​នៅ​ខាងមុខ​ក្រសួង​ការងារ ប្រាប់​ថា បើ​គ្មាន​ដំណោះស្រាយ​តាមច្បាប់​ការងារ​ទេ ពួក​គេ​នឹង​បន្ត​ការ​តវ៉ា​ទៀត៕

ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ចេញ​តវ៉ា​រក​ដំណោះស្រាយ​វិវាទ​ការងារ​ជាមួយ​រោងចក្រ នៅ​​ថ្ងៃ​ទី២៣ ខែកក្កដា ឆ្នាំ២០២០។ រូប៖ កម្មករ
ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ចេញ​តវ៉ា​រក​ដំណោះស្រាយ​វិវាទ​ការងារ​ជាមួយ​រោងចក្រ នៅ​​ថ្ងៃ​ទី២៣ ខែកក្កដា ឆ្នាំ២០២០។ រូប៖ កម្មករ រូប៖ កម្មករ

ប្រធាន​សហភាព​សហជីព​កម្ពុជា ចូលរួម​ជាមួយ​ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ចេញ​តវ៉ា​រក​ដំណោះស្រាយ​វិវាទ​ការងារ​ជាមួយ​រោងចក្រ នៅ​​ថ្ងៃ​ទី២៣ ខែកក្កដា ឆ្នាំ២០២០។ រូប៖ កម្មករ
ប្រធាន​សហភាព​សហជីព​កម្ពុជា ចូលរួម​ជាមួយ​ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ចេញ​តវ៉ា​រក​ដំណោះស្រាយ​វិវាទ​ការងារ​ជាមួយ​រោងចក្រ នៅ​​ថ្ងៃ​ទី២៣ ខែកក្កដា ឆ្នាំ២០២០។ រូប៖ កម្មករ

ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ​ហែ​ញត្តិ យក​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែកក្កដា ឆ្នាំ២០២០ ដើម្បី​រក​ដំណោះស្រាយ​ការងារ​ជាមួយ​រោងចក្រ។ រូប៖ កម្មករ
ក្រុម​កម្មករ​រោងចក្រ វ៉ាយអូលែត (VIOLET APPAREL CAMBODIA CO,.LTD) ច្រើន​រយ​នាក់ ​ហែ​ញត្តិ យក​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែកក្កដា ឆ្នាំ២០២០ ដើម្បី​រក​ដំណោះស្រាយ​ការងារ​ជាមួយ​រោងចក្រ។ រូប៖ កម្មករ

ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ព្យាយាម​ហែ​ញត្តិ​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែ​កក្កដា ឆ្នាំ២០២០ តែ​ត្រូវ​បាន​សមត្ថកិច្ច​រារាំង​មិន​ឲ្យ​បន្ត​ដំណើរ​ទៅ​មុខ​រួច។ រូប៖ កម្មករ
ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ព្យាយាម​ហែ​ញត្តិ​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែ​កក្កដា ឆ្នាំ២០២០ តែ​ត្រូវ​បាន​សមត្ថកិច្ច​រារាំង​មិន​ឲ្យ​បន្ត​ដំណើរ​ទៅ​មុខ​រួច។ រូប៖ កម្មករ

ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ព្យាយាម​ហែ​ញត្តិ​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែ​កក្កដា ឆ្នាំ២០២០ តែ​ត្រូវ​បាន​សមត្ថកិច្ច​រារាំង​មិន​ឲ្យ​បន្ត​ដំណើរ​ទៅ​មុខ​រួច។ រូប៖ កម្មករ
ក្រុម​កម្មករ​រោងចក្រ វ៉ាយអូលែត VIOLET APPAREL CAMBODIA CO,.LTD ច្រើន​រយ​នាក់ ព្យាយាម​ហែ​ញត្តិ​ទៅ​ដាក់​នៅ​ខុទ្ទកាល័យ​លោកនាយក​រដ្ឋមន្ត្រី ហ៊ុន សែន នៅ​ព្រឹក​ថ្ងៃ​ទី២៣ ខែ​កក្កដា ឆ្នាំ២០២០ តែ​ត្រូវ​បាន​សមត្ថកិច្ច​រារាំង​មិន​ឲ្យ​បន្ត​ដំណើរ​ទៅ​មុខ​រួច។ រូប៖ កម្មករ


កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល