ຈີນ ລົງທຶນຢູ່ວຽງຈັນ ຫຼາຍຂຶ້ນ

ສິດນີ
2017-07-06
ອີແມວລ໌
ຄໍາເຫັນ
Share
ພິມ
ຊາວຈີນ ຊາວວຽດນາມ ມີຫລາກຫລາຍ ຢູ່ທຸກແຂວງ ໃນລາວ
ຊາວຈີນ ຊາວວຽດນາມ ມີຫລາກຫລາຍ ຢູ່ທຸກແຂວງ ໃນລາວ
public domain

ນັກລົງທຶນຈີນ ໄດ້ເຂົ້າມາລົງທຶນ ໃນເຂດພັທນາເສຖກິດ ໄຊເສດຖາ ນະຄອນຫຼວງວຽງຈັນ ຫຼາຍຂຶ້ນ ໃນທຸກມື້ນີ້ ສ່ວນໃຫຍ່ ຈະລົງທຶນ ທາງດ້ານ ອຸດສາຫະກັມ ການຜລິດເປັນຫລັກ ຍ້ອນວ່າ ເຂດດັ່ງກ່າວ ໄດ້ແບ່ງເຂດ ການລົງທຶນ ເປັນຣະບົບ ແລະ ສະດວກ ສະບາຍ ໃນການລົງທຶນ, ດັ່ງເຈົ້າຫນ້າທີ່ ເມືອງໄຊເສດຖາ ທ່ານນື່ງເວົ້າວ່າ:

"ຄືບຫນ້າຫຼາຍແລ້ວ ມີຄົນລົງທຶນຫຼາຍ ຢູ່ເຂດເສຖກິດ ເມືອງໄຊເສຖາ ສ່ວນຫຼາຍ ມີແຕ່ຄົນຈີນ ມັນໃນຂອບເຂດ 1 ພັນເຮັກຕາ ຂະເຈົ້າ ຈັດສັນແລ້ວ ແບ່ງເຂດແລ້ວ ແບ່ງໂຊນແລ້ວຫັ້ນນ່າ."

ທ່ານກ່າວຕື່ມວ່າ ໃນປັດຈຸບັນ ບາງໂຮງງານ ກໍເລີ້ມການຜລິດແລ້ວ ຍ້ອນວ່າ ມີສີ່ງອຳນວຍ ຄວາມສດວກ ຢ່າງຫຼວງຫຼາຍ ເປັນຕົ້ນ ໄຟຟ້າ, ນ້ຳປະປາ ແລະ ເສັ້ນທາງເຂົ້າມາ ກໍສດວກສບາຍ ຄາດວ່າ ໃນອານາຄົດ ຈະມີ ນັກລົງທຶນຄົນຈີນ ແລະ ຈາກປະເທດອື່ນໆ ເພີ້ມຂຶ້ນ ເພາະ ຍັງເຫລືອພື້ນທີ່ເປົ່າວ່າງ ສຳລັບໃຫ້ເຊົ່າຫຼາຍຢູ່.

ເອເຊັຽເສຣີ ກໍໄດ້ຕິດຕໍ່ໄປຍັງ ເຈົ້າໜ້າທີ່ ຮັບຜິດຊອບ ເພື່ອຢາກຮູ້ ຣາຍລະອຽດ ກ່ຽວກັບ ເຂດພັທນາເສຖກິດ ດັ່ງກ່າວ ແຕ່ທ່ານ ບໍ່ສາມາດ ໃຫ້ຂໍ້ມູນທາງໂທຣະສັບ ໄດ້. ເຂດພັທນາເສດຖາກິດ ໄຊເສດຖາ ຕັ້ງຢູ່ໃນເຂດ ນະຄອນຫຼວງວຽງຈັນ ມີເນື້ອທີ່ປະມານ 1 ພັນເຮັກຕາ ເຂດດັ່ງກ່າວ ກວມເອົາເນື້ອທີ່ ຂອງປະຊາຊົນ ໃນ 6 ບ້ານ.

ໃນນັ້ນ 3 ບ້ານ ຢູ່ເມືອງໄຊເສດຖາ ແລະ ອີກ 3 ບ້ານ ຢູ່ເມືອງໄຊທານີ. ເລີ້ມສ້າງມາ ແຕ່ປີ 2011 ຮ່ວມລົງທຶນ ຣະຫວ່າງ ຣັຖບານລາວ ກັບ ບໍຣິສັດຈີນ ຈາກແຂວງ ຢູນານ ມີອາຍຸ ສຳປະທານ ປະມານ 50 ປີ ໃນມູນຄ່າ ການລົງທຶນ ປະມານ 128 ລ້ານໂດລາ. ເຂດດັ່ງກ່າວ ຈະສ້າງເປັນ ເຂດອຸດສາຫະກັມ ຂນາດໃຫຍ່ ໃນສ​ປ​ປລາວ ຊື່ງໃນປັດຈຸບັນ ສປປລາວ ມີເຂດເສຖກິດພິເສດ ແລະ ສເພາະ 10 ແຫ່ງ ໃນນັ້ນ 5 ແຫ່ງຢູ່ນະຄອນຫລວງວຽງຈັນ.

ຄໍາເຫັນ (2)
Share

ລາວ

ຈາກ ວຽງຈັນ

ຢາກໃຫ້ພີ່ນ້ອງຊາວລາວ ເຮົາທົ່ວປະເທດຫືລວ່າທົ່ວໂລກ ຈົ່ງພິຈາລະນາເບື່ງວ່າຈີນແລະວຽດນາມ ເຂົ້າມາທຳກີນຢູ່ແພ່ນດີນຂອງເຮົານັ້ນ ມັນເປັນແນວຄິດ ຂອງຜູ້ນຳພັກ ແຕ່ຕົ້ນຈົນຮອດປັດຈຸບັນ ທີ່ເຊັນສັນຍາຮ່ວມຮອບດ້ານ ກັບເຂົາສອງປະເທດນີ້ ມາຕະລອດ ພໍແຕ່ເຂົາສເນີທຸກຢ່າງອອກມາ ແມ່ນຮັບເອົາໝົດຂອງຂໍ້ສເນີຂອງເຂົາ ແມ່ນບໍ່ມີເລີຍແຕ່ຂໍ້ດຽວ ທີ່ຈະຕໍ່ວ່າເຂົາເລີຍເມື່ອເປັນເຊັ່ນນັ້ນ ສະແດງໃຫ້ເຫັນວ່າ ຜູ້ນຳພັກທຸກສມັຍແມ່ນຂາດສຕິປັນຍາ ແລະຂາດການເປັນຜູ້ນຳ ທີ່ບໍ່ພັດທະນາຕົວເອັງ ມີແຕ່ອາໃສຄົນອື່ນ ແລະປະເທດອື່ນໃຫ້ເຂົາມາຈູງໄປຄື___ແລ້ວແຕ່ສິຄິດ; ຕີຄວາມແບບງ່າຍໆ ຖ້າມັນມາເຮັດທຸຣະກິດຢູ່ໃນລາວ ກໍໃຫ້ມັນຮຽນພາສາລາວຕີ ຈັ່ງສິແມ່ນນີ້ກັບຫັນໄຫ້ຄົນລາວ ໄປຮຽນພາສາຂອງພວກມັນ ອັນນີ້ມັນຜິດຕໍ່ກົດ ຂອງແຮງງານ ສາກົນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 13, 2017 01:37 PM

(

Laos is a new Sino-Vietnamese condominium. Congratulations " somseuay " !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 10, 2017 06:25 PM

ເຕັມຫນ້າ