ສຳພາດ ນັກລົບເກົ່າ ໃນພິທີມອບ-ຮັບ ສິ່ງບອກເລົ່າໃນສະໄໝສົງຄາມ
2024.09.11
ຄະນະຜູ້ແທນສະມາຄົມນັກລົບເກົ່າ ກອງທັບແຫ່ງພຣະຣາຊອານາ ຈັກລາວ ເຂົ້າຮ່ວມພິທີມອບຮັບສິ່ງບອກເລົ່າໃນສະໄໝສົງຄາມ ທີ່ຫໍສະໝຸດລັດຖະສະພາສະຫະລັດ ຈັດຂຶ້ນທີ່ນະຄອນຫຼວງວໍຊິງຕັນ ດີຊີ ໃນມື້ວັນທີ 10 ກັນຍາ 2024.
RFA
ຄະນະຜູ້ແທນສະມາຄົມນັກລົບເກົ່າ ກອງທັບແຫ່ງພຣະຣາຊອານາຈັກລາວ ປະຈໍາລັດຈໍເຈຍ ສະຫະລັດອາເມຣິກາ ນໍາໂດຍທ່ານ ມະນູນສັກ ອາທະຂັນ ໄດ້ເຂົ້າຮ່ວມພິທີຮັບຮູ້ການມອບສິ່ງບອກເລົ່າໃນສະໄໝສົງຄາມ ທີ່ຫໍສະໝຸດ ລັດ ຖະສະພາສະຫະລັດ ໄດ້ຈັດຂຶ້ນຢູ່ນະຄອນຫຼວງ ວໍຊິງຕັນ ດີຊີ ສະຫະລັດອາເມຣິກາ ໃນມື້ວັນທີ 10 ກັນຍາ 2024 ນີ້.
ຫໍສະໝຸດລັດຖະສະພາສະຫະລັດ ໄດ້ຕ້ອນຮັບນັກລົບເກົ່າ ຂອງກອງທັບແຫ່ງພຣະຣາຊອານາຈັກລາວ ແລະໜ່ວຍລົບພິເສດ SGU ຢ່າງອົບອຸ່ນ ຊຶ່ງທ່ານ Ryan Wolfson-Ford ຜູ້ຮັບຜິດຊອບພະແນກເອເຊັຍ ຂອງຫໍສະໝຸດລັດຖະສະພາສະຫະລັດ ເຈົ້າພາບຈັດງານ ໄດ້ກ່າວເຖິງຈຸດປະສົງຂອງງານນີ້ ຕໍ່ວິທຍຸເອເຊັຍເສຣີ ໃນຕອນນຶ່ງວ່າ:
“........…ສຽງ........…”
ທ່ານກ່າວວ່າ ຈຸດປະສົງຂອງງານໃນມື້ນີ້ ແມ່ນເພື່ອເປັນການຕ້ອນຮັບ ບັນດານັກຮົບເກົ່າ ຂອງກອງທັບແຫ່ງພຣະຣາຊອານາຈັກລາວ ແລະໜ່ວຍລົບພິເສດ ທີ່ເຄີຍໄດ້ສູ້ຮົບຢູ່ປະເທດລາວ ໃນສະໄໝສົງຄາມຫວຽດນາມ ແລະຜູ້ທີ່ໄດ້ມອບບົດສໍາພາດຕ່າງໆ ໃຫ້ຫໍສະໝຸດ ລັດຖະສະພາສະຫາຣັດ ເກັບຮັກສາໄວ້ເພື່ອອານາຄົດ ໃຫ້ນັກຄົ້ນຄ້ວາ ແລະ ເພື່ອໃຫ້ຜູ້ທີ່ຢາກຍົກສູງຄວາມຮູ້ ກ່ຽວກັບສົງ ຄາມຢູ່ລາວ ມາຊົມໃຊ້.
ຕໍ່ພິທີດັ່ງກ່າວ ທ່ານ ມະນູນສັກ ອາທະຂັນ ນາຍທະຫານໜ່ວຍລົບພິເສດຢູ່ລາວ ໄດ້ກ່າວເຖິງຄວາມສໍາຄັນຂອງງານ ແລະຄວາມຮູ້ສຶກຂອງຕົນວ່າ:
“........…ສຽງ........…”
ພ້ອມກັນນັ້ນ ດຣ. ສຸຂີ ຣາຊະສັກ ຄລັກ ລູກສາວຂອງນາຍທະຫານ ກອງທັບແຫ່ງພຣະລາຊະອານາຈັກລາວ ຜູ້ທີ່ໄດ້ຖືກໄປສໍາມະນາ ຢູ່ພາກເໜືອຂອງລາວເປັນເວລາ 16 ປີ ກໍກ່າວວ່າ:
“........…ສຽງ........…”
ໃນຂະນະດຽວກັນ ຍານາງ ດີນາ ອູດົມສິນ ນັກຕໍ່ສູ້ເພື່ອເສລີພາບ ກໍກ່າວວ່າ:
“........…ສຽງ........…”
ແລະທ່ານ ຕຸ້ຍ ທີລາວົງ ອາດີດຜູ້ຊີ້ນໍາທິດທາງການບິນ ໜ່ວຍລົບພິເສດ ກໍກ່າວວ່າ:
“........…ສຽງ........…”
ໃນການປະກອບສ່ວນ ເຂົ້າໃນກິດຈະການຫໍສະໝຸດລັດຖະສະພາສະຫະລັດມາດາມ Susan Caolo ໄດ້ຜູ້ປະກອບສ່ວນ ສະໜັບສະໜູນ, ຜູ້ດໍາເນີນການສໍາພາດ ເພື່ອຫໍສະໝຸດ ລັດຖະສະພາສະຫະລັດ ກໍກ່າວເຖິງວຽກງານ ທີ່ຕົນໄດ້ປະກອບສ່ວນ ເຂົ້າໃນການຮິບໂຮມ ຮວມທັງຄໍາເວົ້າ, ເອກະສານ, ຮູບພາບ ເພື່ອຫໍສະໝຸດນັ້ນວ່າ:
“........…ສຽງ........…”
ມາດາມ Susan Caolo ກ່າວຕື່ມອີກວ່າ ຂ້າພະເຈົ້າໄດ້ເລີ່ມຕົ້ນ ໂດຍໄດ້ຮັບຄ່າຕອບແທນ ໃນປີ 2017 ເພື່ອໃຫ້ຂ້າພະເຈົ້າເຮັດໂຄງ ການປະຫວັດສາດຂອງນັກຮົບເກົ່າ. ແລະຂ້າພະເຈົ້າກໍໄດ້ປະຕິບັດຕາມຂັ້ນຕອນ ຂອງເອກະສານ ໃນຫໍສະຫມຸດລັດຖະສະພາ ຂ້າພະເຈົ້າກໍໄດ້ຕັ້ງມາຕະຖານຂອງຂ້າພະເຈົ້າ ສູງ. ມີທະຫານຜ່ານເສິກຫວຽດນາມຄົນໜຶ່ງ ບອກຂ້າພະເຈົ້າວ່າ ຂ້າພະເຈົ້າຄວນລົມກັບທ່ານ Jimmy ອາທະຂັນ, ເຊິ່ງເປັນຄົນລາວ ຈາກໜ່ວຍລົບພິເສດ SGU ຊຶ່ງຂ້າພະເຈົ້າ ບໍ່ຮູ້ຫຍັງເລີຍກ່ຽວກັບເລື້ອງນີ້, ແຕ່ຂ້າພະເຈົ້າ ກໍໄດ້ໄປໂອ້ລົມນໍາເພີ່ນ.
ນັ້ນຄືພື້ນຖານເລັກນ້ອຍຂອງຂ້າພະເຈົ້າໃນການສໍາພາດ, ແລະຂ້າພະເຈົ້າກໍໄດ້ໄປສໍາພາດຜູ້ຄົນຢູ່ປະເທດຕ່າງໆ. ແຕ່ຕອນນີ້ ຂ້າພະເຈົ້າຢູ່ Atlanta, ລັດຈໍເຈຍ, ໄດ້ເດີນທາງທ່ຽວສໍາພາດຄົນລາວ.
ບົດສາລະຄະດີນີ້ ຍັງມີຕໍ່ພາກ 2. ສະບາຍດີ.
