ຊາວລາວໃຊ້ເຟສບຸກ ຫຼາຍກວ່າ ສື່ກະແສຫຼັກ

ໄຊຍາ
2019-04-23
ອີແມວລ໌
ຄໍາເຫັນ
Share
ພິມ
ເຫດການທີ່ເກີດຂຶ້ນ ຜ່ານທາງເຟສບຸກ ທີ່ສັງຄົມມັກຕິດຕາມ ຫຼາຍກວ່າຟັງຣາຍງານຂ່າວຈາກ ສື່ອອນລາຍກະແສຫຼັກ
ເຫດການທີ່ເກີດຂຶ້ນ ຜ່ານທາງເຟສບຸກ ທີ່ສັງຄົມມັກຕິດຕາມ ຫຼາຍກວ່າຟັງຣາຍງານຂ່າວຈາກ ສື່ອອນລາຍກະແສຫຼັກ
ຮູບພາບຈາກ : ນັກຂ່າວພົລເມືອງ

ປະຊາຊົນລາວມັກຕິດຕາມຂ່າວ ທາງສື່ສັງຄົມອອນລາຍ ໂດຍສະເພາະເຟສບຸກ ທີ່ມີຣາຍງານເຫດການໂຕຈິງ ທີ່ເກີດຂຶ້ນຢ່າງວ່ອງໄວ ໂດຍສະເພາະແມ່ນອອກ Live ສົດ ເຊິ່ງຂ່າວທີ່ໄດ້ຈະແຕກຕ່່າງ ຈາກຂ່າວກະແສຫຼັກ ທີ່ມີພິທີການຫຼາຍກວ່າ ແລະ ການຣາຍງານກໍບໍ່ ທັນເຫດການ, ດັ່ງຄຳເວົ້າຂອງປະຊາຊົນ ແຂວງໄຊຍະບູລີ ທີ່ກ່າວຕໍ່ສຳນັກຂ່າວ ວິທຍຸເອເຊັຽເສຣີ ເມື່ອວັນທີ 23 ເມສາ ນີ້ວ່າ:

"ໂທຣະພາບລາວ ບໍ່ໄດ້ລົງແບບວ່າໂຕຈິງເລີຍເດ້ ກໍມາອ່ານໃຫ້ຟັງຊື່ໆ ແຕ່ບໍ່ມີພາບປະກອບເລີຍ ໄປລົງຄຸກຄີ, ສັງຄົມທຸກມື້ນີ້ຕ້ອງໂລກ ອອນລາຍ ໄວກວ່າໂທລະພາບ ຄືນໍ້າຖ້ວມອັັດຕະປື ເມື່ອກີ້ນີ້ບໍ່ເປັນຫຍັງຄົນໄທ ເຂົາຮູ້ຄົນທີ່ເສັຽຊີວິດມີຈັກຄົນ ຄົນທີ່ ລອດຊີວິດມີຈັກຄົນ ແຕ່ປະເທດລາວຄິດປີດບັງ ເປັນຫຍັງຣັຖບານລາວ ບໍ່ເປີດເຜີຍ."

ສ່ວນປະຊາຊົນ ຢູ່ແຂວງສະຫວັນນະເຂດ ກໍເວົ້າຄືກັນວ່າຂະເຈົ້າ ໄດ້ຟັງຂໍ້ມູນຂ່າວສານຈາກ ເຟສບຸກ ຫລາຍກ່ວາສື່ກະແສຫລັກ ຂນະທີ່ ໂທຣະທັສລາວມີພຽງ 3-4 ຊ່ອງ ແລະຈຳກັດການເຂົ້າເຖິງຂໍ້ມູນຂ່າວສານ.

"ທາງໂທລະພາບ ຂ້ອນຂ້າງຈຳກັດຂໍ້ມູນ ແລະຈຳກັດຂ່າວຄາວ ຍົກໂຕຢ່າງກ່ຽວກັບຢາເສບຕິດ ກ່ຽວກັບປະເທສຊາດ ທຸກຂ່າວບໍ່ສາມາດ ຣະບຸໄດ້ວ່າ ໂຕໃດແທ້ທີ່ເພິ່ນຈະສົ່ງ ຖ້າສິ່ງໃດທີ່ບໍ່ແນ່ນອນ ບໍ່ຊັດເຈັນເພິ່ນບໍ່ໃຫ້ອອກ ຂ່າວອອນລາຍ ມັນກໍຈຳກັດ ບໍ່ໄດ້ ເຈົ້າໜ້າທີ່ມັນ ບໍ່ສາມາດທີ່ຈະກວດສອບ ເຣື່ອງຂໍ້ມູນມັນມາຈາກໃຜຕົ້ນສະບັບ."

ໃນຂນະທີ່ອົງການ ສຳນັກຂ່າວໄຮ້ພົມແດນ ໄດ້ເປີດເຜີຍດັຊນີ ເສຣີພາບສື່ມວນຊົນໂລກ ປະຈຳປີ 2019 ໂດຍປີນີ້ພົບວ່າເສຣີພາບ ສື່ມວນຊົນລາວ ຍັງຢູ່ໃນອັນດັບເດີມຈາກປີຜ່ານມາ ໂດຍຢູ່ໃນອັນດັບທີ 171 ຈາກທັງໝົດ 180 ປະເທສທົ່ວໂລກ ໃນຄະແນນ 64,49. ດັ່ງເຈົ້າໜ້າທີ່ ກະຊວງຖແລງຂ່າວວັທນະທັມ ແລະທ່ອງທ່ຽວ ໄດ້ກ່າວວ່າ:

"ຂະເຈົ້າເວົ້າໄປນັ້ນອ້າຍກໍບໍ່ຄ່ອຍສົນໃຈດອກ ຄືພວກອ້າຍນີ້ເອີ້ນວ່າສື່ສັງຄົມນິຍົມ ກໍຮັບໃຊ້ຣະບອບສັງຄົມນິຍົມ ຮັບໃຊ້ພັກ ຮັບໃຊ້ຣັຖບານ ຫັ້ນມີແຕ່ວ່າຂະເຈົ້າ ຈັດອັນດັບເຮົາວ່າມີເສຣີພາບ ຈຳນວນເທົ່ານັ້ນ ໃນເທົ່ານັ້ນເທົານີ້ ເຮົາບໍ່ເຊື່ອດອກ ເຮົາຮູ້ສຶກວ່າ ເຮັດວຽກມີຄວາມສຸກ ຣັຖບານ ກໍບໍ່ໄດ້ບີບບັງຄັບເຮົາ ວ່າເຮົາຕ້ອງຈັ່ງຊັ້ນຈັ່ງຊີ້ບໍ່ ບໍ່ແມ່ນ; ຍົກໂຕຢ່າງສົມມຸດວ່າ ຣັຖບານວ່າອັນນີ້ຂ່າວນີ້ ຍັງບໍ່ທັນສາມາດອອກໄດ້ ສິໄປຣາຍງານໄດ້ ມັນກໍບໍ່ໄດ້."

ອີງຕາມການຣາຍງານຂອງ ທ່ານ ທອງໃສ ຊານໄຊຍະ ຮອງຣັຖມົນຕຣີ ກະຊວງໄປສະນີ ໂທລະຄົມມະນາຄົມ ແລະ ການສື່ສານຢູ່ໃນ ກອງປະຊຸມ ສຳມະນາວິທຍາສາດ ພາຍໃຕ້ຫົວຂໍ້ ການຄຸ້ມຄອງດ ການນຳໃຊ້ ແລະ ພັທນາສື່ ໃນໄລະຍະໃໝ່ ເມື່ອທ້າຍປີຜ່ານມາວ່າ, ຈາກສະຖິຕິ ເດືອນມົກກະຣາ 2018 ມີຜູ້ນຳໃຊ້ Facebook ໃນລາວເຖິງ 2,4 ລ້ານ ບັນຊີ ໃນນັ້ນນໍາໃຊ້ຜ່ານ ໂທຣະສັບ ມືຖືເຖີງ 92% ເຊິ່ງໝາຍຄວາມວ່າຄົນລາວ ທີ່ນຳໃຊ້ຊື່ສັງຄົມອອນລາຍ ແຕ່ລະຄົນມີບັນຊີ Facebook ໂຕເລກດັ່ງກ່າວ ເພີ່ມຂຶ້ນເຖິງ 6 ແສນ ບັນຊີ ໃນໄລຍະພຽງແຕ່ 1 ປີ ຜ່ານມາ.

ຄໍາເຫັນ (1)
Share

(

Let the monkey-Lao watch Lao Star TV while those who live in Laos use Facebook. :))


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 25, 2019 06:00 AM

ເຕັມຫນ້າ