ប័ណ្ណសារព័ត៌មាន
2024-09-29
ក្រុមអ្នកតាមដានកិច្ចការអន្តរជាតិលើកឡើងថា ក្រុមមេដឹកនាំប្រទេសនៅតំបន់អាស៊ានមួយចំនួន កំពុងតែដឹកនាំតាមបែបផ្ដាច់ការ ទោះបីប្រទេសទាំងនោះប្រកាន់យករបបប្រជាធិបតេយ្យជាគោលក៏ដោយ។ ប្រទេសទាំងនោះ រួមមានថៃ កម្ពុជា និងប្រទេសភូមា ឬមីយ៉ាន់ម៉ា (Myanmar) ជាដើម។
2024-09-29
រមណីយដ្ឋានទេសចរណ៍ ប្រវត្តិសាស្ត្រ ផ្ទះតាម៉ុក មិនសូវមានភ្ញៀវទេសចរចូលទស្សនាដូចមុននោះទេ។ ពលរដ្ឋនៅតំបន់នោះ លើកឡើងថា ដោយសារកត្តាសេដ្ឋកិច្ចទើបធ្វើឲ្យ ភ្ញៀវទេសចរជាតិ និងអន្តរជាតិ លែងចាប់អារម្មណ៍ចូលទស្សនា តំបន់ប្រវត្តិសាស្ត្រមួយនេះទៀត។ សង្គមស៊ីវិល យល់ឃើញថា រដ្ឋាភិបាលគួរតែរៀបចំសោភ័ណភាព ហើយកែលម្អផ្នែកនយោបាយ លុបបំបាត់អំពើពុករលួយ ដើម្បីទាក់ទាញភ្ញៀវទេសចរមកវិញ។
2024-09-29
អ្នកប្រើប្រាស់បណ្ដាញសង្គមមួយចំនួនបញ្ចេញមតិរិះគន់ប្រធានព្រឹទ្ធសភា លោក ហ៊ុន សែន និងជាឪនាយករដ្ឋមន្ត្រី ដែលនៅតែបន្តបញ្ចេញសារ បែបហិង្សានិយមទាំងផ្លូវសម្ងាត់ និងជាចំហក៏មាន ឲ្យកំចាត់ ឬកម្ទេច នូវក្រុមពលរដ្ឋ យុវជន និងក្រុមអ្នកនយោបាយជំទាស់ទាំងក្នុង និងក្រៅប្រទេស ទោះបីជាលោកអស់តួនាទីជានាយករដ្ឋមន្តីហើយក៏ដោយ។
2024-09-29
តុលាការខេត្តស្ទឹងត្រែងចោទប្រកាន់ សកម្មជនការពារព្រៃឡង់ លោក អ៊ុក ម៉ៅ ពីបទកាប់ទន្ទ្រានព្រៃឈើ ក្រោយពីបានលាតត្រដាងការកាប់បំផ្លាញព្រៃឈើ នៅតំបន់ព្រៃសហគមន៍ភ្នំជម្រកសត្វ ដោយក្រុមហ៊ុនជីករុករករ៉ែ ឈ្មោះ លីន វត្តី ដែលមានទំនាក់ទំនងជិតស្និទ្ធជាមួយមន្ត្រីយោធាជាន់ខ្ពស់កម្ពុជា។
2024-09-29
អតិថិជនទិញផ្ទះពីក្រុមហ៊ុន ឡេង ណាវ៉ាត្រា រិះគន់ម្ចាស់ក្រុមហ៊ុននេះថា យកលុយពីអតិថិជនហើយមិនព្រមសាងសង់ផ្ទះឱ្យពួកគាត់តាមកិច្ចសន្យា ប៉ុន្តែបែរជាធ្វើខ្លួនជាមនុស្សចិត្តបុណ្យដើម្បីគេចពីការទទួលខុសត្រូវ។ មន្ត្រីឃ្លាំមើលសិទ្ធិមនុស្សយល់ឃើញថា រដ្ឋាភិបាលគួរតែជំរុញទៅម្ចាស់ក្រុមហ៊ុនដើម្បីឱ្យពន្លឿនការដោះស្រាយបញ្ហាជូនពលរដ្ឋពីព្រោះការអូសបន្លាយរយៈពេលយូរធ្វើប៉ះពាល់ជីវភាពពួកគាត់។
2024-09-29
កម្មករសំណង់ចំនួន៥នាក់ ស្លាប់ដោយសារដាច់ខ្សែកន្ត្រកយោង នៅការដ្ឋានសាងសង់មួយកន្លែងក្នុងរាជធានីភ្នំពេញ ។ សហជីពថា កម្មករវិស័យសំណង់នៅតែប្រឈមនឹងគ្រោះថ្នាក់ការងារកម្រិតខ្ពស់ និងស្នើដល់រដ្ឋាភិបាល ឲ្យកំណត់ប្រាក់ឈ្នួលអប្បបរមាសម្រាប់កម្មករលើវិស័យនេះ។
2024-09-28
សកម្មជនបក្សប្រឆាំងឱ្យដឹងថា សមត្ថកិច្ចម៉ាឡេស៊ីបានសម្រុកចូលចាប់ខ្លួនពលករខ្មែរ និងជាសមាជិកចលនាយុវជនកម្ពុជាសកលប្រចាំម៉ាឡេស៊ីម្នាក់ ឈ្មោះ នួន តឿន នៅល្ងាចថ្ងៃទី២៨ ខែកញ្ញា ពាក់ព័ន្ធរឿងលោកនិយាយរិះគន់រដ្ឋាភិបាលក្រុងភ្នំពេញលើបណ្ដាញសង្គម។
2024-09-28
ប្រពន្ធសកម្មជនបក្សប្រឆាំង ដែលកំពុងមានជំងឺមហារីកមាត់ស្បួនដំណាក់ កាលទី២ ស្នើឱ្យលោកហ៊ុន សែន និងលោក ហ៊ុន ម៉ាណែត ដោះលែងប្ដីឱ្យ សេរីភាព ដើម្បីមកជួបជុំគ្រួសារវិញ។ លោកស្រីចាត់ទុកការកាត់សេចក្ដីឱ្យប្ដីរបស់ លោកស្រីមានទោសជាប់ពន្ធនាគារ ជារឿងអយុត្តិធម៌ និងបង្កើតការឈឺចាប់ដល់គ្រួសារ។
2024-09-28
តំណាងប្រជាពលរដ្ឋ ព្រមទាំងព្រះសង្ឃខ្មែរមកពីទីក្រុងមួយចំនួនក្នុងប្រទេសនូវែលហ្សេឡង់ (New Zealand) ប្រមាណ ៥០អង្គ និងនាក់បានចេញលើកបដាធ្វើបាតុកម្ម និងដាក់ញត្តិនៅមុខរដ្ឋសភាប្រទេសនេះ ដើម្បីទាមទារឲ្យលោក ហ៊ុន សែន បង្ហាញចិត្តស្មោះត្រង់ក្នុងការដកខ្លួនកិច្ចសហប្រតិបត្តិការតំបន់ត្រីកោណអភិវឌ្ឍន៍ជាមួយឡាវ និងវៀតណាម (CLV-DTA) ព្រមទាំងស្នើឱ្យមានការផ្សះផ្សាជាតិតាមរយៈការស្ដារប្រជាធិបតេយ្យទើបកម្ពុជាអាចការពារបូរណភាពទឹកដី អធិបតេយ្យជាតិបានគង់វង្ស។
2024-09-28
ស្របពេលដែលពលរដ្ឋខ្មែរនៅកម្ពុជាកំពុងប្រារព្ធពិធីបុណ្យកាន់បិណ្ឌ និងភ្ជុំបិណ្ឌ នៅឯកម្ពុជាក្រោមឯណោះវិញ ខ្មែរក្រោមក៏កំពុងប្រារព្ធពិធីនេះដែរ។ ពួកគាត់ហៅថា ពិធីបុណ្យកាន់បិណ្ឌ និងភ្ជុំបិណ្ឌថា បុណ្យសែនដូនតា ដែលរយៈពេល ១៥ថ្ងៃ ដូចពលរដ្ឋខ្មែរនៅកម្ពុជាដែរ។
2024-09-27
សមាគមគ្រូបង្រៀនកម្ពុជាឯករាជ្យចាត់ទុកការបដិសេធរបស់សាលា រាជធានី ភ្នំពេញ ដែលមិនឱ្យប្រារព្ធទិវាគ្រូបង្រៀនពិភពលោកនៅទីលានប្រជាធិបតេយ្យនៅថ្ងៃទី៥ ខែតុលាខាងមុខថា ជាការរឹតត្បិតសេរីភាពសម្ដែងមតិ។
2024-09-27
ទឹកជំនន់នៅតាមខេត្តមួយចំនួន ក្បែរទន្លេមេគង្គ ចាប់ផ្ដើមស្រកចុះជាបណ្ដើរៗហើយ ប៉ុន្តែនៅតាមតំបន់ទំនាបមួយចំនួននៅតែបន្តរងការជន់លិចខ្លាំង ស្របពេលដែលពលរដ្ឋកំពុងខ្វះខាតស្បៀងអាហារ និងថ្នាំសង្កូវសម្រាប់ទ្រទ្រង់ការរស់នៅ។
2024-09-27
អ្នករិះគន់រដ្ឋាភិបាល និងអ្នកឃ្លាំមើលថា ប្រធានព្រឹទ្ធសភា លោក ហ៊ុន សែន បង្កើនការគំរាមកំហែងឆ្លងដែនលើអ្នកមាននិន្នាការផ្ទុយកាន់តែខ្លាំងថា ជាអំពើផ្ដាច់ការ និងរំលោភសិទ្ធិមនុស្សធ្ងន់ធ្ងរ។ ការលើកឡើងនេះ បន្ទាប់ពីលោក ហ៊ុន សែន បានប្រើប្រាស់គ្រប់វិធីសាស្ត្រដោយបញ្ជាឱ្យសមត្ថកិច្ចតាមចាប់ខ្លួនសកម្មជនបក្សប្រឆាំង និងអ្នករិះគន់រដ្ឋាភិបាលទាំងក្នុងប្រទេស និងក្រៅប្រទេស។
2024-09-26
ក្រោយមានការរិះគន់ពីប្រជាពលរដ្ឋមួយចំនួនជុំវិញព្រឹត្តិការណ៍ Gumball 3000 លោកនាយករដ្ឋមន្ត្រី ហ៊ុន ម៉ាណែត បានចេញមកប្រតិកម្ម ដោយលើកឡើងថា កម្មវិធីដាក់តាំងរថយន្តទំនើបនេះ កើតចេញពីការខិតខំប្រឹងប្រែងរបស់ក្រសួង និងអ្នកពាក់ព័ន្ធ ក្នុងគោលបំណងជំរុញឱ្យមានកំណើនវិស័យទេសចរណ៍។ តែអ្នកប្រកបរបរក្នុងវិស័យនេះ លើកឡើងថា ស្ថានភាពទេសចរណ៍នៅទីតាំង ដែលព្រឹត្តិការណ៍ Gumball បានទៅដល់ នៅតែគ្មានអ្វីល្អប្រសើរជាដុំកំភួននោះឡើយ។
2024-09-26
ពលរដ្ឋរិះគន់តុលាការ ដែលកាត់ទោសអតីតមន្ត្រីក្រសួងសេដ្ឋកិច្ច និងហិរញ្ញវត្ថុម្នាក់ ឱ្យជាប់គុក ត្រឹម៥ឆ្នាំ ក្រោយពីបុរសនេះ បើកឡានទាំងស្ថានភាពស្រវឹងបុករះ ធ្វើឱ្យមនុស្ស ៤នាក់បានស្លាប់ និង ៤នាក់ផ្សេងទៀតរបួសនៅម្ដុំស្ពានឫស្សីកែវ ខណ្ឌឫស្សីកែវ កាលពីថ្ងៃទី២០ ខែមករា។
