ເຄື່ອນຍ້າຍໄມ້ຫຼົບຫຼີກ ທາງການ

ສິດນີ
2016-06-07
ອີແມວລ໌
ຄໍາເຫັນ
Share
ພິມ
ຣົດໄມ້ຊາວວຽດນາມ ບໍ່ສາມາດແກ່ໄປ ດ່ານນໍ້າພາວ ແຂວງບໍຣິຄຳໄຊໄດ້ ເລີຍເອົາໄປຝາກໄວ້ ກັບໂຮງເລື່ອຍໂຊກໄຊ ບ້ານທົ່ງໃຫ່ຍ ເມືອງປາກຊັນ ແຂວງບໍລິຄຳໄຊ ພາບຖ່າຍ 6/6/2016 ເວລາ 4:45 ໂມງແລງ
ຣົດໄມ້ຊາວວຽດນາມ ບໍ່ສາມາດແກ່ໄປ ດ່ານນໍ້າພາວ ແຂວງບໍຣິຄຳໄຊໄດ້ ເລີຍເອົາໄປຝາກໄວ້ ກັບໂຮງເລື່ອຍໂຊກໄຊ ບ້ານທົ່ງໃຫ່ຍ ເມືອງປາກຊັນ ແຂວງບໍລິຄຳໄຊ ພາບຖ່າຍ 6/6/2016 ເວລາ 4:45 ໂມງແລງ
Citizen Journalist

ຫລັງຈາກ ຣັຖບານ ອອກຄຳສັ່ງ ເລກທີ 15 ລົງວັນທີ 13 ພຶສພາ ຜ່ານມາ, ທີ່ຫ້າມການ ສົ່ງແລະຕັດໄມ້ ເດັດຂາດ, ບັນດາ ພວກພໍ່ຄ້າໄມ້ ຢູ່ແຂວງ ບໍຣິຄຳໄຊ ກໍພາກັນ ຂົນໄມ້ໄປ ເຊື່ອງໄວ້ ໃນປ່າ ແລະ ຢູ່ຕາມໂຮງເລື່ອຍ ຕ່າງໆ ເຂດຫລັກ 20 ແລະ ຕາມເມືອງອື່ນໆ ເພື່ອຫລົບຫລີກ ການກວດກາ ຂອງ ຣັຖບານ. ດັ່ງຊາວບ້ານ ທີ່ ແຂວງ ບໍຣິຄຳໄຊ ທ່ານນຶ່ງ ຜູ້ບໍ່ປະສົງ ອອກຊື່ ໄດ້ກ່າວຕໍ່ ເອເຊັຽເສຣີ ໃນວັນທີ 5 ພຶສພາ ນີ້ວ່າ:

"ໂອຍບອກສາຍກວດ ລົງມາ ຮັກສາເອົາ ແດ່ແມ້ ເມືອງຄຳເກີດ ແຂວງ ບໍຣິຄຳໄຊ ເຕັມໝົດ ເລີຍນະ ໄມ້ເຂົາເຊື່ອງ ຍັງຫຼາຍ 10 ພັນ ແມັດກ້ອນ ນ່າ ເມືອງຄຳເກີດ ມັນ ໜ້ອຍດຽວນຶ່ງນ້າ ຂັ້ນຖ້າວ່າ ມີສາຍກວດກາ ລົງມາແທ້ໆ ກະຢູ່ ຈັກສອງມື້ ກະຮູ້ໂລດ ດຽວນີ້ ເຂົາເລີ້ມຕັດ ມາຮອດ ເຂດຊາຍແດນ ເລກ 8 ລະບາດນີ້ ໂອ້ ອັນຕະລາຍ".

ປະຊາຊົນທ່ານນີ້ ກ່າວຕື່ມອີກວ່າ ພວກພໍ່ຄ້າ ຈະຂົນສົ່ງໄມ້ ໃສ່ຣົດ ແລ້ວເອົາ ຜ້າເຕັ້ນປົກ ເພື່ອບໍ່ໃຫ້ ຄົນຮູ້ວ່າ ເປັນໄມ້ທ່ອນ ໃນເວລາ ທີ່ສົ່ງອອກໄປ ປະເທດ ວຽດນາມ. ໃນວັນທີ 6 ເດືອນ ມິຖຸນາ ຜ່ານມາ ກໍມີປະຊາຊົນ ຢູ່ແຂວງ ບໍຣິຄຳໄຊ ຣາຍງານວ່າ ຣົດຂົນໄມ້ ຂອງວຽດນາມ ບໍ່ສາມາດແກ່ໄມ້ ໄປດ່ານນໍ້າພາວ ແຂວງ ບໍຣິຄຳໄຊ ໄດ້, ເລີຍຈຳຕ້ອງ ເອົາໄປຝາກ ໄວ້ກັບ ໂຮງເລື່ອຍໂຊກໄຊ ຢູ່ ບ້ານທົ່ງໃຫຍ່ ເມືອງປາກຊັນ ແຂວງ ບໍຣິຄຳໄຊ ໂດຍບອກວ່າ ເປັນຂອງ ນາງ ນົກ ຫລື ເຈນົກ ຜູ້ມີອິດທິພົນ ໃນ ເຂດນັ້ນ.

ໃນວັນດຽວກັນ ກໍມີຣາຍງານ ຈາກ ແຂວງ ສາຣະວັນ ວ່າ ມີການແກ່ໄມ້ ອອກໄປດ່ານ ຊາຍແດນ ລາວ-ວຽດນາມ ຢູ່ ເມືອງສະໝ້ວຍ ແຂວງ ສາຣະວັນ ໄປແຂວງ ກວາງຈິ ຂອງ ວຽດນາມ.

ກ່ຽວກັບ ບັນຫາ ການລັກລອບ ຕັດໄມ້ ອອກໄປ ປະເທດ ວຽດນາມ, ທ່ານ ທອງລຸນ ສີສຸລິດ ນາຍົກ ຣັຖມົນຕຣີລາວ ກໍໄດ້ຮຽກຮ້ອງ ໃຫ້ ປະຊາຊົນ ລາວ ໃຫ້ຄວາມ ຮ່ວມມື ເປັນຫູ ເປັນຕາ ຊ່ອຍເຈົ້າຫນ້າທີ່ ໃນການ ປາບປາມ ກຸ່ມຄົນບໍ່ດີ ດັ່ງກ່າວ.

ຄໍາເຫັນ (3)
Share

ວຽງ​ທອງ

ຈາກ ໜອງ​ບົກ

ໃນ​ຄວາມ​ເປັນ​ຈິງ​ແລ້ວ ເຂົາ​ເຮັດ​ກັນ​ເປັນ​ຂະ​ບວນ​ການ​ໃຫ່​ຍ ລະ​ກະ​ມີ​ນັກ​ການ​ເມືອງ​ລະ​ດັບ​ເຈົ້າ​ແຂວງ ຫຼື ອະ​ດີດ​ເຈົ້າ​ແຂວງ ເປັນ​ຜູ້ຢູ່​ເບື້ອງຫຼັງ. ຊັ້ນ​ເຂົາ​ເຮັດ​ບໍ່​ໄດ້​ແນ່ນອນ. ອັນ​ທີ່​ເຫັນ​ແມ່ນ​ຈຳ​ນວນ​ໜ້ອຍ​ດຽວ​ເທົ່າ​ນັ້ນ ອັນ​ທີ່​ຈິງ​ລະ​ເຂົາ​ຂົນ​ໄປຫຼາຍກວ່າ​ຫັ້ນ​ເປັນ 10 ເທື່ອ. ຂົນ​ທັງ​ເຊົ້າ​ທັງ​ແລງ ໃສ່​ລົດ​ໄຖ​ນາ​ເດີນ​ຕາມ ໃສ່​ລົດ​ຈັກ ຮົດ​ຮຸນ​ໄດ​ອອກ​ໄປ​ຕາມ​ຮ່ອມ​ພູ​ຫັ້ນ​ບໍ່​ອຶດ ເຫັນ​ທຸກມື້ ທາກງເມືອງ​ຍົມ​ມະ​ລາດ ໜອງ​ບົກໄທ​ເຮົາ​, ຈົນ​ໜ່າຍ​ຕາ. ລະ​ອັນ​ທີ່​ວ່າ​ລົດ​ເມ​ລະ​ເບີດ​ຫັ້ນ ກະ​ບໍ່​ແມ່ນ​ລະ​ເບີດ​ຍ້ອນ​ກະ​ໂພກ ແຕ່ຕາມ​ໄດ້​ລົມ​ກັບ​ລູກຫຼານ​ຜູ້​ເຂົາ​ໄປ​ເຮັດ​ຄະ​ດີວ່າ ເຖົ້າ​ແກ່​ໄມ້ມັນ​ຕັ້ງພາ​ກັນ​ວາງ​ລະ​ເບີດໃສ່ ເພື່ອ​ໃຫ້​ເປັນ​ຂ່າວ​ລະບ່ຽງ​ຄວາມ​ສົນ​ໃຈ​ຂອງ​ຕຳຫຼວດ ລະ​ຈັ່ງ​ຊິ​ໄດ້​ຂົນ​ໄປ​ທາງ​ອື່ນແທນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 09, 2016 02:11 PM

LAONOR

LAODENG D'ONT PLAY MOVIE. THE LAODENG EXPORT THE TIMBERS. YOU CHECK WHIT LENGSAVATH ANG BOUNGNANG VORACHTH ONLY


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 08, 2016 01:26 PM

ຄ.ນະຄຳມ່ວນ

ຈາກ ທ່າແຂກ

ນາຍົກຣັຖມົນຕຣີ ສປປລາວ ທອງລຸນ ສີສຸລິດ ນັ່ງເຊັນຄຳສັ່ງຢູ່ ຫ້ອງແອ ຕາມກະແສຟອງ ຂອງການປະຕິວັຕ ຄືທິດສະດີນ້ຳເຕົ້າເປົາ ດັງໄກຄວາມຈັງໄຮຄືເກົ່າ ສລອງກັບຕຳແຫນ່ງໃຫມ່ ພໍໃຫ້ຮູ້ວ່າ : ຈະເອົາຈິງເອົາຈັງແບບ ດີ, ດັງ, ດັບ ຄັກແທ້ໆນໍ້ ສະຫາຍ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 08, 2016 01:24 PM

ເຕັມຫນ້າ