ຂ.ໄຊຍະບູຣີເຊົາເກັບເງິນ ຄົນງານ ກັບຈາກ ໄທ

ອຸ່ນແກ້ວ ສຸກສະຫວັນ
2016-04-18
ອີແມວລ໌
ຄໍາເຫັນ
Share
ພິມ
ຄົນງານລາວ ທິ່ໄປເຮັດວຽກ ໃນໂຮງງານ ອາຫານທະເລ ຢູ່ ປະເທດໄທ
ຄົນງານລາວ ທິ່ໄປເຮັດວຽກ ໃນໂຮງງານ ອາຫານທະເລ ຢູ່ ປະເທດໄທ
Screen captured migrant workers video

ນັບ ແຕ່ຕົ້ນປີ 2016 ເປັນຕົ້ນມາ ທາງການ ແຂວງ ໄຊຍະບູຣີ ໄດ້ຍົກເລີກ ການເກັບ ອາກອນ ຈາກ ຄົນລາວ ທີ່ ໄປເຮັດວຽກ ຢູ່ໄທ ຍ້ອນເຫັນວ່າ ບໍ່ສອດຄ່ອງ ກັບ ນະໂຍບາຍ ຣັຖບານ. ດັ່ງ ເຈົ້າໜ້າທີ່ ຜແນກ ແຮງງານ ແລະ ສວັດດີການ ສັງຄົມ ແຂວງ ໄຊຍະບູຣີ ໄດ້ກ່າວ ໃນວັນທີ 18 ເມສາ ວ່າ:

"ດຽວນີ້ ເພິ່ນໂຈະ ບໍ່ມາເກັບ ພາກສ່ວນທີ່ ໄປ ຮັບຈ້າງ ຢູ່ໄທ ວ່າຊັ້ນຊະ ໂຕນີ້ ເປັນ ທົ່ວແຂວງ ບໍ່ມີແຕ່ ເມືອງນະ ມັນ ມີແຈ້ງການ ຂອງ ຜແນກອາກອນ ແຂວງ ເນາະ ໂຕນັ້ນຫັ້ນ ມັນ ບໍ່ສອດຄ່ອງ ກັບ ດໍາຣັຖ ມັນ ບໍ່ສອດຄ່ອງ ກັບ ກະຊວງ ແຮງງານ".

ທ່ານ ກ່າວ ຕື່ມອີກວ່າ ມີການສັ່ງ ໃຫ້ຍົກເລີກ ເກັບອາກອນ ຢ່າງ ຖາວອນ ໂດຍສະເພາະ ຄົນລາວ ທີ່ ໄປເຮັດວຽກ ຢູ່ໄທ ບໍ່ຕ້ອງເສັຽ ອາກອນ ຣາຍໄດ້ ອີກ. ໃນປີ ຜ່ານມາ ເຈົ້າໜ້າທີ່ ເມືອງ ປາກລາຍ ແຂວງ ໄຊຍະບູຣີ ໄດ້ ກ່າວວ່າ ຄົນລາວ ທີ່ ໄປເຮັດວຽກ ຢູ່ໄທ ຈະຕ້ອງເສັຽ ອາກອນ ໃຫ້ແຂວງ ມູລຄ່າ 660,000 ກີບ ຕໍ່ຄົນຕໍ່ປີ, ສ່ວນຜູ້ທີ່ ໄປເຮັດວຽກ ແບບ ຜິດກົດໝາຍ ຕ້ອງເສັຽ 1,300,000 ກີບ. ອີງຕາມ ການແຈ້ງການ ຂອງ ແຂວງ.

ເຈົ້າໜ້າທີ່ ໃຫ້ຂໍ້ມູນ ຕື່ມອີກວ່າ ຖ້າຜູ້ທີ່ ໄປເຮັດວຽກ ຢູ່ໄທ ພຍາຍາມ ຫລີກລ້ຽງ ການເສັຽ ອາກອນ ຈະຖືກ ນໍາຕົວໄປ ສູນ ດັດສ້າງ ຫລື ຈໍາຄຸກ ເປັນເວລາ 3 ເດືອນ, ຊຶ່ງ ເຮັດໃຫ້ຜູ້ ທີ່ໄປເຮັດວຽກ ຢູ່ໄທ ເກີດຄວາມ ຢ້ານກົວ ແລະປະກົດ ເປັນຂ່າວ ທີ່ ມີການ ວິພາກວິຈານ ກັນ ທາງ ສື່ສັງຄົມ ອອນລາຍ ຢ່າງກວ້າງຂວາງ ໃນປີ ທີ່ຜ່ານມາ.

ຄໍາເຫັນ (5)
Share

ເຊ

ຈາກ ບໍ່ແຕນ ແຂວງໄຊຍະບູລີ

ໃສທ່ານຄືວ່າໄດ້ຍົກເລີກ ການເກັບພາສີອາກອນ ຄົນລາວທີ່ມາເຮັດວຽກຢູ່ໄທຕັ້ງແຕ່ເດືອນເມສາ ປະຈຸບັນເມືອງບໍ່ແຕນຍັງເກັບຢູ່ເດືອນນີ້ ກໍ່ມາເກັບໄປແລ້ວ 6 ເດືອນເກັບເທື່ອໜື່ງ ຄັນລັກມາເກັບ ກໍ່ຊີບໍ່ວ່າດັອກນີ້ເຮັດໃບ ມາຖືກຕ້ອງຕາມກົດໝາຍ
ຢາກໃຫ້ພາກສ່ວນກ່ຽວຂ້ອງລົງ ກວດກາເບີ່ງອີກແດ່ ຂໍຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2016 01:48 PM

ໄມ

ຈາກ ບໍ່ແຕນ

ໃສວ່າເຊົາເກັບ ມຶ້ວານນີ້ຍັງມາເກັບຢູ່ເລີຍ ເມືອງບໍ່ແຕນ ບ້ານບໍ່ແຕນ ຂໍໃຫ້ພາກສ່ວນກ່ຽວຂ້ອງມາກວດສອບແນ່ ຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 06, 2016 07:01 PM

ຕ່າຍ

ຈາກ ບໍ່ແຕນ

ບໍ່ແມ່ນສະເພາະພວກທີ່ໄປໄທບໍ່ຖືກຕ້ອງ ແຕ່ເກັບທຸກຄົນທັ້ງທີ່ເຮັດໃບອະນຸຍາດເຮັດງານ ຈາກກະຊວງແຮງງານ ມີ MOU ເຮັດໃບອະນຸຍາດແພງຍັງຕ້ອງມາເສຍໃຫ້ເມືອງອີກ ຖ້າເກັບຄ່າທຳນຽມ ໑໐໐໐໐ກີບ ສິບໍ່ວ່າຫຍັງ ນີ້ແມ່ນເກັບເກືອບລ້ານ ເງິນທີ່ເກັບແຕ່ລະປີລວມໆທົ່ວເມືອງຫລາຍຫມື່ນລ້ານກີບ ແຕ່ບໍ່ຮູ້ເພິ່ນເຂົ້າລັດຫຼືກະເປົ໋າຕົນເອງ ຝາກທ່ານຜູ້ທີ່ກ່ຽວຂ້ອງ ລົງມາສອບຖາມຈາກປະຊາຊົນ ແລະກວດສອບເຈົ້າຫນ້າທີ່ແຫນ່ 🙏🏻ຂອບໃຈ🙏🏻


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 03, 2016 02:59 PM

ົໄມ້

ຈາກ ບໍ່ແຕນ

ທົ່ວແຂວງໄຊຍະເລີຍເບາະ ຢາກໃຫ້ເຈົ້າໜ້າທີ່ ທີ່ກ່ຽວຂ້ອງລົງມາສອບຖາມ ປະຊາຊົນເຂດບໍ່ແຕນແດ່ ວ່າຍັງມີການເກັບເງິນຢູ່ບໍ່ ຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 02, 2016 04:20 PM

ກິດ

ຈາກ ບໍ່ແຕນ

ທົ່ວແຂວງເລີຍເບາະ ທີ່ຍົກເລີກ ເມືອງບໍ່ແຕນ ຄືຍັງເກັບຢູ່ ຢາກໃຫ້ພາກສ່ວນທີ່ກ່ຽວຂ້ອງ ລົງມາສອບຖາມ ປະຊາຊົນເບິ່ງວ່າຍັງເກັບບໍ່

ຂອບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 20, 2016 06:16 PM

ເບິ່ງຄວາມເຫັນທັງໝົດ.

ເຕັມຫນ້າ