ຊາວວັງວຽງບໍ່ໃຫ້້ຈີນ ເປີດແຫຼ່ງ ທ່ອງທ່ຽວ

ໄຊຍາ
2019-01-03
ອີແມວລ໌
ຄໍາເຫັນ
Share
ພິມ
ເມືອງວັງວຽງ ທີ່ຂຶ້ນຊື່ລືຊາ ສໍາລັບນັກທ່ອງທ່ຽວ ຕ່າງປະເທດ
ເມືອງວັງວຽງ ທີ່ຂຶ້ນຊື່ລືຊາ ສໍາລັບນັກທ່ອງທ່ຽວ ຕ່າງປະເທດ
RFA/SY

ປັດຈຸບັນປະຊາຊົນໃນເບື້ອງຕົ້ນ 8 ບ້ານເມືອງວັງວຽງ ບໍ່ອະນຸຍາດໃຫ້ນັກລົງທຶນຈີນ ເອົາເຈົ້າໜ້າທີ່ມາແທກດິນເຮືອນ ຂອງພວກເຂົາເຈົ້າ ເພື່ອເອົາໄປເຮັດ ໂຄງການພັທນາແຫລ່ງທ່ອງທ່ຽວ ຍ້ອນຢ້ານວ່າຈະຕ້ອງ ຖືກໃຫ້ໂຍກຍ້າຍໃນພາຍຫລັງ, ດັ່ງ ເຈົ້າໜ້າທີ່ເມືອງວັງວຽງ ທ່ານນຶ່ງ ກ່າວຕໍ່ວິທຍຸ ເອເຊັຍເສຣີ ໃນວັນທີ 03 ມົກຣາ ນີ້ວ່າ:

"ສ່ວນຫລາຍກາບໍ່ຢາກໃຫ້ວັດແທກນັ້ນແຫລະ ປະຊາຊົນເຂົາກາແຕກຕື່ນເນາະ ມາແທກເຮືອນແທກຊານ ຊື່ນະ ເຂົາສິມາບ້ານເອົາຊອກເອົາ ບໍ່ຊິນະຈະມາເອົາເຮືອນ ປະຊາຊົນສິໄປຢູ່ໃສ."

ທ່ານກ່າວຕື່ມວ່າເມື່ອທ້າຍປີ 2018 ກຸ່ມສຳຣວດ ຂອງໂຄງການດັ່ງກ່າວ ພຍາຍາມໄປແທກດິນບ່ອນ ທີ່ປະຊາຊົນຢູ່ອາສັຍ ຈົນເຫດການ ຂັດແຍ່ງກັນເກີດຂຶ້ນ ແຕ່ເຈົ້າໜ້າທີ່ຂັ້ນເມືອງ ສາມາດໄກ່ເກັ່ຍກັນໄດ້ ເຮັດໃຫ້ຝ່າຍສຳຣວດ ໄດ້ຢຸດການວັດແທກ ຈົນມາ ຮອດປັດຈຸບັນ.

ທ່ານວ່າແຜນການຂອງໂຄງການດັ່ງກ່າວ ທີ່ຈະເອົາດິນປະຊາຊົນ ນັ້ນເບີ່ງຕາມສະພາບໂຕຈີງອາດ ເປັນໄປໄດ້ຍາກ ເພາະປະຊາຊົນ ສ່ວນໃຫຍ່ ຢືນຢັນວ່າຈະບໍ່ຍອມຍົກດິນ ໃຫ້ຢ່າງເດັດຂາດ.

ໃນນັ້ນຕາມທາງການຣາຍງານ ໃນເບຶ້ອງຕົ້ນ 8 ບ້ານ ທີ່ນອນໃນ ໂຄງການພັທນາແຫລ່ງທ່ອງທ່ຽວ ມີບ້ານຫ້ວຍແຍ້, ບ້ານຫ້ວຍສະເຫງົ້າ, ບ້ານວັງວຽງ, ບ້ານສວ່າງ, ບ້ານວຽງແກ້ວ, ບ້ານເມືອງຊອງ, ບ້ານໂພນເງິນ ແລະ ບ້ານນາຄູນ.

ໃນຕົ້ນປີ 2017 ຜ່ານມາ ທາງການແຂວງວຽງຈັນ ໄດ້ອະນຸມັດໃຫ້ ບໍຣິສັດອີຈີນ ວິສວະກັມກໍ່ສ້າງລາວ ຈຳກັດສຶກສາຄວາມເປັນໄປໄດ້ ແລະ ສຳຣວດອອກແບບ ໂຄງການພັທນາສນາມບິນເກົ່າ ເມືອງວັງວຽງ ແຂວງວຽງຈັນ ໃນໄລຍະ 12 ເດືອນ ເພື່ອກໍ່ສ້າງໂຮງແຮມ 5 ດາວ ແລະ ແຫລ່ງບັນເທີງຂນາດໃຫຍ່ ຮວມເຖິງການກໍ່ສ້າງກາຊິໂນນຳ ໂດຍໃຊ້ ເນື້ອທີ່ 15 ເຮັກຕ້າ ເຊິ່ງຄາດວ່າຈະມີການລົງທຶນ 200 ລ້ານໂດລາ ສະຫະຣັຖ.

ຄໍາເຫັນ (2)
Share

(

The Lao party-state is like mafia syndicate.They don't care about Lao people and they're acting like colonizers.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 15, 2019 11:12 AM

ສິງຫະ

ຈາກ ໄຊທານີ

ຂ້ອຍ ກໍງຶດ! ພວກຜູ້ມີເງິນຫລາຍຢາກລົງທຶນໃນລາວ ເປັນຫຍັງຕ້ອງໄປແກະໄປໄງ້ ບ່ອນປະຊາຊົນເຂົາຢູ່. ໄປສ້າງບ່ອນຄົນບໍ່ຢູ່ພຸ້ນເປັນຫຍັງ ເຮັດໃຫ້ເປັນໂຕເມືອງຂຶ້ນ ສ້າງຖະໜົນຫົນທາງໄປໃສ່ ຕັ້ງຕຶກລາມບ້ານຊ່ອງໃສ່ ແລ້ວເຊີນຄົນໄປຢູ່ ມັນກໍສາມາດເປັນແລ່ງທ່ອງທ່ຽວໄດ້ ດິນເປົ່າວາງບໍ່ອຶດ! ເບື້ອງລັດກໍຄວນຄຶດໃຫ້ດີ. ບໍ່ແມ່ນບ່ອນໃດມີລາຍໄດ້ສະດວກແລ້ວກໍໄປຍາດຊີງເອົາແບບເງິນຟາດຫົວແລ້ວເຮັດຕາມໃຈໂລດ! ແບບນີ້ຂ້ອຍວ່າບໍ່ແມ່ນລົງທຶນ ແຕ່ແມ່ນການປຸ້ນຫລາຍກວ່າ. ລອງສັງເກດໃຫ້ດີໆ ບ່ອນໃດທໍາມະຊາດງາມໆເພິ່ນກໍເບັດໃສ່, ແຮ່ທອງຄໍາ, ແຮ່ແກ້ວ,ແຮ່ທອງແດງ,...ທີມີລາຄາແພງເພິ່ນກໍສະເໜີລົງທຶນໂລດ. ບາດປູກໄມ້ຂາຍຄືບໍ່ລົງທຶນແດ່ ແນວມັນກິນບໍ່ໝົດຫັ້ນນາ ຯ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2019 12:04 PM

ເຕັມຫນ້າ