ລາວ-ອອສເຕຣລຽນ ກັງວົນ ເຣື່ອງ ທ.ສົມບັດ

5 ປີແລ້ວທີ່ ທ່ານ ສົມບັດ ສົມພອນ ໄດ້ຖືກບັງຄັບ ໃຫ້ຫາຍສາບສູນ ຂະບວນການ ເພື່ອ ສິທທິມະນຸສ ແລະ ປະຊາທິປະໄຕ ລາວ-ອອສເຕຣລຽນ ມີຄວາມເປັນຫ່ວງ.

ມື້ວັນທີ 15 ເດືອນທັນວາ 2012 ດຣ ສົມບັດ ສົມພອນ ໄດ້ຖືກເຈົ້າໜ້າທີ່ຕຳຣວດ ຈາກປ້ອມຍາມ ເມືອງທ່າເດື່ອ ຢຸດຣົຖ ທີ່ທ່ານຂັບມາ ແລະ ພາໂຕເຂົ້າໄປໃນປ້ອມຍາມ, ຕາມທີ່ໄດ້ເຫັນຮູບພາບຈາກ ກ້ອງວົງຈອນປິດ. ບໍ່ດົນ ກໍມີຕຳຣວດ ຂີ່ຣົຖຈັກມາຈອດ ແລະ ຂັບຣົຖ Jeep ຂອງ ດຣ ສົມບັດ ສົມພອນ ໄປ. ແລະບຸດນຶ່ງຕໍ່ມາ ກໍມີຣົຖບັນທຸກ ມາຈອດໃກ້ປ້ອມຍາມ ເມືອງທ່າເດື່ອ.

ຫລັງຈາກນັ້ນ ກ້ອງວົງຈອນປິດ ກໍໄດ້ເຜີຍຮູບພາບໃຫ້ເຫັນວ່າ ມີຊາຍສອງຄົນອອກມາຈາກຣົຖ ແລ້ວພາ ດຣ ສົມບັດ ສົມພອນ ຂຶ້ນຣົຖ ແລ້ວຂັບອອກໄປ.

ຫລັງຈາກເຫດການຄັ້ງນັ້ນ ເຈົ້າໜ້າທີ່ທາງການລາວ ກໍປະຕິເສດເລື້ອຍມາ ບໍ່ຮັບຮູ້ ວ່າ ດຣ ສົມບັດ ສົມພອນ ໄດ້ຖືກ ເຈົ້າໜ້າທີ່ຕຳຣວດ ຈາກປ້ອມຍາມ ເມືອງທ່າເດື່ອ ຄວບຄຸມຕົວ ຊົ່ວຄາວ ລໍຖ້າໃຫ້ມີຄົນມາຄຸມໂຕໄປ. ນັບແຕ່ນັ້ນມາ ກໍບໍ່ໄດ້ພົບເຫັນ ດຣ ສົມບັດ ສົມພອນ ອີກເລີຍ. ມື້ວັນທີ 15 ເດືອນທັນວາ 2017 ເປັນມື້ຄົບຮອບ 5 ປີ ທີ່ ດຣ ສົມບັດ ສົມພອນ ໄດ້ ‘ຫາຍສາບສູນໄປ’.

ປະທານ ຂະບວນການເພື່ອສິທທິມະນຸສ ແລະ ປະຊາທິປະໄຕ ລາວ-ອອສເຕຣລຽນ ທ່ານ ປາກຽນ ວິຣະວົງສ໌ ເປັນຫ່ວງ ແລະມີຄວາມ ຄຶດເຫັນວ່າ:

(ສຽງ ຂອງ ທ່ານ ປາກຽນ ວິຣະວົງສ໌ ປະທານ ຂະບວນການ ເພື່ອ ສິທທິມະນຸສ ແລະ ປະຊາທິປະໄຕ ລາວ-ອອສເຕຣລຽນ)