ທ.ວີຣະວົງເຊີນສາກົນຢ້ຽມ ເຂື່ອນ

ສິດນີ
2016-06-17
ອີແມວລ໌
ຄໍາເຫັນ
Share
ພິມ
ທ່ານ ວິຣະພົນ ວິຣະວົງ ກ່າວຕໍ່ສື່ມວນຊົນ ຕອນລົງສໍາຣວດພື້ນທີ່ກໍ່ສ້າງເຂື່ອນດອນສະໂຮງ ເມື່ອຊ່ວງເດືອນພຶສຈິກາ 2013
ທ່ານ ວິຣະພົນ ວິຣະວົງ ກ່າວຕໍ່ສື່ມວນຊົນ ຕອນລົງສໍາຣວດພື້ນທີ່ກໍ່ສ້າງເຂື່ອນດອນສະໂຮງ ເມື່ອຊ່ວງເດືອນພຶສຈິກາ 2013
RFA

ຣັຖບານລາວ ໃຫ້ຄວາມສຳຄັນ ຕໍ່ບົດຣາຍງານ ດ້ານ ສິດທິມະນຸດ ຂອງ ສະຫະປະຊາຊາດ ຈາກ ໂຄງການ ເຂື່ອນ ດອນສະໂຮງ ໃນພາກໃຕ້ ຂອງລາວ ໂດຍ ກະຊວງ ພລັງງານ ແລະ ບໍ່ແຮ່ ໄດ້ສົ່ງຫນັງສື ຊີ້ແຈງ ຕໍ່ ສະຫະປະຊາຊາດ ໃນບັນຫາ ດັ່ງກ່າວ ໄປຍັງ ກະຊວງ ຕ່າງປະເທດ ລາວ ແລ້ວ. ດັ່ງ ທ່ານ ວິຣະພົນ ວິຣະວົງ ຮອງ ຣັຖມົນຕຣີ ກະຊວງ  ພລັງງານ ແລະ ບໍ່ແຮ່ ສປປລາວ ກ່າວຕໍ່ ເອເຊັ ຽເສຣີ ໃນວັນທີ 16 ມິຖຸນາ ນີ້ວ່າ:

"ຣັຖບານລາວ ກໍຖືສຳຄັນ ແລ້ວ ສີ່ງໃດ ທີ່ມີຜົລກະທົບ ຕໍ່ ປະຊາຊົນ ກໍຖືວ່າ ສຳຄັນຫມົດ ກະຊວງໄທເຮົາ ກໍໄດ້ຮ່າງ ຈົດຫມາຍ ຕອບ ເປັນທາງການ ໄປກະຊວງ ຕ່າງປະເທດ ແລ້ວ ກະຊວງ ຕ່າງປະເທດ ເພີ່ນ ຈະ ພິຈາຣະນາ ສົ່ງຕໍ່ໄປ ອົງການ ສິດທິມະນຸດຊົນ ຫັ້ນແຫລະ ເພາະວ່າ ເພີ່ນເວົ້າມາ ແບບວ່າ ເພີ່ນ ບໍ່ຮູ້ຕົວ ຫັ້ນນະ ເພີ່ນ ບໍ່ເຄີຍໄປເບີ່ງ ໄປເຫັນຫຍັງເລີຍ".

ທ່ານ ກ່າວຕື່ມວ່າ ທາງການລາວ ຕ້ອງການຢາກໃຫ້ ອົງການ ຣະຫວ່າງ ປະເທດ ເຂົ້າມາ ກວດກາ ໂຄງການ ເຂື່ອນ ດອນສະໂຮງ ຕົວຈິງ ເມື່ອມີການ ເຊີນຈາກ ຣັຖບານ ລາວ ເພື່ອໃຫ້ເຫັນ ສະພາບ ຊິວິດ ການເປັນຢູ່ ຂອງ ປະຊາຊົນ ດ້ວຍຕົນເອງ ແລະ ຈະໄດ້ຫາວິທີ ແກ້ໄຂ ຊ່ອຍກັນ ຖ້າພົບເຫັນ ບັນຫາ ເພື່ອ ຜົລປໂຍດ ຂອງ ປະຊາຊົນ.

ກົລໄກ ພິເສດ ສະຫະປະຊາຊາດ ຫລື UN Special Procedures ຣາຍງານວ່າ ໂຄງການ ເຂື່ອນ ດອນສະໂຮງ ອາຈເປັນ ພັຍຄຸກຄາມ ຕໍ່ ວິຖີຊີວິດ ຂອງ ປະຊາຊົນ ທ້ອງຖິ່ນ ທັງໃນລາວ ກຳພູຊາ ແລະ ວຽດນາມ ທີ່ໃຊ້ຊີວິດ ດ້ວຍການ ຕຶກປາ ແລະ ຊັພຍາກອນ ທັມມະຊາດ ໃນ ແມ່ນ້ຳຂອງ ໃນການລ້ຽງ ຄອບຄົວ.

ໂຄງການ ເຂື່ອນ ດອນສະໂຮງ ເຮັດໃຫ້ ຄົນທ້ອງຖິ່ນ ຂາດສິດທິ ໃນການ ປະກອບອາຊີພ ແບບດັ້ງເດີມ ສິດທິ ທາງດ້ານ ອາຫານ ການກິນ ແລະ ສິດທິ ແບບພື້ນເມືອງ ປະເພດຕ່າງໆ ທີ່ຂະເຈົ້າ ເຄີຍມີມາ ໃນອະດີດ.

ຄໍາເຫັນ (4)
Share

ຄ.ນະຄຳມ່ວນ

ຈາກ ທ່າແຂກ

ຖ້າວ່າ ພັກ-ຣັຖ ໃຫ້ຄວາມສຳຄັນຍ້ອນຄວາມສລາດຈັງໄຮ, ພວກລີ້ວລໍ້ກົ້ນຫມໍ້ຂອງພວກເສືອຫີວມັນກໍ່ຍິ່ງໄດ້ໃຈ, ໄຂຈຸດອ່ອນຜ່ອນວ່າເປັນຈູດດີຫມົດນັ້ນແລ້ວ ແມ່ນບໍ່? ສະຫາຍ ວິຣະວົງ ຜູ້ຮັບພິດຊອບປະກອບຄວາມຫີວ ເອີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 20, 2016 02:20 PM

(

RFA! where is my post? Thanks. GOOD question where is your post? Please try again


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]




Jun 19, 2016 03:52 PM

ຢົ່ງ​ຊົ້ວ

ຈາກ ​ຮົ່ມ, ໄຊ​ສົມ​ບູນ

​ຫົວ​ກະ​ຫງອກ, ໜ້າ​ກະ​ແຫຼ້, ແຂ້ວ​ກະ​ດຳ ອອກ​ມາ​ຊອກ​ຕວັ​ະ ໄທ​ບ້ານ​ອີກ​ລະ​ນໍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 19, 2016 03:48 PM

Lao

ຈາກ AiLaoland

In principle the Laos government has no obligation to invite the Non-governmental UN affiliated agencies to inspect the site of the Done Sahong hydroelectric dam that is being built within its territory.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 19, 2016 03:48 PM

(

Mr Lao from Ailaoland. Exactly like when Lao government ordererd Lao, who refused to see eye to eye with them, to be beaten-up or put in jail or killed ( remember Mr Sombath) because it happened inside Lao territory. You're acting like your relatives and parents who rule over Laos, you don't want opposition and much less contradiction. You're the disgrace of mankind.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 23, 2017 01:58 PM

ເຕັມຫນ້າ