ສິດທິມະນຸດໃນ ສປປ ລາວ


2014.01.19
Share on WhatsApp
Share on WhatsApp
F-european ສະພາຢູໂຣບ ເປີດການ ສົນທະນາ ການຫາຍໄປ ຂອງທ່ານ ສົມບັດ
Sombath Somphone: debate in European Parliament 7th Feb 2013. The case of Sombath Somphone was discussed at a plenary session of the European Parliament in Strasbourg on 7th February 2013. A 9-point resolution was passed unanimously. Further information including a text of the resolution is available at www.Sombath.org

 

ສະພາຢູໂຣບສະແດງຄວາມເປັນຫ່ວງຕໍ່ສະພາບການລ່ວງຣະເມີດ ສິດທິມະນຸດຢູ່ສປປລາວ. ສະພາຢູໂຣບໄດ້ລົງມະຕິເມື່ອ ວັນພະ ຫັດ ວັນທີ 16 ເດືອນ ມົກກະຣາ ປີ 2014 ນີ້ ຮຽກຮ້ອງ ໃຫ້ ສາທາຣະນະຣັດ ປະຊາທິປະໄຕ ປະຊາຊົນລາວ ໃຫ້ຄວາມ ກະ ຈ່າງແຈ້ງຕື່ມ ກ່ຽວກັບ ການສືບສວນ ການຫາຍ ສາບສູນ ຂອງ ທ່ານ ສົມບັດ ສົມພອນ. ໃຫ້ຕອບຄໍາຖາມ ກ່ຽວກັບ ການຫາຍ ສາບສູນ ດັ່ງກ່າວ ໃຫ້ຊອກຫາ ແລະ ໃຫ້ຍອມຮັບເອົາການຊ່ວຍ ເຫລືອ ຈາກນັກຊ່ຽວຊານຕ່າງປະເທດ ເພື່ອຊອກຄົ້ນຫາ ແລະ ເພື່ອວິຈັຍ ທາງວິທຍາສາດວ່າ ທ່ານ ສົມບັດ ສົມພອນ ຫາຍ ສາບສູນໄປໄດ້ແນວໃດ. ຜ່ານມາຍ້ອນຣັຖບານລາວ ບໍ່ໄດ້ມີ ປະຕິກິຣິຍາຫຍັງຫຼາຍກ່ຽວກັບເຣື່ອງນີ້ ສະພາຢູໂຣບຈຶ່ງສົງສັຍວ່າ ທາງການລາວ ອາດມີສ່ວນພົວພັນ ກັບການລັກພາຕົວ ທ່ານ ສົມບັດ ສົມພອນ.

ສະພາຢູໂຣບລົງມະຕິ ອີກວ່າການບັງຄັບໃຫ້ຫາຍສາບສູນຈະເປັນ ອຸປສັກອັນໃຫຍ່ຫຼວງຕໍ່ ສປປລາວ ທີ່ຈະຂໍເຂົ້າເປັນສະມາຊິກ ສະ ພາສິດທິມະນຸດສະຫະປະຊາຊາດ. ສະພາຢູໂຣບຂໍຮຽກຮ້ອງອີກ ເທື່ອນຶ່ງ ໃຫ້ຣັຖບານລາວຟ້າວສືບສວນການຫາຍສາບສູນ ຂອງ ທ່ານ ສົມບັດ ສົມພອນ ແລະ ໃຫ້ເປີດເຜີຍ ການລ່ວງຣະເມີດ ສິດທິພົລເຮືອນ ສິດທິການເມືອງ ຕລອດເຖິງສິດເສຣີພາບ ໃນ ການປາກເວົ້າ ອອກຂ່າວ ເຂົ້າຮ່ວມອົງການຈັດຕັ້ງ ແລະໂຮມຊຸມນຸມຢ່າງສັນຕິວິທີສິ່ງສຳຄັນຕ້ອງນັບຖືສິດທິພື້ນຖານ ຂອງປະຊາຊົນ ຮວມທັງຊົນເຜົ່າສ່ວນນ້ອຍ ແລະຊາວລາວ ທີ່ນັບຖືສາສນາຕ່າງໆ.

ສະພາຢູໂຣບຍັງຮຽກຮ້ອງ ໃຫ້ຣັຖບານລາວໃຫ້ສັດຕະຍາບັນ ແກ່ສົນທິສັນຍາເພື່ອປົກປ້ອງບຸກຄົນ ຈາກການຖືກບັງຄັບ ໃຫ້ຫາຍສາບ ສູນທີ່ ສປປລາວໄດ້ເຊັນແຕ່ປີ 2008 ແລະໃຫ້ຣັຖບານລາວປະຕິບັດ ຕາມສົນທິສັນຍາວ່າດ້ວຍສິດທິມະນຸດທັງໝົດຢ່າງເຄັດຄັດ.

ມະຕິຂອງສະພາຢູໂຣບ ຍັງໄດ້ ສະແດງຄວາມເປັນຫ່ວງ ທີ່ໄດ້ມີການສໍ້ຣາສບັງຫລວງ ແລະ ການຍຶດເອົາທິ່ດິນຂອງປະຊາຊົນ ຢ່າງ ຫລວງຫລາຍຢູ່ລາວ ໂດຍທີ່ ບໍ່ມີການໃຫ້ຄ່າຊົດເຊີຍແຕ່ຢ່າງໃດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ