ប័ណ្ណសារព័ត៌មាន
2024-09-09
អភិបាលខេត្តកោះកុង អ្នកស្រី មិថុនា ភូថង ណែនាំប្អូនប្រុសបង្កើតដែលទើបតែចូលកាន់តំណែងជាអភិបាលក្រុងខេមរភូមិន្ទនៃខេត្តនេះ គឺលោក ភូថង សេរីវុឌ្ឍី ឱ្យបន្តទប់ស្កាត់ចលនាប្រឆាំងគម្រោងតំបន់ត្រីកោណអភិវឌ្ឍន៍កម្ពុជា ឡាវ និងវៀតណាម (CLV-DTA)។
2024-09-09
អ្នកឃ្លាំមើលវាយតម្លៃថា កម្ពុជានឹងមិនអាចលុបបំបាត់បញ្ហាឆបោកតាមអនឡាញ និងការជួញដូរមនុស្សបានទេ បើទោះបីជាមានកិច្ចសហការជាមួយចិនអនុវត្តច្បាប់ប្រឆាំងនឹងឧក្រិដ្ឋកម្មឆ្លងដែនទាំងនេះក្ដី។ ការវាយតម្លៃបែបនេះ បន្ទាប់ពីរដ្ឋមន្ត្រីក្រសួងមហាផ្ទៃ លោក ស សុខា បានបញ្ចប់ដំណើរទស្សនកិច្ចពីប្រទេសចិន ដោយស្នើឱ្យភាគីចិនបន្តជួយទប់ស្កាត់ប្រឆាំងឧក្រិដ្ឋកម្មឆ្លងដែនដូចជាបញ្ហាឆបោកតាមអនឡាញ និងជួញដូរមនុស្ស។
2024-09-09
អ្នកជំនាញផ្នែកអគ្គិសនីលើកឡើងថា ដើម្បីអាចជួយការពារ និងកាត់បន្ថយការជួបគ្រោះថ្នាក់នៃបាតុភូតរន្ទះ រដ្ឋាភិបាល និងស្ថាប័នពាក់ព័ន្ធគួរតែណែនាំពលរដ្ឋឱ្យបានយល់ដឹងជាពិសេសការប្រើប្រាស់ឧបករណ៍ការពាររន្ទះ។ ការលើកឡើងនេះធ្វើឡើងក្រោយពេលដែលមនុស្ស៥០នាក់បានស្លាប់ និងរបួសចំនួន៤៣នាក់ ដោយសារបាតុភូតរន្ទះបាញ់ក្នុងរយៈពេល ៨ខែ ឆ្នាំ២០២៤នេះ ។
2024-09-09
សាច់ញាតិសកម្មជនបរិស្ថានទទូចដល់រដ្ឋាភិបាលលោក ហ៊ុន ម៉ាណែត ឱ្យបញ្ឈប់ប្រើប្រាស់គុកច្រវាក់ដើម្បីពង្រាត់ក្រុមគ្រួសាររបស់ពួកគាត់ឱ្យរស់នៅបែកបាក់គ្នា និងរងសម្ពាធផ្លូវចិត្តគ្រួសារតទៅទៀត។ មន្ត្រីសិទ្ធិមនុស្សយល់ឃើញថា រដ្ឋាភិបាលត្រូវដោះលែងអ្នកជាប់ឃុំទាំងអស់ដែលរដ្ឋាភិបាលចោទប្រកាន់តែគ្មានកំហុសឱ្យបានជួបជុំគ្រួសារឡើងវិញ និងដើម្បីផ្សះផ្សាជាតិ។
2024-09-09
ប្រធានព្រឹទ្ធសភាលោក ហ៊ុន សែន នឹងដឹកនាំមន្ត្រីកម្ពុជាជាច្រើននាក់ទៅចូលរួមកិច្ចប្រជុំអន្តរជាតិរយៈពេល៥ថ្ងៃ ជាលើកដំបូងនៅប្រទេសកូរ៉េខាងត្បូង ចាប់តាំងពីលោកផ្ទេរអំណាចនាយករដ្ឋមន្ត្រីឱ្យកូនប្រុសគឺលោក ហ៊ុន ម៉ាណែត មក។ ប៉ុន្តែពលរដ្ឋខ្មែរប្រកាសធ្វើបាតុកម្មប្រឆាំងលោកដែលពួកគាត់មើលឃើញថា កម្ពុជាកំពុងតែមានវិបត្តិនយោបាយនិងវិបត្តិផ្សេងៗទៀត ចាក់ស្រេះនៅក្នុងសង្គមនោះ ហើយលោក ហ៊ុន សែន មិនអាចធ្វើជាគំរូនៃមេដឹកនាំដោះស្រាយ វិបត្តិនយោបាយ ផ្សះផ្សាផ្លូវចិត្តសម្រាប់ពិភពលោកបានឡើយ។
2024-09-09
តុលាការកំពូលបន្តតម្កល់សេចក្ដីសម្រេចរបស់តុលាការជាន់ទាបប្រឆាំងនឹងលោក វន់ ពៅ
2024-09-08
កម្មករធ្វើការក្នុងវិស័យរោងចក្រទទូចឱ្យភាគីរដ្ឋាភិបាលជំរុញទៅថៅកែរោងចក្រសហគ្រាសដំឡើងប្រាក់ឈ្នួលអប្បបរមាសមរម្យដើម្បីឆ្លើយតបទៅនឹងជីវភាពរស់នៅប្រចាំថ្ងៃរបស់ពួកគាត់។ លើកឡើងរបស់កម្មករនេះ គឺបន្ទាប់ពីក្រុមប្រឹក្សាជាតិប្រាក់ឈ្នួលអប្បបរមាបានរៀបចំកិច្ចប្រជុំចរចាប្រាក់ឈ្នួលត្រីភាគីជាលើកទី៣ ដោយភាគីនិយោជក ឬថៅកែដំឡើងប្រាក់ឈ្នួលឱ្យកម្មករចំនួន ២ដុល្លារ ខណៈសហជីពតំណាងឱ្យកម្មករទាមទារដំឡើងប្រាក់ឈ្នួលចំនួន១០ដុល្លារ។
2024-09-08
ពលរដ្ឋមួយចំនួន នៅខេត្តបាត់ដំបងត្អូញត្អែរអំពីបញ្ហាតម្លៃស្រូវធ្លាក់ចុះ ខណៈពួកគាត់បានចំណាយថ្លៃដើមច្រើន។ មន្ត្រីអង្គការសង្គមស៊ីវិល ស្នើដល់រដ្ឋាភិបាល និងស្ថាប័នពាក់ព័ន្ធគួរតែស្ដាប់នូវក្ដីកង្វល់ និងរកដំណោះស្រាយជូនពលរដ្ឋ។
2024-09-08
អ្នកប្រើប្រាស់បណ្តេញសង្គម និងអ្នកឃ្លាំមើលនយោបាយកម្ពុជា ចាត់ទុកកូនទាំង៥នាក់របស់លោក ហ៊ុន សែន ប្រធានព្រឹទ្ធសភា មិនមែនជាគ្រាប់ពេជ្រទេ តែជាក្រុមមេដឹកនាំដែលនាំគ្រោះដល់ប្រជាជាតិខ្មែរ។
2024-09-07
កម្មករម្នាក់ សុំមិនបញ្ចេញឈ្មោះ ដោយបារម្ភពីសុវត្ថិភាព ប្រាប់ឲ្យដឹងថា នៅក្នុងក្រុមហ៊ុន ថាកូ អាការី មានទាំងកម្មករជាជនជាតិខ្មែរ និងវៀតណាម ប៉ុន្តែជនជាតិវៀតណាមជាមេការគ្រប់គ្រងកម្មករខ្មែរ ដោយតម្រូវកម្មករខ្មែរចំនួន១២នាក់មានជនជាតិវៀតណាមម្នាក់ជាគ្រប់គ្រង ។ លោកបន្ថែមថា បច្ចុប្បន្នលោកធ្វើការក្នុងមួយខែទទួលប្រាក់ខែ៩២ម៉ឺនរៀល ហើយលោកត្រូវវេចបាយពីផ្ទះទៅហូបដើម្បីសន្សំប្រាក់។
2024-09-07
ប្រជាពលរដ្ឋដែលរងផលប៉ះពាល់ពីគម្រោងព្រែកជីកហ្វូណន ព្រួយបារម្ភអំពីការផ្ដល់សំណងមិនសមរម្យដល់ពួកគាត់ ខណៈពួកគាត់មិនទាន់ទទួលបានព័ត៌មាន ទាក់ទងនឹងដំណោះស្រាយពីរដ្ឋាភិបាលនៅឡើយ។ សង្គមស៊ីវិលជំរុញឱ្យរដ្ឋាភិបាលគិតគួរពន្លឿនដំណោះស្រាយឱ្យបានត្រឹមត្រូវ។
2024-09-07
សហមេធាវីរបស់លោក កឹម សុខា គ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញឆាប់ៗនេះដើម្បីបញ្ជាក់ពីភាពស្អាតស្អំរបស់មេបក្សប្រឆាំងលោក កឹម សុខា។ មន្ត្រីសិទ្ធិមនុស្សយល់ថាលោក កឹម សុខា នឹងទទួលបានយុត្តិធម៌ និងសេរីភាពមកវិញនៅពេលកម្ពុជាមានដោះស្រាយនយោបាយ។
2024-09-07
ប្រជាពលរដ្ឋ កំពុងតវ៉ារឿងដីធ្លីនៅតំបន់២ ដែលជាដីអាចអាស្រ័យផល តែមិនអាចធ្វើជាម្ចាស់កម្មសិទ្ធិ នៅខេត្តបន្ទាយមានជ័យ កំពុងកើតទុក្ខមិនសុខចិត្ត ក្រោយអាជ្ញាធរខេត្តនេះ បានគំរាមកំហែង និងប្រើប្រាស់ឧបាយកល បង្ខំឱ្យពួកគាត់ផ្ដិតមេដៃទទួលយកក្បាលដី តាមយន្តការចាប់ឆ្នោតដោះដូរ។ វិធានការដ៏ឆេវឆាវរបស់អាជ្ញាធរនេះ បានធ្វើឱ្យពលរដ្ឋខ្លះ បាត់បង់ដីស្រែ និងខ្លះទៀត បាត់បង់ដីលំនៅឋាន។
2024-09-07
នាវាចម្បាំងចិន ២គ្រឿងផ្តល់ឲ្យកម្ពុជា ជំរុញឲ្យសហរដ្ឋអាមេរិក និងប្រទេសមួយចំនួនទៀតក្នុងតំបន់ បារម្ភពីវត្តមាននាវាចិនជាអចិន្ត្រៃយ៍ នៅឈូងសមុទ្ទថៃ។ ក្តីបារម្ភនេះ ធ្វើឡើងក្រោយពីមន្ត្រីក្រសួងការពារជាតិកម្ពុជា ប្រាប់ទីភ្នាក់ងារព័ត៌មាន អេភី (AP) កាលពីថ្ងៃទី៤ ខែកញ្ញាថ្មីៗ នេះថា ចិនបានផ្តល់នាវាចម្បាំងពីរគ្រឿង ដែលបានចតនៅកំពង់ផែរាមអស់ជាច្រើនខែមកនេះ ខណៈដែលប្រទេសចិន បានផ្តល់ជំនួយថវិកាធ្វើទំនើបកម្ម នៅមូលដ្ឋានកងទ័ពជើងទឹករាម ក្នុងខេត្តព្រះសីហនុ។
2024-09-06
នាទីវេទិកាអ្នកស្ដាប់វិទ្យុអាស៊ីសេរី នារាត្រីថ្ងៃសុក្រ ទី៦ កញ្ញា ជជែកពិភាក្សាលើប្រធានបទ៖ តើប្រាក់ចណូលបានពីការជីកមាសរាប់រយរាប់ពាន់គីឡូក្រាមនៅខេត្តមណ្ឌលគិរី រដ្ឋាភិបាលយកទៅធ្វើអ្វី បានជាចាំបាច់ត្រូវប្រមូលលុយពីពលរដ្ឋ យកទៅអភិវឌ្ឍន៍ខេត្តនេះវិញ? យុទ្ធនាការប្រមូលលុយរបស់លោក ហ៊ុន ម៉ាណែត ថា យកទៅសាងសង់ហេដ្ឋារចនាសម្ព័ន្ធនៅតាមព្រំដែន មានស្ពានថ្នល់ជាដើមនោះ កំពុងនាំឱ្យមានការវែកញែកជាច្រើន នៅតាមតូបកាហ្វេ និងតាមបណ្ដាញសង្គម។
