ເຈົ້າໜ້າທີ່ທ້ອງຖິ່ນບໍ່ມີ ສິດ ໃນເຂດ ເສຖກິດພິເສດ

ສຸພັດຕາ
2018-02-22
ອີແມວລ໌
ຄໍາເຫັນ
Share
ພິມ
ສະຖານທີ່ໂຮງອາບອົບນວດ ຂອງນັກງລົງທຶນຈີນ ໃນເຂດເສຖກິດພິເສດ ເມືອງຕົ້ນເຜິ້ງ ແຂວງບໍ່ແກ້ວ
ສະຖານທີ່ໂຮງອາບອົບນວດ ຂອງນັກງລົງທຶນຈີນ ໃນເຂດເສຖກິດພິເສດ ເມືອງຕົ້ນເຜິ້ງ ແຂວງບໍ່ແກ້ວ
RFA

ທາງການລາວ ມີຂໍ້ຫຍຸ້ງຍາກ ໃນການເຂົ້າໄປກວດກາ ສັດປ່າ ໃນເຂດເສຖກິດພິເສດ ສາມຫຼ່ຽມຄໍາ ທີ່ເມືອງຕົ້ນເຜິ້ງ ແຂວງບໍ່ແກ້ວ, ດັ່ງ ເຈົ້າໜ້າທີ່ກົມປ່າໄມ້ ກະຊວງກະສິກັມ ແລະປ່າໄມ້ ທ່ານນຶ່ງ ກ່າວຕໍ່ວິທຍຸເອເຊັຽເສຣີ ໃນວັນທີ 21 ກຸມພາ ນີ້ວ່າ:

“ເພາະວ່າ ມັນເປັນເຂດເສຖກິດພິເສດ ຢູ່ຫັ້ນນະ ມັນຕ້ອງລະອຽດອ່ອນໜ້ອຍນຶ່ງ ເຮົາຕ້ອງໄດ້ຂໍອະນຸຍາດ ພາກຣັຖ ຫຼື ເຂດດັ່ງກ່າວ ຕື່ມ ໃນການເຂົ້າໄປ ບໍ່ທັນໃຫ້ ຄໍາຕອບເທື່ອ ເດີ້ ວ່າມັນຫຼືບໍ່ມີນີ້ ເພາະທີ່ຜ່ານມາ ເຮົາເຂົ້າກໍຍາກຢູ່ ກໍຄືວ່າແຫລະ ແລະບາດນີ້ ມັນຍັງເຫັນ ບໍ່ຊັດເຈນ ຫັ້ນນະ ວ່າມັນມີແທ້ຈິງຫຼືບໍ ຫຼືວ່າແນວໃດ ມັນກໍຈັ່ງຊິ້ແຫລະ ມີຜູ້ໃຫ້ຂໍ້ມູນ ມັນມີຫລາຍ ແຕ່ເຮົາບໍ່ພົບພໍ້ ຫັ້ນນະ.“

ທ່ານວ່າ, ເຖິງແມ່ນວ່າລາວ ຈະມີກົດໝາຍ ຄຸ້ມຄອງສັດປ່າ ແຕ່ການບັງຄັບໃຊ້ກົດຫມາຍດັ່ງກ່າວ ຍັງບໍ່ເຂັ້ມງວດ ໂດຍສະເພາະໃນເຂດ ເສຖກິດພິເສດ ສາມຫຼ່ຽມຄໍາ.

ແຕ່ເມື່ອປີ 2015 ຫຼັງຈາກອົງການສືບສວນສິ່ງແວດລ້ອມ ຫຼື EIA ອອກຣາຍງານວ່າ ເຂດເສຖກິດພິເສດ ສາມຫຼ່ຽມຄໍາ ເປັນສູນການຄ້າ ສັດປ່າ, ເຈົ້າໜ້າທີ່ລາວ ກໍໄດ້ເຂົ້າໄປ ກວດລ້າງ ແລະໄດ້ຖ່າຍທອດ ອອກທາງໂທຣະທັສ ແຫ່ງຊາດລາວເປັນຢ່າງດີ. ຍ້ອນການບັງຄັບ ໃຊ້ກົດໝາຍບໍ່ເຂັ້ມງວດ ເຈົ້າໜ້າທີ່ຣັຖບານບາງຄົນ ສວຍໂອກາດ ສົມຮູ້ຮ່ວມຄິດກັບນາຍທຶນ ເພື່ອລັກລອບຄ້າຂາຍສັດປ່າ ຜິດກົດຫມາຍ ໂດຍສະເພາະ ໃນເຂດເສຖກິດພິເສດ ສາມຫລ່ຽມຄໍາ, ດັ່ງເຈົ້າໜ້າທີ່ ມູລນິທິສັດປ່າໂລກ ຫຼື WWF ປະຈໍາ ສປປ ລາວ ກ່າວຕໍ່ ວິທຍຸ ເອເຊັຽເສຣີ ໃນວັນທີ່ 21 ກຸມພາ ນີ້ວ່າ:

“ເຮົາບໍ່ສາມາດ ເຣື້ອງຂໍ້ກໍາຈັດຂອງການເຮັດ Law Enforcement ຢູ່ໃນບ້ານເຮົາກໍຄືວ່າ ຄັນຢູ່ໃນເຂດ ຕົວຢ່າງ ເປັນເຂດ ເສຖກິດພິເສດ ເນາະ Economic Zone ຫັ້ນແຫລະເນາະ ບາດນີ້ມັນກໍສິເປັນ ຂໍ້ກໍາຈັດໃຫ້ ເຈົ້າໜ້າທີ່ເນາະ ກ້າວກ່າຍໃນພື້ນທີ່ ດັ່ງກ່າວ ມັນກໍເປັນ ຊ່ອງວ່າງນຶ່ງ ທີ່ເຮັດໃຫ້ ການຂົນສົ່ງ ການລັກລອບ ຂົນສົ່ງຕ່າງໆ ທີ່ຍັງສາມາດເຮັດໄດ້ຢູ່.”

ທ່ານກ່າວຕື່ມວ່າ ໃນຖານະເປັນອົງການຮັກສາສັດປ່າ WWF ກໍຢາກໃຫ້ມີການບັງຄັບໃຊ້ກົດໝາຍ ຄຸ້ມຄອງສັດປ່າ ໃນລາວ ຢ່າງເຂັ້ມງວດ ເພື່ອໃຫ້ການຄ້າສັດປ່ານັ້ນ ຫລຸດໜ້ອຍລົງ.

ຄໍາເຫັນ (4)
Share

(

Dear Lao leaders, I wonder if you're human beings who still feel shame when you did something wrong in life. I believe that you don't and never will. For the last 44 years you went through failures and failures and you have the guts to brag to the outside world and the Lao who live outside Laos that you did the best of your ability to save the country. The best of your ability is close to zero. You sold everything you could get your hands on such as gold mines, mountains, timbers,houses,palaces, casino, brothels... and the latest concessions on Siphandone islands to the Chinese. Nothing of these belongs to you and to your kins. Come back to your senses. Why do you hate Laos this much ? I'd like to know.You have billions of dollars that you can feed your famalies with for generations and generations to come. Is that not enough? What do you want more? You will keep on selling up to the last inch of Lao land and that will make you happier because richer. I don't think normal human beings can talk with you because you don't seem to have human brains. You say you love Laos and you've killed it. You say you improve Lao people life conditions but you've turned them into slaves. You say you fight against drug trafficking you and your friends are the ones who do the trafficking.Really if you feel incapable of running Laos you can always beg the UN to step in and you can go wherever you want to go. This is the last hope that we all have for this country of Laos. Please go.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 28, 2018 04:21 AM

ຂ້ອຍກໍລາວ

ຈາກ ດິນລາວ

ໂອ້ຍຕາຍ.... ຫາກໍຮູ້ເບາະ ? ຂາຍໃຫ້ເຂົາຫມົດແລ້ວ ເອົາເງິນເຂົາມາກິນຫມົດແລ້ວ ຍັງຢາກມີສິດອີ່ຫຍັງເກາະ ? ເຂົາສິຂົນກັນເຂົ້າມາເປັນລ້ານຄົນ ສະຫາຍກໍຈະໄດ້ແຕ່ນັ່ງເບິ່ງທໍ່ນັ້ນ ເພາະສະຫາຍ ຕົກລົງເຊັ່ນສັນຍາໃຫ້ເຂົາເອງ. ກະຈັ່ງແມ່ນໂພດຫືກ !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2018 05:33 AM

(

ອັນຍີ້ແລ້ວແມ່ນຕົວຢ່າງອັນຈະແຈ້ງທີ່ສຸດ ວ່າສປປລາວຂາຍຊາດກິນ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2018 05:25 AM

(

Hey ! Wonderful. Think of casino King Roman and it's clear to see. I wish Laos all the best.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2018 05:25 AM

ເຕັມຫນ້າ