ບຸນທັນ ທໍາມະວົງ ອາດີດ ນັກໂທດການເມືອງ

ທ່ານ ບຸນທັນ ທໍາມະວົງ ອາດີດ ນັກໂທດການເມືອງ ທີ່ຖືກຕໍາຣວດ ນອກເຄື່ອງແບບ ຂອງ ທາງການ ສປປລາວ ສິບປາຍຄົນ ລ້ອມຈັບ ຢູ່ ເມືອງຈັນທະບູລີ ນໍາຕົວໄປເຂົ້າຄຸກ ຄຸມຂັງ ຢູ່ໂພນຕ້ອງ ທີ່ ນະຄອນຫຼວງ ວຽງຈັນ ໃນຕອນບ່າຍ 01ໂມງ ຂອງວັນທີ 19 ມິຖຸນາ 2015 ແລະ ໄດ້ປ່ອຍອອກຈາກ ຄຸກ ວັນທີ 19 ມິຖຸນາ 2019 ຄື ພາຍຫລັງ 4 ປີ ທີ່ທ່ານໄດ້ທົນທຸກ ຢູ່ໃນຄຸກນັ້ນ.

ທ່ານ ບຸນທັນ ທໍາມະວົງ ນັກເຄື່ອນໄຫວ ເພື່ອ ເອກກະຣາດ ແຫ່ງຊາດ ແລະ ປະຊາທິປະໄຕ ຂອງ ປະຊາຊົນລາວ ໄດ້ໃຫ້ ວິທຍຸ ເອເຊັຽເສຣີ ສໍາພາດ ພິເສດ ຈາກ ປະເທດ ໂປໂລຍ ໃນຂນະທີ່ ຜູ້ນໍາພັກ ປະຊາຊົນ ປະຕິວັດລາວ ກໍາລັງຂູ້ນຂ້ຽວ ກະກຽມ ກອງປະຊຸມໃຫຍ່ ຄັ້ງທີ 11 ຂອງ ພັກ, ຊຶ່ງຈະຈັດຂຶ້ນເປັນ ເວລາ 3 ມື້, ໂດຍຈະເລິ່ມໃນມື້ວັນທີ 13 ມົກກະຣາ 2021 ຊຶ່ງ ເບື້ອງຕົ້ນ ທ່ານໄດ້ກ່າວເຖິງຄວາມເປັນມາ, ແລະ ຄວາມເຂົ້າໃຈຂອງທ່ານ, ກ່ຽວກັບຄວາມເປັນຈິງ ຂອງສະພາບການບ້ານເມືອງ ຂອງລາວ, ເຂົ້າໃຈເຖິງຄວາມເປັນ ເອກກະຣາດ ແຫ່ງຊາດ ແລະ ປະຊາທິປະໄຕ ຂອງ ປະຊາຊົນ, ເຂົ້າໃຈເຖິງ ຄວາມຮັກຊາດ ຮັກບ້ານເກີດເມືອງນອນ, ແລະ ການຄື່ອນໄຫວຕໍ່ສູ້, ແລະ ການກ່າວຫາແບບບໍ່ຖືກຕ້ອງຂອງທາງການ ສປປລາວ ເພື່ອຈັບ ທ່ານ:

ທ່ານ ບຸນທັນ ທໍາມະວົງ ຖືກຈັບເຂົ້າຄຸກເປັນເວລາ 4 ປີ, ໃນຂໍ້ຫາທີ່ທ່ານເວົ້າວ່າກົງກັນຂ້າມກັບຄວາມເປັນຈິງຄື, ທ່ານຖືກທາງການ ສປປລາວ ກ່າວຫາວ່າ ຕ້ານ ສປປລາວ ແຕ່ ທ່ານ ພຽງແຕ່ ວິພາກວິຈານ ແນວທາງ ແລະ ແຜນນະໂຍບາຍ ແລະ ການນໍາພາ ຂອງ ພັກປະຊາຊົນ ປະຕິວັດລາວ ທີ່ ຜູກຂາດອໍານາດ ແບບຜະເດັດການ ພັກດຽວ ທີ່ນໍາພາປະເທດຊາດ ໄປສູ່ຄວາມຫລົ້ມຈົມ, ປະຊາຊົນຂາດສິດ ເສຣີພາບ, ແລະ ປະຊາທິປະໄຕ.