ການຊ່ອຍເຫຼືອຜູ້ເຄາະຮ້າຍ ເຂື່ອນແຕກ ບໍ່ພຽງພໍ

ສິດນີ
2019-02-12
ອີແມວລ໌
ຄໍາເຫັນ
Share
ພິມ
ບ້ານເຮືອນ ທີ່ຢູ່ອາໃສຊົ່ວຄາວ ຂອງຜູ້ເຄາະຮ້າຍ ຈາກເຂື່ອນເຊປຽນ-ເຊນໍ້ານ້ອຍ ແຕກ ເມືອງສະໜາມໄຊ
ບ້ານເຮືອນ ທີ່ຢູ່ອາໃສຊົ່ວຄາວ ຂອງຜູ້ເຄາະຮ້າຍ ຈາກເຂື່ອນເຊປຽນ-ເຊນໍ້ານ້ອຍ ແຕກ ເມືອງສະໜາມໄຊ
Photo Courtesy of: Korea CSO group

ຣັຖບານລາວຂາດງົບປະມານ ໃນການຊ່ອຍເຫຼືອປະຊາຊົນ, ຜູ້ທີ່ໄດ້ຮັບຜົລກະທົບຈາກເຂື່ອນເຊປ່ຽນ-ເຊນ້ຳນ້ອຍແຕກ, ທີ່ ເມືອງສະໜາມໄຊ ແຂວງອັດຕະປື ໃຫ້ທັນເວລາແລະພຽງພໍ, ຍ້ອນວ່າການບໍຣິຈາກ ຈາກພາຍໃນແລະຕ່າງປະເທດ ໄດ້ຫຼຸດລົງຢ່າງຫຼວງຫຼາຍ. ດັ່ງຄຳເວົ້າຂອງ ທ່ານ ເລັດ ໄຊສົມພອນ ເຈົ້າແຂວງອັດຕະປື ຕໍ່ເອເຊັຽເສຣີ ໃນມື້ວັນທີ 12 ກຸມພາ ນີ້ວ່າ:

"ເຣື່ອງທຶນຮອນ ເພື່ອຊ່ອຍປະຊາຊົນ, ພວກເຮົາກໍຍັງບໍ່ທັນພ້ອມ, ແຕ່ວ່າເບື້ອງແຂວງກໍຄືເບື້ອງຣັຖບານ, ກໍພຍາຍາມຊອກຫາທຸກທິດທາງ ເພື່ອ ມາຊ່ອຍປະຊາຊົນ, ດ້ວຍການໃຊ້ທຶນຂອງຣັຖບານ, ແລ້ວກໍໃຊ້ທຶນຈາກການຊ່ອຍເຫຼືອທຸກພາກສ່ວນ ດຽວນີ້ກຳລັງ ສຸມໃສ່ຢູ່."

ທ່ານກ່າວຕື່ມວ່າ, ດຽວນີ້ຣັຖບານກໍຍັງແຈກເຂົ້າສານ ແລະເງິນຊ່ອຍເຫຼືອປະຊາຊົນຢູ່, ຄອບຄົວລະ 1 ແສນກີບຕໍ່ເດືອນ, ຈົນກວ່າຈະໄດ້ຄ່າ ຊົດເຊີຍຈາກເຈົ້າຂອງໂຄງການເຂື່ອນ, ພ້ອມດຽວກັນ ຣັຖບານກໍໄດ້ສ້າງໂຄງຮ່າງພື້ນຖານ ບຸກເບີກທີ່ດິນ ສຳລັບການປູກຝັງ ແລະສ້າງບ້ານ ຖາວອນໃຫ້ແກ່ຂະເຈົ້າ ແຕ່ຍັງບໍ່ແນ່ວ່າ ຈະໄດ້ງົບປະມານ ຕື່ມຫລືບໍ່.

ທ່ານວ່າ, ສາເຫດທີ່ການຊ່ອຍເຫລືອ ແລະການຟື້ນຟູຊີວິດ ຂອງປະຊາຊົນຫລ້າຊ້ານັ້ນ, ເປັນຍ້ອນວ່າຜົລກະທົບ ຈາກເຂື່ອນແຕກມັນແຮງ ເກີນໄປ ຮວມທັງຫມົດ 19 ບ້ານ 13 ພັນຄົນ ໄດ້ຮັບຜົລກະທົບໃນນັ້ນ 6 ບ້ານໄດ້ຮັບຄວາມເສັຽຫາຍຫນັກ ແລະ 6 ພັນ ກວ່າຄົນບໍ່ມີ ບ່ອນຢູ່ອາສັຍ:

"ບໍຣິສັດຜູ້ພັທນາໂຄງການ, ເພິ່ນກໍເອົາໃຈໃສ່ຢູ່, ມີແຕ່ວ່າມັນແກ່ຍາວມາຮອດປານນີ້, ກໍຍ້ອນວ່າມັນເປັນຈຳນວນຫລາຍ, ພວກເຮົາກໍບໍ່ ສາມາດແກ້, ແບບກະທັນຫັນໄດ້, ຍ້ອນວ່າ ຜົລກະທົບມັນຈຳນວນຫລາຍ ທັງຫມົດຖືກ 19 ບ້ານ ແຕ່ວ່າຫນັກມີ 6 ບ້ານ."

ການຊ່ອຍເຫລືອຈາກຫລາຍພາກສ່ວນກໍໄດ້ຮັບແລ້ວ, ແຕ່ຍັງບໍ່ພຽງພໍ ກັບຄວາມຕ້ອງການຂອງປະຊາຊົນ, ແລະການສ້າງໂຄງຮ່າງພື້ນຖານ ປະເພດຕ່າງໆ ໃຫ້ແກ່ຂະເຈົ້າ.

ເຖິງຢ່າງໃດກໍຕາມ, ທ່ານວ່າປັດຈຸບັນ ຣັຖບານກຳລັງຊອກຫາແຫລ່ງທຶນ ຈາກພາຍໃນແລະຕ່າງປະເທດ, ເພີ່ມຕື່ມເພື່ອມາປັບປຸງ ຄຸນນະພາບຊີວິດ ສະພາບແວດລ້ອມ ໂຄງຮ່າງພື້ນຖານປະເພດຕ່າໆ ທີ່ສູນຫາຍໄປ ຈາກເຫດເຂື່ອນແຕກ ໃຫ້ກັບຄືນສູ່ ສະພາບເດີມ.

ຄໍາເຫັນ (1)
Share

ທະຫານວັດໄຕ

ຈາກ vientiane

To all Laotian , International human right watch, on February 10,2019 between 5: 00 am the Lao PDR military had shot a poison rocket gas straight to the Phu Bia Mountain the Chao Fah Hmong CIA remaining unarm area and hited the main house of A Hmong resistant leader's base. Any one love to see Please go to You tube and look fro the Xavsaib Xavsaib Channel and you would see the Man who was causing poison gas burn. The Lao military or the Lao defense has order to buy some modern weapons including heavy vehicle tanks from Russian and first shot to kill the HMong resistant in the PHouBia area in the Xaosomboun Province and Anouvong District.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2019 12:24 PM

ເຕັມຫນ້າ