ຊາວຄຣິສຕຽນລາວ ຖືກຈັບ ລ່າມໂສ້

ຈໍາປາທອງ
2019-04-25
ອີແມວລ໌
ຄໍາເຫັນ
Share
ພິມ
ທ້າວ ອະງຸ່ນ ທີ່ຖືກລ່າມໂສ້ ແລະ ຖືກຕົບຕີຫູ ທັງສອງຂ້າງ
ທ້າວ ອະງຸ່ນ ທີ່ຖືກລ່າມໂສ້ ແລະ ຖືກຕົບຕີຫູ ທັງສອງຂ້າງ
ຮູບພາບຈາກ : ນັກຂ່າວພົລເມືອງ

ຊາວຄຣິສຕຽນລາວ ທີ່ແຂວງສວັນນະເຂດ ຄົນນຶ່ງ ຖືກຈັບ ຍ້ອນເຊື່ອຖື ສາສນາເຍຊູ, ອີງຕາມແຫຼ່ງຂ່າວ ທີ່ໜ້າເຊື່ອຖືໄດ້ ຈາກ ເມືອງພີນ ແຂວງສວັນນະເຂດ ທີ່ໄດ້ຢືນຢັນ ຕໍ່ຜູ້ສື່ຂ່າວເອເຊັຽເສຣີ ເມື່ອວັນທີ 19 ເມສາ ທີ່ຜ່ານມາ. ເຈົ້າໜ້າທີ່ປ້ອງກັນຄວາມສງົບ ປະຈຳ ເມືອງພີນ ແຂວງສວັນນະເຂດ ໄດ້ຈັບຊາວຄຣິສຕຽນລາວ ຊື່ວ່າ ທ້າວ ອະງຸ່ນ, ຊາວບ້ານ ໃນເຂດບ້ານສົບບອນ, ເມືອງພີນ ແຂວງ ສວັນນະເຂດ ແລ້ວເອົາໄປ ກັກຂັງໄວ້ ສະຖານທີ່ແຫ່ງນຶ່ງ ຕັ້ງແຕ່ ວັນທີ 11 ມີນາ 2019 ທີ່ຜ່ານມານັ້ນ, ຈົນເທົ້າດຽວນີ້ ກໍຍັງບໍ່ທັນ ຖືກປ່ອຍໂຕເທື່ອ.

ໃນເບື້ອງຕົ້ນ, ທ້າວ ອະງຸ່ນ ໄດ້ຖືກນຳໂຕ ໄປສືບສວນສອບສວນ ພຽງຜູ້ດຽວ ຍ້ອນເຈົ້າໜ້າທີ່ ກ່າວຫາວ່າ ຜູ້ກ່ຽວ ໄປລັກລອບ ຕັດໄມ້ຫວງຫ້າມ ຢ່າງຜິດກົດໝາຍ ທັງໆທີ່ໄປກັບ ເພື່ອນບ້ານຫຼາຍຄົນ, ແຕ່ພັດຖືກນຳໂຕ ໄປກັກຂັງ ພຽງຜູ້ດຽວ. ພາຍລຸນມາ, ຄອບຄົວ, ຊາວບ້ານ ແລະ ຍາຕພີ່ນ້ອງ ບອກວ່າ ຜູ້ກ່ຽວ ຖືກກັກໂຕ ຍ້ອນໄປເຊື່ອສາສນາເຍຊູ ແລະ ເຈົ້າໜ້າທີ່ ກ່ຽວຂ້ອງ ກໍຖືໂອກາດນີ້ ເອົາຂໍ້ຫາ ລັກລອບຕັດໄມ້ນີ້ ບັງຄັບ ໃຫ້ລາວ ປະລະການເຊື່ອຖື ສາສນາເຍຊູ, ແຕ່ຜູ້ກ່ຽວ ບໍ່ຍອມປະລະ ຍ້ອນໄດ້ເຊື່ອຖືແລ້ວ ຈຶ່ງຖືກເຈົ້າໜ້າທີ່ ຕີຫູທັງ 2 ຂ້າງ ຈົນໄດ້ຮັບບາດ ເຈັບຢ່າງຮຸນແຮງ, ທັງຍັງ ໃສ່ກັບຕີນກັບມື ຜູ້ກ່ຽວນຳດ້ວຍ, ອີງຕາມຄວາມເວົ້າ ຂອງແຫຼ່ງຂ່າວ ໃນແຂວງສວັນນະເຂດ ທີ່ໄດ້ຢືນຢັນຕໍ່ ຜູ້ສື່ຂ່າວ ເອເຊັຽເສຣີ ໃນວັນທີ 23 ເມສາ ນີ້.

ກ່ຽວກັບເຣື້ອງນີ້, ຜູ້ສື່ຂ່າວເອເຊັຽເສຣີ ໄດ້ໂທຣະສັບ ຕິດຕໍ່ສອບຖາມ ໄປຍັງຫ້ອງການ ປ້ອງກັນຄວາມສງົບ ປະຈຳເມືອງພີນ ແຂວງສວັນນະເຂດ ໃນຕອນບ່າຍ ຂອງວັນທີ 23 ເມສາ ນີ້, ແຕ່ເຈົ້າໜ້າທີ່ ກ່ຽວຂ້ອງ ບໍ່ສາມາດ ໃຫ້ຄວາມເຫັນ ໃນເຣື້ອງນີ້ໄດ້.

ໃນຂນະດຽວກັນ, ຜູ້ສື່ຂ່າວເອເຊັຽເສຣີ ໄດ້ໂທຣະສັບ ຕິດຕໍ່ສອບຖາມ ໄປຍັງຫ້ອງການ ສູນກາງແນວລາວສ້າງຊາຕ ປະຈຳແຂວງສວັນນະເຂດ ໃນຕອນບ່າຍ ຂອງມື້ດຽວກັນນີ້, ເຊິ່ງເຈົ້າໜ້າທີ່ ກ່ຽວຂ້ອງ ກໍໄດ້ຊີ້ແຈງວ່າ ໄດ້ມີການຈັບຜູ້ກ່ຽວແທ້, ແຕ່ບໍ່ກ່ຽວຂ້ອງ ກັບການເຊື່ອຖືສາສນາ. ຜູ້ກ່ຽວ ອາຈຜິດເຣື້ອງ ລັກລອບຕັດໄມ້, ດັ່ງທ່ານກ່າວວ່າ:

“ກັກລາວ ເຣື້ອງຄະດີລາວ ລັກຕັດໄມ້ ທີ່ບໍ່ຖືກຕ້ອງ ແນວນັ້ນໄດ໋. ຕັດໄມ້ຜິດກົດໝາຍ ປ່າໄມ້ ມັນກະຕ້ອງ ໄດ້ກັກຕົວຫັ້ນແຫຼະເນາະ, ມັນກະຕ້ອງ ເວົ້າເຣື້ອງ ການປັບໃໝ ໃສ່ໂທສ ການເສັຽເງິນ ພຸ້ນແຫຼະ ຕາມກົດໝາຍ ປ່າໄມ້ພຸ້ນແຫຼະ ໄມ້ຫວງຫ້າມ. ບໍ່ໄດ້ກ່ຽວກັບສາສນາ ເດີ້."

ເຖິງຢ່າງໃດກໍດີ, ມາຮອດມື້ນີ້ ຍາຕພີ່ນ້ອງ ແລະ ໝູ່ເພື່ອນ ຂອງ ທ້າວ ອະງຸ່ນ ກໍພວມຢູ່ ໃນໄລຍະປຶກສາຫາລືກັນ ເພື່ອໂຮມເງິນ ກຽມໄປ ໄຖ່ຖອນ ເອົາລາວອອກມາ ເພາະ ທ້າວ ອະງຸ່ນ ເປັນກຳລັງຫຼັກ ໃນການຫາລ້ຽງ ຄອບຄົວ ແລະ ບິດາ-ມານດາ.

ໃນໄລຍະ ຫຼັງໆມານີ້, ກຸ່ມຜູ້ທີ່ນັບຖື ສາສນາຄຣິສຕຽນ ໃນລາວ ມັກຈະຖືກ ເຈົ້າໜ້າທີ່ທ້ອງຖິ່ນ ຄຸກຄາມເລື້ອຍໆ ໃນຂໍ້ຫາ ປະກອບ ພິທີນະມັສການ ພຣະເຈົ້າ ປະຈຳສັປດາ ຢູ່ພາຍໃນເຮືອນ ໂດຍບໍ່ໄດ້ຮັບ ອະນຸຍາດ. ນອກຈາກນີ້, ຊາວຄຣິສຕຽນລາວ ຫຼາຍຄົນ ໃນແຂວງສວັນນະເຂດ ຍັງຖືກ ເຈົ້າໜ້າທີ່ ທ້ອງຖິ່ນ ດູໝິ່ນ-ສຽດສີ ທາງກາຍ ແລະ ວາຈາ ໃນຫຼາຍໂອກາດ, ເປັນຕົ້ນ ກໍແມ່ນ ບໍ່ອຳນວຍ ຄວາມສະດວກ ໃນເຣື້ອງ ເອກກະສານຕ່າງໆ ໃຫ້ແກ່ພວກເຂົາ.

ຫຼ້າສຸດ, ອີງຕາມແຫຼ່ງຂ່າວ ຈາກແຂວງຈຳປາສັກ ທີ່ໄດ້ຢືນຢັນ ຕໍ່ຜູ້ສື່ຂ່າວ ເອເຊັຽເສຣີ ເມື່ອວັນທີ 19 ເມສາ ຜ່ານມາວ່າ ຊາວຄຣິສຕຽນລາວ ທີ່ເມືອງມຸນລະປະໂມກ ແຂວງຈຳປາສັກ ຈຳນວນ 11 ຄົນ, ໄດ້ຖືກ ເຈົ້າໜ້າທີ່ ປ້ອງກັນຄວາມສງົບ ພາຍໃນເມືອງ ກັກໂຕ ເປັນເວລາ 5 ມື້ ຄືກັກແຕ່ ວັນອາທິດ ວັນທີ 14 ເມສາ ຈົນເຖິງວັນທີ 18 ເມສາ ຈຶ່ງມີການປ່ອຍໂຕ ຍ້ອນພວກກ່ຽວທັງ 11 ຄົນ ປະກອບ ພິທີນະມັສການ ພຣະເຈົ້າ ປະຈຳສັປດາ ຢູ່ພາຍ ໃນເຮືອນ ຂອງໂຕເອງ ໂດຍບໍ່ໄດ້ຮັບ ອະນຸຍາດ ຈາກເຈົ້າໜ້າທີ່ ທ້ອງຖິ່ນ.

ຄໍາເຫັນ (3)
Share

Joseph

ຈາກ Iowa

I don't know about this story happening for real or just brainstorm it as a fake news. For me I believe in Christian and my families are in Lao we believe in Christian as well. If he arrested because of what he believed my families and friends there must be arrested by now lol...For what I knew the police said he was arrested for illegal logging not for what he believed in Christian. I am kinda confuse this is a FAKE news not what I heard from them. I don't know how did RFA get the source from but no fake news please.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 02, 2019 05:59 AM

(

If you want fake news turn to Lao official news. The whole set is fake from beginning till end.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 15, 2019 06:33 AM

(

This is what we can imagine how the dark ages were like. But it's happening in Laos led by the blood-sucking party-state. I dare you to become human again scums of the earth.Even rats don't envy the way you behave. It's too late for you to feel ashamed because you don't know what shame is. You don't even feel guilt because marxism-leninism never taught you guilt. Hell is where all of you belong commies!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 02, 2019 05:57 AM

(

ປກສບ້ານ, ຕໍ່າລວດບ້ານ, ຄະນະບ້ານ, ເຖົ້າແກ່ແນວໂຮມບ້ານ, ກອງຫຼອນບ້ານ ແລະຍັງມີອີກຫຼາຍກຸ່ມ ຢູ່ພາຍໃນຍ້ານນັ້ນໆ ທີ່ພວກເພີ່ນມັກເອີ້ນກັນ, ແລະລວມແລ້ວແມ່ນພວກທີ່ປົກຄອງ, ຄວບຄຸມ, ໄຊ້ສິດໄຊ້ອໍານາດ, ເຮັດຕາມໃຈເກີນຂອບເຂດ ຂອງກົດໝາຍທຸກຢ່າງ, ທີ່ພວກເພີ່ນເຮັດໄປນັ້ນ ແມ່ນເອົາແຕ່ນະໂຍບາຍຂອງຂັ້ນເທິງ ຫຼືສູນກາງທັງໝົດອອກມາອ້າງອີງທັງໝົດ ແລະເມື່ອປະຊາຊົນ ຜູ້ທີ່ຖືກກ່າວຫາ ຫຼືຖືກຈັບນັ້ນ ຖ້າມີເງີນປ່ອນໄສ່ມືໄຫ້ພວກເພີ່ນແລ້ວ ທຸກຢ່າງກໍງຽບຫາຍໄປ, ແລະຖ້າປະຊາຊົນຜູ້ໄດຂັດຂືນ ແລະບໍ່ມີສິ່ງໄດໄຫ້ພວກເພີ່ນ ແລ້ວສິ່ງເຫຼົ່ານັ້ນກາຍເປັນຂໍ້ກ່າວຫາທັງໝົດ ໂດຍບໍ່ມີທາງເລືອກເລີຍ, ນີ້ລະຄືພຶດຕິກໍາຂອງພັກດຽວ ທີ່ພວກເພີ່ນໄດ້ສິດສອນກັນມາ ເປັນເວລາອັນຍາວນານ ແລະພຶດຕິກໍາເລົ່ານີ້ ມັນໄດ້ເສື່ອມຊືມເຂົ້າໄປຢູ່ໃນສໝອງ ຂອງການນໍາພັກດຽວ ແລະພັກພວກຂອງພວກເພີ່ນທົ່ວປະເທດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 02, 2019 05:56 AM

ເຕັມຫນ້າ