ທາງການລາວຈະປະມູນຂາຍ ຣົດຫລູ

ສິດນີ
2017-01-22
ອີແມວລ໌
ຄໍາເຫັນ
Share
ພິມ
ຕົວຢ່າງຂອງ ຣົດຫລູ ຣາຄາແພງ ປະຈໍາຕໍາແໜ່ງ ຂອງຜູ້ນໍາລາວ
ຕົວຢ່າງຂອງ ຣົດຫລູ ຣາຄາແພງ ປະຈໍາຕໍາແໜ່ງ ຂອງຜູ້ນໍາລາວ
rfa/sn

ຫນ່ວຍງານ ການປະມູນ ຣົດຫລູ ຂອງຣັຖບານລາວ ເຊັ່ນຣົດ BMW SERIES 7 ຫົກຄັນ ແລະ ຣົດ MERCEDES BENZ 5 ຄັນ ຊຶ່ງ ຣົດດັ່ງກ່າວ ເປັນຣົດ ປະຈໍາ ຕໍາແໜ່ງ ຂອງຜູ້ນໍາ ຣະດັບສູງ ແລະ ຈະເປີດການ ປະມູນຂາຍ ງວດທຳອິດ ເພື່ອ ເປັນຕົວຢ່າງ ໃນ ເດືອນຫນ້າ ນີ້.

ບັນດາຜູ້ນຳຣະດັບສຸງ ຂອງລາວ ໄດ້ຕົກລົງ ເຫັນພ້ອມກັນວ່າ ຈະບໍ່ໃຊ້ຣົດ ປະຈຳ ຕຳແຫນ່ງ ຣາຄາແພງ ແລະ ຫລູຫລາ ເປັນຕົ້ນຣົດ BMW ແລະຣົດ MERCEDES BENZ ເພື່ອເປັນການ ປະຢັດ ມັທຍັດ ບໍ່ຟຸມເຟືອຍ ຈື່ງພາກັນ ສົ່ງຣົດຄືນ.

ທ່ານ ທອງລຸນ ສີສຸລິດ ນາຍົກ ຣັຖມົນຕຣີລາວ ແລະ ທ່ານ ບຸນຍັງ ວໍຣະຈີດ ປະທານ ປະເທດລາວ ເມື່ອອາທິດ ກ່ອນ ກໍໄດ້ພາກັນ ສົ່ງຣົດ ປະຈຳ ຕຳແຫນ່ງ ຣົດ BMW SERIES 7 ຂອງ ທ່ານຄືນໃຫ້ ຣັດ ເປັນຜູ້ທຳອິດ ເພື່ອປະມູນຂາຍ ຊຶ່ງໃນເວລານີ້ ສອງຜູ້ນຳ ກໍໄດ້ຂີ່ຣົດ ໂຕໂຍທາ CAMRY 2.5

ອີງຕາມ ຄຳເວົ້າຂອງ ເຈົ້າຫນ້າທີ່ ຮັບຜິດຊອບ ຣົດຫຼວງ ຕໍ່ຫນັງສືພີມ ວຽງຈັນທາມ ໃນວັນສຸກ ຜ່ານມາ ແລະວ່າ ທ່ານ ພັນຄຳ ວິພາວັນ ຮອງ ປະທານປະເທດ ກໍບອກວ່າ ທ່ານຈະສົ່ງຣົດ BMW ຂອງທ່ານຄືນ ໃນມື້ວັນຈັນ.

ຣັຖບານລາວ ໄດ້ອອກແຈ້ງການ ເລກທີ 06 ຖອດຖອນ ຣົດປະຈຳ ຕຳແຫນ່ງ ທີ່ຫລູຫລາ ປະເພດ BMW ແລະ MERCEDES ທີ່ ຣັຖບານໄດ້ຊື້ ໃຫ້ຜູ້ນຳຂັ້ນສູງ ໃຊ້. ໃນການ ປະຕິບັດຫນ້າທີ່ ທາງການ ເພື່ອເອົາມາ ປະມູນຂາຍ ແລະ ແທນດ້ວຍຣົດ ໂຕໂຍຕາ. ໃນນັ້ນ ມີຣົດ MERCEDES ທັງຫມົດ 36 ຄັນ ແລະຣົດ BMW 11 ຄັນ.

ຄໍາເຫັນ (3)
Share

(

ສປປລາວ ແບມືຂໍທານຫມົດໂລກ ໃຫ້ມາຊ່ວຍເຫລືອປະເທດຕົວເອງ ບາດຜູ່ນຳຟັດຂີ່ລົດແບບຫລູຫລາ ໂດຍບໍ່ມີຄວາມອາຍເລີຍ. ອັນນີ້ມັນແມ່ນການປົກຄອງແບບໃດ ອີງໃສ່ຄ່ານິຍົມແບບໃດ ຄັນບໍ່ແມ່ນຄ່ານິຍົມແບບສັກດີນາ ຂົ່ມເັຫງປະຊາຊົນ ແບບແຈ້ງໆເລີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 24, 2017 03:58 PM

ເຜົ່າລາວ

ຈາກ ແຜ່ນດີນລ້ານຊ້າງ

ເປັນການດີທີ່ຜູ້ນຳລົງມືກ່ອນ ເປັນຕົວຢ່າງ ແບບນີ້ໃຜບໍ່ຍອມສົ່ງຕາມ ກໍເກີນວ່າ ໂຄດຊົ່ວເດີ້. ຖ້າຈະໃຫ້ດີແທ້ນັ້ນ, ຄນະພັກ, ຣັຖ ແລະບັນດາສມຸນທຸກຣະດັບ ນັບແຕ່ຫລັງປີ 1975 ມາເຖີງປັຈຸບັນຕ້ອງສົ່ງມອບ ທຸກສິ່ງຢ່າງທີ່ໄດ້ປຸ້ນໄປ ຈາກຊາດ, ຈາກຜືນແຜ່ນດີນຄືນ ແກ່ປະຊາຊົນໃຫ້ຫມົດ ແລ້ວທຸກຄົນພາກັນມາເລີ່ມຕົ້ນໃຫມ່ ຈາກຈຸດສູນ ເຫມືອນກັບຕອນທີ່ພວກເຮົາອອກມາຈາກ ຖ້ຳເມືອງວຽງໄຊໃຫມ່ໆນັ້ນແຫລະດີເລີດ, ຊາວລາວທົ່ວປະເທດຈະໄດ້ເທີດທູນ ພັກແລະຣັຖ ດ້ວຍຄວາມເຕັມໃຈ ບໍ່ແມ່ນຖືກບັງຄັບໃຫ້ຍ້ອງຍໍ ຊົມເຊີຍແບບທຸກມື້ນີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 24, 2017 03:56 PM

ປະຊາຊົນລາວ

ຈາກ ວຽງຈັນ

ການກະທຳນ່າສົນໃຈ ຂອງຂັ້ນນຳ ຂອງຄະນະລັດຖະບານລາວ ເຖີງຢ່າງໃດກໍ່ຕາມ ມັນເປັນສິດຜົນປະໂຫຍດ ຂອງຂັ້ນນຳ ແລະຄະນະລັດຖະບານ ເພີ່ນເທົ່ານັ້ນ ພຽງແຕ່ຂາຍລົດແພງ 1 ຄົນ ໄດ້ເງິນກໍ່ຊື້ຕື່ມອີກ 2-5 ຄັນ ເພື່ອແຈກ ເຈົ້າໜ້າທີ່ ຍັງຂາດເຂີນ ລົດປະຈຳ ຕຳແໜ່ງ ນັ້ນຈະເພີ້ມພາລະ ຄ່າບຳລຸງຮັກສາ ສ້ອມແປງ ແລະຄ່ານ້ຳມັນ ຕື່ມອີກ ບໍ່ເຂົ້າໃຈ ມັນປະຫຍັດບ່ອນໃດເນາະ ພຽງແຕ່ເອົາເງິນ ອອກຈາກຖົງເບື້ອງຊ້າຍ ຍ້າຍໄປເບື້ອງຂວາ ເທົ່ານັ້ນ. ບໍ່ແປກເລີຍ ບໍ່ໄດ້ເວົ້າ ຂາຍລົດ ທັ້ງໝົດໄປສ້າງ ໂຮງໝໍໂຮງຮຽນ ລະບົບປະປາ ຖະໜົນຫົນທາງ ອັນນີ້ພຽງແຕ່ສ້າງພາບ ຄືກັບໂຈນປອມໂຕ ເປັນພະສົງອົງເຈົ້າ ເທົ່ານັ້ນ ແຕ່ບໍ່ໄດ້ປະລະນິໄສ ພຶດຕະກຳ ວິທີຄິດແລະວິທີເຮັດ ທີ່ປະຊາບໍ່ສາມາດກວດສອບ ຄວາມໂປ່ງໃສ ຂອງພວກທ່ານ ໄດ້ດອກ. ໃຫ້ໂອກາດຄະນະລັດຖະບານ ແລະເວລາເປັນເຄື່ອງພິສູດເນາະ ທ່ານຜູ້ອ່ານ. ສະບາຍດີແລະໂຊກດີ ທຸກທ່ານ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 24, 2017 03:12 PM

ເຕັມຫນ້າ