ຄົນງານລາວບໍ່ພໍໃຈ ຄ່າທໍານຽມ ຢູ່ດ່ານແພງ

ສຸພັດຕາ
2019-04-10
ອີແມວລ໌
ຄໍາເຫັນ
Share
ພິມ
ຂົວ ມິຕພາບ ລາວ-ໄທ ແຫ່ງທີ່ 2 ຣະຫວ່າງ ແຂວງສວັນນະເຂດ ກັບ ແຂວງມຸກດາຫານ ປະເທດໄທ
ຂົວ ມິຕພາບ ລາວ-ໄທ ແຫ່ງທີ່ 2 ຣະຫວ່າງ ແຂວງສວັນນະເຂດ ກັບ ແຂວງມຸກດາຫານ ປະເທດໄທ
RFA

ປະຊາຊົນແຂວງສະຫວັນນະເຂດ ຈໍານວນນຶ່ງ ບໍ່ພໍໃຈທີ່ລູກຫຼານ ໄປເຮັດວຽກຢູ່ໄທເວລາກັບມາສລອງບຸນປີໃໝ່ລາວ ແລ້ວຖືກເຈົ້າໜ້າທີ່ ດ່ານຂົວມິຕພາບ ສະຫວັນນະເຂດ-ມຸກດາຫານ ເກັບຄ່າຜ່ານແດນ ຄົນລະ 300 ບາດ, ດັ່ງຄົນງານລາວ ທີ່ເຮັດວຽກ ຢູ່ໄທ ຈາກແຂວງ ສະຫວັນນະເຂດ ທ່ານນຶ່ງ ກ່າວຕໍ່ ວິທຍຸເອເຊັຍເສຣີ ໃນວັນທີ 10 ເມສາ ນີ້ວ່າ:

“ທີ່ວ່າສ່ວນເພິ່ນເກັບ 300 ນິ່ ມັນເກີນບໍໍ່, ນ້ອງວ່າມັນກໍເກີນໄປ ແລ້ວເງິນສ່ວນນີ້ ໄປຢູ່ສ່ວນໃດ ຄືສວຍໂອກາດຂອງພະນັກງານຣັຖບໍ, ກໍຢ່າງ ນ້ອຍກໍ 100 ນຶ່ງ ກໍຄົນໃນປະເທດເອງ.”

ນອກຈາກຄົນງານລາວຜູ້ນີ້ແລ້ວ ໃນສື່ສັງຄົມອອນລາຍ ຫຼື ເຟສບຸຄ ກໍມີຄົນງານລາວ ແລະ ສື່ຂ່າວ (ABC LAOS NEWS) ທີ່ໂພສຂໍ້ ຄວາມວ່າ: ດ່ານຂົວມິຕພາບ ສະຫວັນນະເຂດ-ມຸກດາຫານ ມີການຮຽກເກັບເງິນຄົນລາວ ທີ່ກັບໄປຢາມຄອບຄົວ ຜູ້ລະ 300 ບາດ ເປັນຄ່າ ທໍານຽມ ແຈ້ງເອກກະສານຂາເຂົ້າ ແລະເຣີ້ມເກັບມາຕັ້ງແຕ່ວັນທີ 5 ເມສາ 2019 ນີ້ແລ້ວ, ຊຶ່ງການເກັບນັ້ນ ບໍ່ສົມເຫດສົມຜົນຍ້ອນແພງ ເກີນໄປ.

ກ່ຽວກັບເຣື່ອງທີ່ວ່ານີ້ ເຈົ້າໜ້າທີ່ຫ້ອງການຂົວ ມິຕພາບ ລາວ-ໄທ ແຫ່ງທີ 2 ສະຫວັນນະເຂດ-ມຸກດາຫານ ກໍໄດ້ປະຕິເສດກັບ ວິທຍຸເອເຊັຍ ເສຣີວ່າ: ເຣື່ອງທີ່ມີການໂພສແຊກັນນັ້ນ ບໍ່ແມ່ນຄວາມຈິງ ດັ່ງທ່ານກ່າວວ່າ:

“ຂະເຈົ້າລົງເວົ້າຢູ່ໃນເນັດ, ເຮົາກໍບໍ່ຮູ້ຄືກັນ ຢູ່ຫັ້ນເຮົາກໍບໍ່ຮູ້ຄືກັນໂຕນີ້ ເພາະວ່າເຮົາບໍ່ໄດ້ໄປເກັບ, ໃຊ້ປື້ມຜ່ານແດນ ມັນບໍ່ໄດ້ເກັບຄືເຂົາເວົ້າຢູ່ ຫາກເຮົາບໍ່ຮູ້ຄືກັນໂຕນີ້ນະ ເຂົາແກ້ໄຂແນວໃດ ແລ້ວຫຼືຍັງ ເພາະວ່າສ່ວນຫຼາຍກໍໃຊ້ແຕ່ປື້ມຜ່ານແດນ ບໍ່ໄດ້ເກັບ.”

ໃນຣະຍະບຸນປີໃໝ່ລາວ ປີ 2019 ນີ້, ຣັຖບານໄທ ໄດ້ປະກາດຍົກເລີກເກັບເງິນ ຂາເຂົ້າ-ຂາອອກ ຈາກຄົນງານຕ່າງປະເທດ ທີ່ເຮັດວຽກ ຢູ່ໄທ, ເພື່ອຫຼຸດຄ່າໃຊ້ຈ່າຍ ຂອງຄົນງານ ໃນເວລາທີ່ກັບໄປຢາມຄອບຄົວ ທີ່ບ້ານເກີດ, ແຕ່ຣັຖບານລາວນັ້ນ ຍັງບໍ່ມີ ຄໍາສັ່ງໃຫ້ຍົກເລີກ ເກັບເງິນ, ຕາມປົກກະຕິແລ້ວ ເຈົ້າໜ້າທີ່ຈະຕ້ອງເກັບຄ່າ ເອກກະສານ ແລະຄ່າທໍານຽມ ຕາມຄວາມເໝາະສົມ, ແຕ່ການເກັບ 300 ບາດ ຢູ່ດ່ານດັ່ງກ່າວນີ້ ຕາມຄວາມຄິດເຫັນ ຂອງປະຊາຊົນແລ້ວ ແມ່ນບໍ່ພໍໃຈ ຍ້ອນເກັບແພງເກີນໄປ.

ຄໍາເຫັນ (2)
Share

ລາວຕາມໃຈ

ຈາກ ແຕ່ບໍ່ພໍໃຈ

ທີ່ມາທີ່ໄປຂອງການເກັບ ແມ່ນເປັນປະເພນີກິນບ້ານກິນເມືອງ ເອົາປຽບປະຊາຊົນ ເລີ້ມຕັ້ງແຕ່ດ່ານທ່າເຮືອລະຫວ່າງສະຫວັນນະເຂດ-ມຸກດາຫານ
1. ່ຕມ. ລາວ ຂາອອກ ປົກກະຕິເກັບ 100ບາດ
2. ຕມ. ລາວ ຂາເຂົ້າ ປົກກະຕິເກັບ 100ບາດ
3. ຕມ. ໄທ ຂາເຂົ້າ ໃຫ້ສະມາຄົບທ່າເຮືອເກັບຄົນລາວຜູ້ລະ 200ບາດ
4. ຕມ. ໄທ ຂາອອກ ປົກກະຕິບໍ່ໄດ້ເກັບ

Apr 10, 2019 04:30 PM

ລາວເປັນລາວ

ຈາກ ລາວລວມສູນ

ສະຫຼຸບວ່າການເກັບຄ່າດ່ານບໍ່ມີໃບບິນເກັບເງິນ ແມ່ນເກັບຈາກທັງຕຳຫລວດ ຕມ.ລາວ ແລະ ຕມ.ໄທ ທັງຝັ່ງລາວແລະໄທສະເພາຂົວມິດຕະພາບ 2 ມັນເປັນມາຕັ້ງແຕ່ເປິດຂົວແລ້ວເດີ້ ດັ່ງນີ້:
1). ຂາອອກ ຕມ.ລາວ ຸຖ້າເຈົ້າໜ້າທີ່ ຕມ.ລາວ ຮູ້ໄດ້ວ່າໄປຂາຍແຮງງານຢູ່ໄທ ຈະເກັບ200ບາດ.
2). ຂາເຂົ້າ ຕມ.ໄທ ຖ້າເຈົ້າໜ້າທີ່ ຕມ.ໄທ ຮູ້ໄດ້ວ່າໄປຂາຍແຮງງານຢູ່ໄທ ຈະເກັບຢ່າງໜ້ອຍ 100-200ບາດ. ສ່ວນຄົນທົ່ວໄປເກັບ 40-100 ສຳລັບປື້ມ່ຜ່ານແດນ ສ່ວນປາສະປໍເກັບ 100ບາດ ໃນແບບຟອມຂອງໄທ ຖ້າຍື່ນເຈົ້າໜ້າທີ່ ຕມ.ໄທ ຈະໄລ່ແລະຮ້າຍໄປຈ່າຍເງິນກ່ອນ ຈືງຈ້ຳກາວິຊາທ່ອງທ່ຽວ 30 ່ວັນ ໃຫ້.
3). ຂາອອກ ຕມ.ໄທ ຈະບໍ່ເກັບ ຍົກເວັ້ນຜູ້ໃດມີບັດແຮງງານ ຈະເອີ້ນເຂົ້າພິເສດ ມາເຄຍຫຍັງບໍ່ຮູ້ ຫຼື ໃຫ້ຈ້ຳກາອອກປົກກະຕິ ຕາມເຈົ້ານາຍຂະເຈົ້າສັ່ງຕ້ອງເກັບ ຫຼື ບໍ່
4). ສ່ວນຂາເຂົ້າ ຕມ. ລາວປົກກະຕິເກັບ 40-50ບາດໂດຍບໍ່ຕ້ອງກອກຟອມ ຫຼື ບາງເທືອບໍ່ເກັບແລ້ວແຕ່ເຈົ້ານາຍສັ່ງ

Apr 10, 2019 04:26 PM

ເຕັມຫນ້າ